亞玉豆腐花

Open Now

Now Closed

如題，比人打尖，我出左聲有人打尖，佢地係照做打尖既客而我後面係仲有人排隊，下次唔洗排啦插隊就得。野食名大於實，芝麻糊同豆腐花稀到好似水咁，今次經歷令到我食到一肚氣。

好耐都冇幫襯過佢哋買砵仔糕同豆漿， 見佢哋啱啱出爐即刻買咗，而且勁多紅豆我最鍾意❤️，仲有佢哋獨有嘅無糖黑豆豆漿，勁香酒味又要冇糖冇防腐劑👍🏻👍🏻👍🏻真係極力推介😀🥳

客家糍粑$7/1 $18/3一直心思思想買好耐🤫,終於等到星期六啦！去到見到阿姨好落力咁包糯米糍,而阿姨俾我嗰粒就係即包,只不過拎上手好似好細粒同埋員工既分工有啲亂🫣我係返到屋企先食,外皮有少少濕,雖然擺咗一段時間,但仍照煙韌,唔會硬,內餡係花生黑芝麻,睇路都幾好,花生係脆既仲有啲甜甜哋脆脆地既嘢(？),但唯一我覺得唔太好既就係佢太甜,唔太啱啲唔鐘意食好甜既人啦！2/MAR/2024

同一個泰國朋友去買嘢飲之際一擰轉， 我另外一個泰國朋友已經去到阿玉度買紅豆豆腐花😆， 佢話都係第一次溝埋紅豆一齊食， 佢覺得好好食有冇咁甜， 同埋佢話我哋香港部啲紅豆係起晒沙泰泰國唔會仲會一粒粒好硬添，而且佢仲話估唔到香港買甜品都可以咁平， 我諗平嘅原因因為只做外賣， 乜嘢舖頭細咗所以二租金都會少啲

今日去到元朗又新街見到好多人排隊買亞玉豆腐花咁我都埋去望下啦見到佢仲有砵仔糕，呀姐整緊拆緊碗見到咁多人排我都忍唔住要試下啦本來淨係想買豆腐花見到都有幾多人買下其他糕點咁我就心思思想試埋個砵仔糕糖水係可以自己落嘅另外我叫佢分開畀黃糖我因為我要拎到返屋企都一段時間，唔想啲黃糖溶曬一pat不過佢連包裝出面個白色膠袋都好黐立，搞到我成手都立次次返到去我可以自己落黃糖，佢啲黃糖都畀得幾多我都用唔曬我淨係用咗半包反而個砵仔糕幾驚喜仲好食過，附近國記嘅糯米砵仔糕太好食唔記得影低

亞玉豆腐花當然最出名係豆腐花其實食過就知普通以💰$9嚟講 食完又唔會叫佢回水 過吓口癮係OK既我去襯都會叫砵仔糕🤣細細件 有時仲遇到新鮮出爐💰$4/件始終依啲小食已經少左好多 仲食到已經好滿足

平時食宵夜買甜品多數會買松記今日想食豆腐花咁岩經過見到亞玉豆腐花店員姨姨叫我哋試下所以就買左≣≣≣≣≣✿≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣#元朗食好西≣≣≣≣≣✿≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣豆腐花 $11豆腐花好滑 落左黃糖同糖水不過番到屋企黃糖已經溶曬姨姨話落左糖水啲豆腐花會滑啲可能因為係凍嘅豆腐花所以豆味唔夠突出整體黎講還好 不過貴左好多≣≣≣≣≣✿≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣亞玉豆腐花 (元朗)元朗阜財街2號宏豐大廈地下12號舖❊#HK_gfoodie #hkfoodie #homehong#foodie #HKfood #hkfoodielife #hkfoodshare #hkfoodieblogger #hkfoodlover #hkrestaurant #香港 #hkig #香港好西 #香港好去處 #香港美食

相信好多人都有聽過豆腐花減價戰🤣身邊都有唔少朋友有食過佢既荃灣分店，評價唔錯，今次我又試下佢總店有咩分別先🤭🤭🫘香滑砵仔糕 $𝟜/個；$𝟙𝟝/𝟝個姨姨逐粒逐粒係啲砵仔度挑出黎，拎上手仲係暖笠笠架🤤🤤佢地既砵仔糕雖然比較𝕄𝕚𝕟𝕚，但係好足料👍🏻糕同豆既比例恰當，糕身軟糯，紅豆口感好綿密，整體甜度適中😋好食🫶🏻🍮黃豆豆腐花 $𝟙𝟙豆腐花都係細細碗既🥄同行朋友表示豆味都𝕆𝕂濃，同埋的確係好滑，同荃灣分店無乜分別😝𝙿.𝚂.經過都會再返兜嘅，不過我自己就覺得定價略高左少少🤏🏻 下次會想試埋好多人讚既客家糍粑🤤

見到門口佢貼住個牌寫買滿$15蚊價值既野就有一個印花，每日只限貼一個印仔我買個花生糊都18蚊 佢完全冇主動比到個印花我 仲反問番我 乜你要印花架？態度真心差 我應得既野 點解唔可以有？我真係想問佢 你寫得個優惠出黎 又要咁孤寒 唔肯比印花 不如你唔好做優惠

平時多數食原味荳花..今次有其他朋友一齊食..就試多D唔同口味..叫左三隻唔同味既豆腐花有原味豆腐花..花奶豆腐花..黑芝麻糊豆腐花..本身自己都鍾意食甜野既..原味豆腐花會食兩樣糖..糖水加黃糖..黃糖鍾意返到屋企先自己加..增加口感..一如以往..佢個豆腐花好滑..好好味..朋友仔第一次食..都讚不絕口花奶荳花我第一次試..覺得食落比原味滑同有陣奶香..黑芝麻糊豆腐花..估唔到兩樣野好夾..好食👍🏻個人最鍾意花奶荳花..會推薦大家試下😋😋😋

行街行到口乾，又飽飽地，食唔落豆腐花，買咗枝無糖黑豆豆漿，惠顧任何食品加$2有缽仔糕，好抵所以加埋。無糖黑豆豆漿入口濃稠，但少了些黑豆味，尚算順口。缽仔糕有分有豆/無豆，size比一般的細個，糕的質感Q彈，紅豆可能煮的時間唔夠耐，喜歡有咬口的朋友會較適合。下次一定要試試拿手豆腐花和客家糍粑，見到客家糍粑是人手即時包起，好多餡，可惜今次肚子容量有限，缽仔糕散買都係$3/個 $12/5個，阿玉是一間性價比高的店！

口喝行過見有人排隊買豆腐花所以試吓幫襯，眼見大家企喺街邊食芝麻豆腐花好吸引，枝裝豆漿可以揀無糖勁抵讚！豆味香濃，飲第一啖已經覺得好有豆味，夠晒凍，12蚊一枝好抵買，值得支持！未食過客家糍粑，見賣相不錯就買一個即食試吓，估唔到是即叫即做，少少甜，好多料好香脆有驚喜，7蚊一個算係咁，買三個或以上會有盒同埋平啲，下次會買多幾個帶走。美中不足是服務態度唔係幾友善，你忍倒就買啦佢閙客唔志在做幾多生意咁款，唉！好食嘅店係有少少性格㗎喇！

雖然鋪頭名是豆腐花，但也有很多其他中式糖水和小食售賣，價錢適宜，稱得上是平民美食👍🏻除了元朗，荃灣、屯門和紅磡都有分店1. 客家糍粑（$7/1 $18/3）糍粑個頭很大，而且皮薄餡多，餡有花生芝麻砂糖，微微甜不容易膩，糯米皮非常煙韌，性價比很高！評分🌕🌕🌕🌕🌕2. 砵仔糕（$3/1 $12/5）甜度也是屬於微甜，糯糯的口感，紅豆分量算多，啖啖都有紅豆粒，不喜歡吃紅豆的也可以選擇無紅豆版，整體而言味道不過不失，更加推薦試糍粑。評分🌕🌕🌕🌗🌑

🥣 黃豆豆腐花 $10豆腐花表面落滿黃糖，因為唔食薑，所以我哋就冇落到薑汁。一入口就feel到豆腐花幾滑，好似融咗係舌尖上面咁，而且個豆味好濃。但食到最後會有少少太甜，因為全部都浸住係糖水入面。睇其他foodie介紹，平日嘅價錢好似係$3碗，可能係因為新年所以加左價，不過$10碗都ok啊！👅評分：7/10🥄 客家糍粑 $18/3粒其實今次主要係為咗個客家糍粑而幫襯，其他foodie果然冇介紹錯。每粒糍粑都超大粒，勁飽滿，圓碌碌咁幾得意。見到店員坐係後面逐粒逐粒咁包，餡料俾得完全唔手軟，粒粒都爆餡💥。一咬落去啲花生芝麻餡就爆晒出嚟，個皮就煙煙韌韌，好好咬口。個花生芝麻餡仲要好香，皮薄餡靚真係冇講錯。👅評分：8/10

我食咗碗綠豆豆腐花，係我食過都幾唔好食嘅豆腐花之一頭五位，不過咁平仲想點吖食飽飯冇嘢做都可以食下嘅～食下綠豆都可以當熱氣，咁喺附近食完熱氣野就可以食呢個啦！個綠豆冇乜特別甜甜地，啲豆腐花質地散散地，水水地，小小話，唔知$17嗰啲會唔會好食啲呢？定係都係同一隻豆腐花呢？下次返嚟再試過先！抗疫期間加一蚊外賣碗。但奇怪佢寫住$3咁不如全部寫晒$4，🤣原來右上角有個牌寫住外賣盒抗疫期間加一蚊，隔離都有當豆腐花，可以比併下。