阿木台灣麵 (廣華街) (Closed)

太座話要去家樂坊買衫，一家三口都好耐冇去嗰邊，唔揸車由石門坐鐵路出去都好快又方便!出到去都十人十睇吓有咩食，發現到呢間台灣麵呢個鐘數仲係咁多人，於是入去試吓有咩咁好食，坐低唔知食乜，睇餐牌見到標示“好吃”之類照點唔會點錯，一定係招牌食品!食台灣麵當然首選係食牛肉麵，個人較喜歡食牛筋，叫咗紅燒牛肉牛筋麵，牛肉夠淋有肉味，牛筋一定唔可以硬，呢度夠軟身有食骨膠原嘅感覺；湯底濃度適中，唔會飲完覺得口渴；家傳鹽酥肉便當，夠膽叫家傳果然名不虛傳，條狀外形以為古怪，食一啖就知從來未食過咁好食嘅鹽酥肉，加上適嘅量肉燥飯，吃清光!炸花枝丸已經好味但都唔夠台式炸大腸咁驚喜，慶幸之前冇喺隔離街食街邊炸大腸，呢度皮脆肉滑，唔會過鹹，廚師好嘢!太座飲芝士岩鹽奶蓋青春茶，佢話更勝出面嘅茶舖，我揀咗金鑽鳳梨紅茶，每飲一啖都有細細粒嘅菠蘿，又唔太甜，所以我建議大家唔使點少甜；值得一提係呢度嗰隻自家制麻辣醬，對於唔嗜辣嘅我都覺好香口，難怪嗜辣嘅太座係咁加，最後仲買咗一樽返屋企!我見到餐牌仲有好多款食品都好吸引，好似炸甜不辣、芝士肉鬆蛋餅唔係度度有，下次一定叫嚟食!期待!

阿木台灣麵 #旺角呢間台灣餐廳雖然係新開張，但係已經吸引左好多人排隊。上網留意到原來佢哋家族喺台灣度賣麵已經有60年歷史，因為個女唔想祖傳嘅技術失傳，於是嫁到嚟香港之後都喺香港開返間台灣餐廳。紅燒牛肉牛筋麵 $69我自己好怕紅燒牛肉嘅湯底好大浸酸酸地嘅藥材味，今次呢個依然會食到牛同埋藥材餚出嚟嘅香味，但係又唔會覺得太酸，不過亦都唔算太濃郁。麵條方面，可以揀加$3轉關廟麵，但係落單嘅時候店員推薦佢哋自家製嘅麵條，話更加索湯。聽到唔使加錢嘅麵條仲好過要加錢，所以我哋即刻轉翻佢哋原本嘅麵條。雖然佢哋係沿用老店配方，每日手工製作，但係我自己略嫌煮得有啲淋，而且冇想像中咁濃味。相反，啲牛肉同埋牛筋就真係好好味。佢哋用嘅係金錢腱，每塊都有成隻手咁大，仲要有成1cm咁厚。雖然厚，但係一啲都唔韌，仲幾乎入口即溶。同樣地，啲牛筋亦都非常軟腍，好滑脫脫好淋。而且無論係牛肉定牛筋，都同樣非常入味。味道:4.1/5 (啲肉真係好好好好正，但係麵條就麻麻，湯底不過不失)性價比: 4/5芝士肉鬆蛋餅 $42好欣賞呢一間嘅蛋餅，尤其鍾意佢嘅皮！唔係嗰種煎到好香脆嘅蛋餅，但係就好煙韌，好鍾意呢個口感！而且入面啲肉鬆亦

最近旺角發現開左間台灣菜新店, 就入去食下～我地點左招牌的家傳鹽酥肉便當, 見到"家傳"2個字已經吸引到我地, 鹽酥雞就食得多, 鹽酥肉真係第一次食, 好有驚喜!!係用豬肉製成, 再切成一條條, 有成4大條甘多, 炸漿唔會太厚, 外脆得黎又唔油膩, 肉質爽口嫩滑, 一定要再encore!! 可惜去到當時飯冇晒, 要等超過半個鐘, 就將原本配搭的肉燥飯, 轉成麻醬拌麵, 都幾夾, 不過注意食得耐麻醬會乾身左, 有少少鹹~黎到小食, 點左台灣小香腸，同台灣食到的味道一樣, 聞到油香味一咬落去好脆, 爆出滿口鮮嫩的肉汁！最後仲叫左個甜品開心share, 冰糖雪耳芋圓湯, 配料有雪耳、龍眼、桂圓、芋圓、杞子等等都幾足料, 芋圓口感煙韌, 唔會太甜~

負責任咁講，係小編係香港食過最好味既台灣鋪😍🤩😋真心真心！真係要再返去食過！😚老闆娘係台灣人，係繼承父親手藝黎到香港發展，製作充滿熱誠、認真，服務用心👍🏻———————————紅燒牛肉牛筋麵🍜 $694.5/5點解會比到咁高分?🧐事關佢個牛肉真你太太太好食啦！😍😋佢地既牛肉係用牛腱，重點係超超超厚🤩，同埋十分之入味，口感超滿足麵質十分彈牙，唔會太硬，又唔會冇哂口感😙而個湯又係另一個驚喜位，用左類似麵豉湯，本身食落覺得有d怪，但食食下又愈食愈想飲😚。加埋枱頭果個自家製麻辣醬真係人間美食! 😍少少麻加辣既口感一流👍🏻 仲有得買返屋企添！($48) 小編忍唔住即刻買返去伴麵😳🙈———————————家傳鹽酥肉便當🍱 $594.5/5呢個炸鹽酥肉係一滴油都冇，炸得好乾身，肉質都好嫩滑，而且仲好juicy，調味岩岩好👍🏻。而且個魯肉飯真係好正，完全食唔到肥豬肉，但又唔會好乾好皺皮既感覺。完全係想食完再食!😍😋除左呢2樣菜式外，旁邊仲有3樣小伴碟，鹵蛋(正)，白蘿蔔(爽)，菜脯(地道)。———————————滷牛腱🐂 $464/5滷牛腱有4大片，其實同牛肉麵又面既牛肉係同一樣野，佢厚到有一般成年人