福源川香閣

Open Now

Now Closed

位於灣仔嘅樓上鋪，座位寬敞都幾有私房菜嘅感覺，當日食飯都見到d十人以上家庭聚會。菜式選擇都好多，我呢d選擇困難症嘅揀左好耐。🍲招牌自選香鍋我地揀左經典香辣鍋，配料有肥牛、牛栢葉、鹵金錢肚、豆皮同萵筍。🌶️香鍋用上十幾款香料製作而成，集麻、辣、鮮、香於一身，香口開胃，可以自選辣度，送飯或就咁食都一樣咁正👍份量都好多，特別係肥牛同豆皮。肥牛入口嫩滑。牛柏葉大舊得黎一d都唔韌。金錢肚比較薄切。豆皮絕對係香鍋嘅好朋友，豆皮掛滿香鍋秘製醬汁味。萵筍爽口🦑鐵板魷魚鬚 $88呢個鐵板上好有氣勢，醬汁熱焫焫到吱吱聲，夠晒鑊氣超惹味！ 魷魚彈牙，洋蔥入味，鍾意食辣嘅唔可以錯過呢個！🥬金蒜粉絲蒸娃娃菜 $68炸得金黃嘅香蒜鋪滿粉絲上， 超濃香蒜茸味， 粉絲吸晒炸蒜精華！其他餸辣，食番個清d嘅蒸娃娃菜平衡一下！🍞金銀鏝頭 $38一個價錢食晒蒸同炸饅頭，滿足兩個願望。無論蒸定炸，點煉奶都係超match!🍡家鄉紅糖糍粑 $38呢個必點！糍粑外層炸得超香脆，上面灑上紅糖粉。內層軟糯，煙煙韌韌，真正做到外脆內軟！自己點紅糖漿甜度可以自己控制🍻食辣野點少得配啤酒，大大支啤酒都係$38，好抵！

今日同屋企人去灣仔食川菜，平日晚上到訪都喺充滿熱鬧，好多人一坐低就會有一小食花生，香脆可口❤️<酸菜鱸魚小份(小辣)>$238呢個酸菜魚味道正宗🥺入面既鱸魚都新鮮，分量唔少之餘，又切到好薄好大塊&無骨，酸菜同寬粉份量多到嚇親酸菜係酸得來帶少少辣，酸菜唔會一尾死酸，食魚之餘都忍唔住倒啲湯汁來飲🥳<招牌香鍋 (經典香辣鍋 小辣)>鮮蝦$48台灣魚腐$48如意寬粉$25土豆片$24蓮藕片$24揀咗經典香辣鍋，好足料，聞到好正既香辣味💕就算叫咗小辣都見到好多辣椒。個menu有好多配料可以揀，最尾係揀咗鮮蝦﹑台灣魚腐﹑如意寬粉﹑土豆片﹑蓮藕片，全部都好好食！鮮蝦炸到脆卜卜，可以連殼食；台灣魚腐食落唔會話太軟身，仲有些甜味；土豆片同蓮藕片好糯好好咬，而些如意寛粉係最底索哂些汁好正好入味🤤<家鄉紅糖糍粑> $38一上枱有成8件，抵食到喊🤣糍粑炸得香口，咬落又幾軟糯<熱柚子茶> $28正常味道，唔會話太甜總括來講，餐廳味道正宗，會再encore

多數人過海，唔係cafe就係西餐，但其實都有唔少高汁中菜，過咗海一樣可以好似神仙咁歎呢間食川菜為主，當中烤魚、水煮魚或者酸菜魚都係台柱大胃就嗌細份酸菜魚，都好大盆喎！仲要勁多魚肉，塊塊肉都好嫩滑酸菜同湯底都唔好嘥，好味都可以就咁飲一碗，加份寬粉仲過癮一份寬粉唔夠，胃民再加碼，升級挑戰紅噹噹嘅酸辣粉，呢個真係辣到馬尿流，同時滋味到口水流肉臊蒸蛋都係第一次嘗試，原來咁嘅組合，既新奇又成功惹味嘅臊子吊起咗簡單綿滑嘅蒸蛋，唔撈飯就咁食都得大胃唔太鍾意食菜，為咗做吓表面健康工夫，就點都整碗菜。但呢盆菜，可以令大胃主動食清光，超有鑊氣呀好多時食中菜，都忍唔住嗌糖醋排骨，加上食辣嘢，可以解吓辣。佢地炸到啲排骨外脆內嫩，骨頭都可以咬得碎，而且非常掛汁血戰完一輪大餐，嚟份川菜必叫紅糖糍粑，炸得好脆，裡面又煙韌，加上紅糖漿同黄糖，墮入溫柔嘅味蕾之鄉另外唔係間間川菜館都有嘅冰粉，大胃見到梗係嗌埋啦！價錢唔貴，仲好大碗，全程靠佢嚟解辣開頭已經有茶水供應，斟出嚟係菊花茶打定底真係好好，因為前菜已經係辣不過好味到停唔到口