樂園 (Moved) New Location

閨蜜放空完回來派手信，於是約埋一齊食飯。之前已經好想試下這間花花餐廳，今晚終於有機會－試了－上到去，嘩！好多人呀已經座無虛席了，心唸好彩訂左位咋。其實餐廳地方不大，座位有限所以建議要訂位。第一眼已經比花花牆吸引了真係好靚呀我眼裡所有都係花花呀！可惜人太多無法影到相而且枱與枱之間真係好迫，同埋比較嘈吵，感覺似茶樓連2隻貓貓都不出來跟客人玩了，令願在籠裡hea....餐廳有最抵消費，每人最少要叫－杯飲品或食物。如叫主菜，飲品可以有半價優惠，另有加一服務費。而且只收現金或payme!我地叫左:三文魚炒飯＄148 - 炒飯比較淋身，但不會太油膩及太咸，感覺健康。而且碟邊放了乾冰，令到成碟飯好有仙氣安格斯肉眼扒＄228 - 賣相吸睛相機食先！份量足夠，塊扒比想像中大件，牛肉不鞋口，略嫌根多薯條粗大香口薯蓉芝士焗西蘭花＄68 - 薯蓉香滑，西蘭花焗得夠淋唔硬身略嫌芝士唔夠香！朱古力芝士蛋糕＄78 - 賣相吸引用sailor moon擺碟好有親切感朱古力芝士蛋糕口感香滑甜度剛好，食完唔覺膩，略嫌朱古力味不突出。紫醉金迷＄34 - 健康水果飲品，有朵花花响面，好雅緻味道酸酸地不太甜，有點似無糖利賓納。

食野係我快樂既泉源，辛勞工作左一整日，好需要找個地方享受晚餐，同朋友傾下計放鬆一下。尖沙咀Cafe唔算多，［樂園］是其中之一且擁有過百好評的Cafe，餐廳係商業大廈，環境清靜，裝修得好繽紛，仲有兩隻貓貓坐陣，同樓下人煙稠密既街道截然不同。連啲餐具都精心選擇過，好girly，女仔會好鐘意！碟上會送你兩粒mentos，一方面清洗下味蕾，二來食糖開心嘛，貼合到餐廳個名呢到主要食西餐，款式都幾多，見食評都有唔小人叫廚師發板，整得好靚！不過我同朋友都好肚餓，想叫飽肚啲既野佢仲有最新廚師推介既小食，入面有幾款，個薯餅望落好吸引，忍唔住要叫來到Cafe，飲品是重中之重，傾計必需要配一杯好喝既飲品！榛子朱古力（跟餐+$25）見天氣涼左想飲返啲熱野，暖下胃，所以我揀左榛子朱古力，貪榛子夠香。第一眼望杯朱古力果時覺得佢好淺色，應該會好淡，點知俾我想像完全唔同。飲落好濃朱古力味，再加左榛子既香，好好飲，鐘意佢帶少少苦，唔太甜。朋友睇相俾杯金莎雪冰（跟餐+$45）吸引左嘩杯野黎到係我俾佢吸引左，未飲過一杯沙冰高到咁，朋友未試我已經忍唔住搶左黎試面頭果層冰有微微朱古力味，本來有點失望，因為朱古力唔夠。點知好戲在

樂園是一間好像親子餐廳！入到去有點像家的感覺，感覺親切！一邊是有玩具&圖書的，是給小朋友玩耍的！店裹還有兩隻貓貓，好可愛喔 ！喜愛貓咪的我，見到都覺得開心但有一隻掛住訓覺一隻就周圍坐，行來行去！不怕陌生人太可愛我愛金莎，是杯很邪惡的飲野，因為它是一杯超大型的朱古力沙冰，非常足料曲奇大王，Oreo沙冰，沙冰高高的，絕下嗇色，但今日太凍飲唔落，但都好好飲！戀之花煙三文魚意粉，意粉上的是砌成玫瑰花🌹的煙三文魚，質感嫩滑，略帶鹹香又鮮的味道讓意粉的味道更豐富整體十分吸引厚燒美國安格斯肉眼扒，賣相唔錯，用上半成熟的火候去香烤，令牛肉嫩滑而入口，肉身更有粉嫩的感覺，極為吸引！

講起樓上cafe，大家隨口都可以講出一堆名字，呢個主打厚吐司、果個係以旅遊為主題，係旺角是但走上一幢商業大廈都總有間cafe。但來到尖沙咀卻有所不同，雖然食肆不比旺角少，但要揾間cafe卻是難度十足。今日選址為於尖沙北京道既樂園，初初以為係整蠱同事，揀間食魚蛋河既餐廳食生日飯，但原來並唔係咁，呢到係一間一站式的cafe。大家除了可以上黎飲野hae住等朋友外，更可以book場搞party，慶祝生日之類。我地一行七人，梗係點番個7人餐，唔洗左度右度，可以即刻玩board game輕鬆下啦。呢度有一大個櫃，全部塞滿哂board game, 淨係揀game都簡左成個字。玩左一陣就上餸啦，首先上既係頭盤沙律，有豆腐有松子仁同沙律菜，加上芝麻醬，沙律菜夠哂凍又fresh，食完成個人涼哂。跟住上就係小食，有吉列蠔、芝士豬肉釀雞翼、餃子、炸魚手指及芝士焗青口。以上咁多款我就最中意食雞翼同蠔。吉列蠔外脆內軟，食既時候蠔仲有汁流出，而且不會有怪味，幾好。雞翼內釀滿豬肉及芝士，上面再灑上芝士粉，簡直係雙重口感。之後主菜出場！我地點左多國腸、安格斯肉眼扒同埋鵝肝意大利飯。其實咁多隻腸入面只係識脆皮場及芝士腸，