濱松町日本料理

Open Now

Now Closed

真係好想去旅行呀！近少少去日本都好呀！不過真係唔知要等到幾時先可以去到日本😶😶諗起去日本，就諗起上一次去日本嘅時候，去到一間好好食嘅日本和牛壽喜燒專門店，就勾起左我想食壽喜燒嘅慾望🤤🤤 於是我就上網search 到佐敦一間日式料理餐廳😋睇相見到個壽喜燒鍋好吸引，講真！我真係為咗個牛肉壽喜燒而去依間依間架👍🏻⭐️安格斯牛肉壽喜燒 💰$138壽喜燒嘅湯底唔錯唔會太甜，味道啱啱好！而成個壽喜燒嘅精髓就係安格斯牛肉，牛肉厚實有牛味，建議唔好將個牛肉浸係個湯太耐，唔係就會好靭🫣依一個壽喜燒鍋嘅配料都好足料，有滑豆腐、黃芽白、白菜、洋蔥、大蒜、冬菇及雞蛋等等🤤一個人食一個鍋真係會飽👍🏻😙⭐️吉列蝦卷 💰$88因為驚食唔飽所以嗌多個吉列炸蝦卷，主要原因係新鮮嘅炸蝦卷好少係伏😋而呢個炸蝦卷🍤入邊嘅炸蝦仲係暖嘅，我就係鍾意暖暖地嘅感覺🥰 蝦卷外面好滿咗蟹籽👍🏻為成個炸蝦卷增加了彈牙嘅口感😊

今日同屋企人去佐敦聽talk，沿途經過一間日式居酒屋，裝修幾和風懷舊，好似好特別，結果入黎黎試試～平日夜晚7點，唔算好full～呢到供應好多唔同日式料理，包括壽司、鍋物、天婦羅同串燒等等我地叫左安格斯牛肉壽喜燒，十分足料！牛肉肉質鮮嫩且味濃，豆腐亦值得一讚，好滑且有豆香，非常推薦大家叫呢一味！另外，我地仲叫左燒牛舌，原本覺得$108得兩串好貴，但食完就認為完全物有所值！！牛舌幾厚切，好有牛味，而且燒得岩岩好，正到爆！！整體黎講，食物質素非常高，員工服務態度友禮，一定會再支持！