金玡居 (山頂廣場)

Open Now

Now Closed

秋高氣爽時已過，趁未到炎夏快快帶著主子行山去！ 向來皆是山頂常客的我們，現在更愛，皆因整個商場變身 dog friendly，狗狗可以一同逛商店，亦可到天台跑跑，商場內的食肆亦會供應食物到室外座位，醫肚選擇已經不只止於地面的舖，近日常去一樓的「金玡居」。台式風格，麵及湯唔錯，飲品更是喜出望外，價錢略高但份量足，配合可以帶寵物的戶外環境及恆隆商場美食卷優惠，性價比吸引。（山頂廣場優惠：每花$150可用$50優惠卷，免費派發） 綜合兩次光顧，吃了這些： 宮保皮蛋臭豆腐 $50豆腐唔臭，不過酥脆，皮蛋有點糖心，沒有鹼臭，以豐富而少少辣的宮保汁調味，我覺得好食，不妨一試。 椒麻腐竹 $25椒麻味輕，別抱辛香期望，反過來欣賞它清清地，腐竹很嫰滑，味蕾的清泉。 花雕雞湯麵配香蔥雞肉 $98 這碗麵帶著一份台式細緻感，賣相討好。雞湯濃醇味厚，據說以真材實料三黃雞燉煮而成，少許花雕香；麵條幼細，順滑有力，有水準，不愧為招牌。香蔥雞肉看來嫩滑，實質有點嚡，只以蔥油調味亦有點不足，幸好沾上湯麵汁同吃尚可。 原味精緻雞湯麵配1/4豉油雞 $98另一款雞湯麵同樣滋味，對我來講，重點在華生豉油雞身上，可惜沒有驚

是日帶咗狗仔同埋BB去山頂，所以就決定去金玡居食午餐，因為佢有露天位置。我哋有book枱，所以去到唔需要等位。眼見到我哋食完後已經多人喺門口等緊，所以建議去之前book定枱。店舖裝修簡潔乾淨，服務員非常有禮貌，有問必答唔會覺得唔耐煩。食物方面我哋點左原味清燉雞湯面配豬頸肉，花雕雞湯麵，花椒半筋半肉湯麵，安格斯牛肉麻醬拌麵同埋蝦醬炸雞翼。麵質方面質素有所不同，譬如花雕雞湯麵嘅麵煮得過火，好淋，但係花椒半筋半肉湯麵嘅麵則偏硬。味道方面花雕雞湯富有酒香，好適合需要進補嘅人士。而花椒湯麵亦非常之富有花椒香味，值得一讚係滷蛋，好惹味♥︎蝦醬炸雞翼火候啱啱好，不過味道就麻麻。其他食物就不過不失。飲品方面雪蓮杏仁牛奶可以話係必點！✌︎整體來講，金玡居係非常適合帶狗或者帶BB嘅人士，雖然食物質素有待改進，但仍然都係山頂上唔錯嘅選擇。