亞玉豆腐花

Open Now

Now Closed

放工同男朋友到元朗食飯 未夠鐘但又口痕食碗豆腐花就啱晒喇以為差不多食飯時間會無乜人啦 但原來都好多人同筆者一樣haha雖然主打豆腐花 但都有好多其他甜點✨芝麻糊豆腐花 $12筆者好鍾意食芝麻糊 加埋落豆腐花到一流豆腐花無額外加糖 所以就算溝埋芝麻糊都唔會好甜芝麻糊好香 但就嫌有少少稀豆腐花都滑嘅 但就食唔到有無豆味 因為有都比芝麻味遮晒嚕😛✨有豆砵仔糕 $3砵仔糕係筆者細個最鍾意食嘅小食到而家人大咗 好想搵返細個食到嘅味道所以見親砵仔糕都會買嚟試下$12蚊有5個都幾抵 豆都幾多 唔會太甜不過有啲削 亦都唔係筆者追求嗰個砵仔味🙈✨客家糍粑 $15/3粒呢個真係推介大家試下 真係名符其實嘅皮薄餡靚呢個係今日最甜嘅一樣野 但都唔會話好甜✨黑豆豆漿 $12佢可以揀少甜同無糖 但無糖太好買已經無晒嚕但其實少甜都真係都ok 飲到淡淡嘅黑豆香氣傳統嘅豆腐花店已經買少見少 好值得大家支持下呢😉

亞玉好嘢！每次黎都有街坊排隊，快靚平當之無愧呀！！.亞玉豆腐花是賣傳統中式甜品的，無座位，所以要「立食」或打包走。好多街坊經過都食碗豆腐花先走。.豆腐花都有好多種口味。⭐️黃豆豆腐花（$9）最classic 呢個，有冷熱選擇。黃糖糖水自己加。如要外賣，+$1，感覺上外賣份量較多。.⭐️黑豆豆腐花（$10）質感無黃豆豆腐花咁滑，但個人覺得口感特別，值得一試。.另外，可以加$3加紅豆或芝麻糊。值得加的，因為份量不少，特別是芝麻糊，好香黑芝麻味。..⭐️咋喳（$10）$10一碗十份足料，有西米露、紅豆、綠豆等，而且有陣陣椰奶香味，超值食！.香滑砵仔糕$3一個，$12五個。呢個年代竟然$3食到飽肚嘅小食，不得了！砵仔糕有分原味及紅豆，價錢一樣。.⭐️客家糍粑$6有一粒$15有三粒。皮很薄而且餡料十分之多，咬一口，嘩啲餡多到漏出來。.黃豆豆漿$10枝，黑豆豆漿$15枝都是超級大枝的。黑豆豆漿還可以選擇無糖，健康之選。.總括而言，快靚正，亞玉好嘢！

今次難得去到元朗 食完飯心思思想去總店既亞玉豆腐花食番碗飯後甜品👅 亞玉豆腐花有4間分店 最為人所知當然係荃灣啦 而元朗 屯門 紅磡都有得食架😆我哋就叫左2碗豆腐花泥食 分別係1碗冰凍既豆腐花併紅豆 1碗係熱辣辣既豆腐花併芝麻糊🤤 明知道熱既豆腐花比較滑 不過呢個天氣實在係無辦法食到兩碗熱嘅豆腐花 所以一碗凍一碗熱就岩哂啦😋 豆腐花加左紅豆夠哂甜 紅豆勁多又腍👍🏻 芝麻糊同豆腐花都好夾 芝麻味好香👅由於幫襯只要加$2就有個砵仔糕 所以我地唔小心又食多左1個砵仔糕同3粒糍粑😂 砵仔糕細細隻但係有好多紅豆 唔會太甜👍🏻 糍粑皮薄而煙韌 入面要用爆饀泥形容😱 超飽滿既芝麻花生饀丫 抵食🌟

星期日下午一點多，這個下雨天，竟然也有不少人企在元朗亞玉豆腐花門外食豆腐花。這間亞玉豆腐花沒有坐位，顧客都是站在店舖外立食，別有風味。之前來亞玉都是吃豆腐花，這次決定來點特別的。由於自己好鐘意食糯米糍，不過上次太晚到的關係剛好賣晒客家糍粑，與它緣慳一面，一直念念不忘。今次終於買到客家糍粑，$15有3個，忍唔住買了6個來和家人分享。客家糍粑軟綿綿，柔軟中帶黏糯，拿起手很足料。內饀是芝麻與黑芝麻的混合，咬落皮夠薄，香口而帶有脆勁。砵仔糕12蚊有5個，可揀有紅豆或冇豆。砵仔糕好新鮮，感到些許暖意。黑豆豆漿顏色看起來不會太深黑色，相信是與沒有添加劑有關。飲起來較超市所買到的少甜，相對會比較健康和天然。

在元朗吃過晚飯後，想以豆花作飯後甜品。來到亞玉豆腐花門前，門外的桌椅都收起了，只有鋪內的位置，而且已坐滿了，惟有外帶回家吧。  買豆花的當兒，阿姐正在做缽仔糕。已久未嘗過這兒時的滋味了，而客家糍粑也甚吸引，當下就決定把它們一併帶回家。回到家後，花點心思，很快便拼湊成一個甜品拼盤，還不賴吧!薑汁豆腐花、客家糍粑、紅豆缽仔糕，這中式甜品拼盤只需16元而已。  客家糍粑($5)大小適中，糯米皮做得透薄。一咬開，那內餡多得很，滿滿的都是花生碎、黑芝麻蓉、椰絲和砂糖。內餡又香又甜，花生炒得既香且脆，連不吃糍粑的老公都忍不住吃了一口。   紅豆缽仔糕($3)比童年吃的迷你得多，糕內的紅豆甚多，大大顆的很有咬口，豆味香濃，紅豆迷一定會喜歡。糕身帶一點煙靱，黃糖下得輕手，只是微甜，也不夠香，反而是米香較突出。加上已放涼了，口感定是不及熱辣辣的缽仔糕好。  薑汁豆腐花($8)還是一貫的高水準。那薑汁份量慷慨，貪玩的嚐了一口薑汁，實在是嗆喉得很，那辣勁是鮮薑汁無疑，真材實料。    阿姐早已放進糖水和黃糖粉，糖水混和薑汁味道更好，豆花一如以往，十分香滑，有濃濃黃豆香，即使是凍食也不會變硬影響口感。  亞玉

回公司前在這裡買了一盒三粒的客家糍粑，來做下午茶。睇過食評相片以為是好大粒，但實際是好迷你，只有半隻食指"咁大"。皮子夠薄，夠煙韌，餡量多到爆，花生為主，配以少少椰絲。瞬間吃了三粒，不會飽。說到花生糯米滋我還是喜歡民豐版。

今次黎到呢間豆腐花舖都頗為細間…只得廖廖可數既3個位 …有時候會開張大枱係門口阻街 …阻街既話都會有多7、8個位…不過要自助式…豆腐花有幾種…今次試芝麻糊豆腐花（黃豆）…荳腐花非常滑溜…芝麻又係 真材實料…唔甜…可能都係由顧客自由選擇…我就鍾意落哂兩種甜>>糖漿，砂糖…食落去“索索”聲…好得意 …鍾意薑味既…呢度既薑汁也不錯…重薑味 但據老闆推介>>豆腐花加少少豆漿…食落去會更加滑…呢樣未曾試過…但以前係澳門試過食豆腐花加花奶…真係又香又滑…相信係同一原理… 呢度仲有其他兩樣小食…其中一樣係客家糍粑…即係糯米糍…每日都新鮮即整…皮薄又多“餡” …夠哂甜…每次都會忍唔住叫黎食…而另一樣小食就係x仔糕…有兩款味（有豆，無豆）…豆算多…不太甜…有點黏同軟女綿綿…另外x仔糕會用個蒸籠隔住蒸熱保溫…暖暖地更加好食…原本以為係x仔糕暖先會食落咁軟錦錦…原來唔止咁簡單…因為一個人食哂幾樣野太飽…所以x仔糕外帶了…隔左一晚先再食…估唔到x仔糕既無硬到…連無翻熱都一樣係咁軟綿綿…可見師傅功夫了得…值得一讚