緻 (Closed)

網上經OpenRice訂枱，發現屋企附近的這間日本餐廳有七五折，就試一試。店舖座位約有50個，可以揀室外或室內，座位私隱度都幾高。安格斯牛肉壽喜燒定食配漬物、沙律、湯、和菓子，份量幾多幾抵食。不過用來裝壽喜燒的鐵鍋就有點鐵銹味，味道都幾出。本身壽喜燒汁甜甜地好開胃，牛肉就有筋有點老；配菜的豆腐很入味。刺身六點有左口魚、油甘魚、刺身帶子、劍魚、三文魚和三文魚籽。火炙的左口魚超香魚油味；帶子亦都很鮮甜。日本喜之次一夜干燒得皮夠香脆，魚肉比較多骨要小心哽親。特色燒茄子非常出色是因為加了味噌醬和香蔥作調味，比起其他餐廳使用蒜和牛油多了一番日本風味。

將軍澳南一向都多高質餐廳，到訪日式居酒屋「緻」多次一直都未有機會介紹😆 餐廳座位闊落，勝在食物種類多，由刺身﹑串燒﹑炸物﹑佐酒小食都有，價錢唔貴又好食，仲有多款酒精飲品，高CP值之選✅♢ 🦀松露芝士甲羅燒 $88春季限定！蟹蓋裝滿炙燒過既芝士，大量蟹肉﹑蟹膏超澎湃，加埋松露同芝士，香氣逼人！將餡料放到烘過既多士上一齊食，入口creamy又夠香脆，簡直絕配！♢ 🦀蟹肉蟹膏鱈魚脆脆 $68同樣係海量既蟹肉蟹膏，今次仲多左蟹籽，粒粒脆口，口感好豐富！最驚喜反而係片鱈魚乾，香脆之餘仲要好香魚味，啖啖滿足呀！♢ 🍚緻極上刺身丼定食 $218定食超豐富，賣相吸引，晚市套餐包漬物﹑沙律﹑湯同和菓子。極上刺身丼有多款新鮮刺身﹔左口魚﹑油甘魚﹑帶子﹑劍魚﹑三文魚﹑三文魚籽。刺身片片厚切，每款都有幾片，份量大方~ 左口魚邊特別好食，火炙過後齒頰留香，油脂感十足。另外壽司飯都好多，鋪滿成個碗，帶有醋香，十分開胃。♢ 🥩安格斯牛肉壽喜燒定食 $168壽喜燒熱辣辣送上~ 放滿牛肉﹑豆腐﹑鴻喜菇﹑蔬菜，一大鍋超足料！牛肉份量超多，入口幼嫩，配上壽喜燒汁好甘甜！