樂天皇朝 (東薈城名店倉)

Open Now

Now Closed

系東薈城行街行到攰，梗系要醫下肚啦🥹平時成日食cafe，偶爾都想食下中菜🤣所以就嚟咗呢間食😌特色皇朝小籠包｜ᴴᴷᴰ138八色小籠包系呢度既招牌菜，一直都好想試！😍八隻味分別系原味、糟溜絲瓜、鵝肝、黑松露、芝士、蟹粉、蒜香、川味，餐廳會附上一張紙仔教客人進食既次序，應該就系要由淡味至濃味咁食😂小籠包皮薄帶少許煙韌👍🏻👍🏻但佢又吾會薄而好易穿，搞到漏晒湯汁喎👍🏻除左原味之外，個人覺得黑松露、蟹粉同川味都幾好食。個川味簡直同譚仔十小辣一樣味😂蘿蔔絲酥餅｜ᴴᴷᴰ45熱辣辣炸起，外層炸得金黃鬆脆，裡面滿滿既蘿蔔絲😍 岩晒我呢d勁中意食白蘿蔔既人😍松花皮蛋豆腐｜ᴴᴷᴰ58好簡單既一款涼菜🙈豆腐好滑，個汁好香麻油味。蟹粉豆腐｜ᴴᴷᴰ138上菜時系一鍋咁上，仲會有個爐heat住佢，等佢無咁易凍。勁多蟹粉！呢個配白飯真系一流😍宮廷驢打滾｜ᴴᴷᴰ48由糯米粉做成既外皮包住豆沙餡，面頭沾上黃豆粉😗食落煙煙韌韌，又吾會好甜😗檸檬菊花蜜｜ᴴᴷᴰ22清熱解毒之選🤣檸檬薏米水｜ᴴᴷᴰ20清清地，酸酸甜甜🤭消滯一流👍🏻😌

🤎樂天皇朝相信大家都會食過 估唔到開到東涌都有 入面座位都好寬敞 適合一家大細去東涌玩食❤️前菜係花生蠶豆 好淋 好入味 食唔停口🧡皇朝小籠包 $118呢個招牌8色小籠包真係街知巷聞 我每次黎都會食 小籠包皮薄晶瑩 入面湯汁好鮮甜😛8隻味 包括 原味，絲瓜，鵝肝，黑松露，芝士，蟹粉，蒜香，川味。枱上會有張紙仔教你由原味（淡）食到川味（濃）。💛作為重口味愛好者，我最鍾意黑松露同川味 💚京醬肉絲 $90京醬味道都好濃 有少少太咸 底層鋪左京蔥 用皮包住肉絲同京蔥食 有多重口感 呢個有食片皮鴨嘅感覺😛皮只有6件 同餡料比例適中 不過皮如果再熱d會更好💙竹炭流沙包 $42❣️呢個好有驚喜❣️入面係超級流沙 而且奶黃味好足 仲食到奶黃嘅粒粒 好正💜宮廷驢打滾 $45我好鍾意食mochi mochi嘅野 佢係卷起嘅糯米 入面包住紅豆蓉 面頭灑上黃豆粉食落凍冰冰 口感好軟糯 味道唔太甜 🤍另有分店係青衣 銅鑼灣 旺角 將軍澳

滬菜香港有唔少，但要吸客就要有D賣點，老實說，點解要去食係因為呢頗吸睛八式小籠包，八種口味，顏色奪目，就算口味有點怪怪的（例如芝士、鵝肝口味）都抱著一試心態。其他亦有唔少特別菜式，但可惜(芝麻醬油麥菜、海蜇頭）都未有，唯有有緣再試。今日點了八式小籠包，有原味、絲瓜、鵝肝、芝士、黑松露、蟹粉、蒜味及川味。在八款中我試了黑松露，夾起回碗中，已經聞到淡淡松露味，食落都亦一樣，不太濃，合我心水，我其實都幾怕濃濃gas味。另外還試了川味、蒜味，其實唔睇介紹的話，都可以食到該小籠包係屬咩味道，但餡料及肉質大致都一樣。呢餐仲點了京醬肉絲加中式薄餅，肉絲味道太咸，就算用薄餅包住食都覺得咸，而且薄餅有點硬身。紅油抄手、成都口水雞及涼拌粉皮，都屬於辣口味，口水雞食了一件(加10皮可要雞脾)雞脾，雖然唔錯幾滑，但好辣呀，我投降; 粉皮本身冇味，但當拌上醬汁，又係辣到溜鼻水！好彩仲有抄手反而唔辣，啱晒我，所以我差唔多食晒最後還有甜品：宮廷驢打滾，我勁推呢道甜品，好軟糯的甜品，里面有一層紅荳，糯米層帶有淡淡椰汁味，糕點再有黃豆粉包住，一試想再試