家上海 (形點 I)

Open Now

Now Closed

家上海係位於元朗Yoho mall. 元朗西鐵站可以到達，好方便。家上海喺Yoho mall係其中一間好受歡迎嘅食肆。晚市多數都要等位。咁多人去呢度食，就係因為好味👍我自己好鍾意食呢度嘅小籠包，脆鱔。。今次叫埋蟹粉小籠包，但係我都係覺得原味好味D😋餐廳裝修有些懷舊感覺，主要是深啡色。坐位舒服。門口有透明玻璃，可以望到廚師喺廚房入面搓小籠包皮，同埋整其他食物的過程。呢度好適合一家大小去用膳，因為可以叫多D食物，試到多D唔同嘅嘢食。

星期日晏晝見唔係好多人就食呢間，不過2人枱比較少，比想像中等得耐。好彩野食上得好快，唔洗點等。兩個人叫左3樣野，有蘿蔔絲酥餅，小籠包同大排拉麵。先黎蘿蔔絲酥餅，唔知係咪啲碟洗唔切，用左嗰碗上😅😅 酥皮帶橙色，食落有啲紅蘿蔔既味，個人唔太鍾意，質地就不過不失。但啲蘿蔔絲餡比較粗身，部分有啲硬，如果切得幼細啲會再好啲。而且中間有啲芹菜，由於本人唔食芹菜，所以唔太鍾意。之後係小籠包，中規中矩啦，呢嗰價錢黎講，算唔錯。最後係大排拉麵，炸排骨比較厚身，偏硬唔係好鬆脆。湯底清清地都ok，但拉麵就偏稔。

身為上海人既家母，淨係識食，唔識煮，所以作為佢的後代，每次見到上海餐廳，就會帶佢去試試，呢一日就黎到yoho mall一期，零方向感既我，需要一段時間先揾到間餐廳下午茶唔太餓，叫左幾樣點心，2個人share，分別有生煎包 擔擔麵 粉皮 小籠包生煎包用鑊仔上幾得意，熱辣辣滋滋聲咬落去又有汁，個湯汁唔會太油膩，輕鬆食2隻擔擔面覺得個湯偏清淡，可能為左就反大眾既口味啦，麵就煮得剛剛好，唔會過淋。雞絲粉皮合符預期 可以一試小籠包有湯汁，輕鬆夾起冇穿到overall 環境清靜，坐得舒服，唔會大大個燈照住你，行完街攰攰地，係度叉下電幾正！

今日突然想食上海野，於是就近近地去食家上海（今次係第一次食）好驚喜！d野好好食我叫左6樣野，分另係：蒸小籠包，蟹粉大湯包，揚州炒飯，薰蛋，大排湯麵（豬排湯面），香蕉高力豆沙蒸小籠包：皮薄、有湯，好味唔太油蟹粉大湯包：有支飲管比你飲湯都ok既，不過不失揚州炒飯：好食有口感薰蛋：簡直係我既至愛好好味，好香薰味，好正大排湯面：豬排好入味，炸得岩岩好，個麵都好好味香蕉高力豆沙：好味，但我覺得可以再甜D一句講晒係有下次會再食期待

位於元朗Yoho商場內的家上海，是我覺得其中一家最出色的店，店內裝潢大方整潔，而且餐具亦頗精緻，難怪假日經常坐無虛席。Lucas小食家通常平日來吃午餐，每一次都帶著滿足回家去。Lucas最愛─茶香油爆蝦這一道菜不是常常有，如果有的話基本上每一次來我都會點這個。有點像豉油皇大蝦，但他們用上小河蝦，可以一口吃一隻！配料有茶葉和醬油，爆出茶香味，有些蝦頭內更有蝦膏，非常好吃。 家上海炒飯味道中規中距，不算太突出。 松子桂花魚賣相做得很好，醬汁酸酸甜甜的，魚皮脆脆，桂花魚肉嫩滑，值得一試！ 水晶肴肉這個做前菜很不錯，特別是炎炎夏日，涼涼的再點上醋，十分開胃。上海炒年糕年糕黏黏韌韌的，而且寓意步步高陞，所以基本上每一次也必點的。鍋塌豆腐那個醬汁調得非常好，不會太咸，滲入滑溜溜的豆腐簡直是完美的配搭。蜜汁脆鱔這個也是一絕，鱔炸到香脆卜卜，而且那個蜜汁也做得非常好！相信不愛吃鱔的朋友也可一試！紫薯菠菜吃這麼多肉也吃過菜吧~脆煎小龍包這個比較特別，是原個鐵板上的，包皮煎得薄薄脆脆的，又不像生煎包般厚皮，而且一咬肉汁也是爆出來的，也是必試之選。 About Lucas K小篇盧仔，一名八十後打

今日約左友人們嚟到yoho try 上海嘢，平日8點，店外竟然仲有好多人排隊犀利因為一早已經book 左枱，等多10分鐘就安排我地入座。一般所有上海店既嘢食，佢地都有得賣首先，我地叫左蒜泥白肉，加上醬汁，有少少辣，又不太重蒜容味，不錯的叫左3絲麵，都有好多肉絲，芽菜同冬菇，麵都煎得香脆，鐘意食脆卜卜既嘢既人可以try try 前菜仲叫左茶味蝦，茶味濃，蝦都煮到好入味，甜甜的，大推薦皮薄，有湯汁，小籠包需有的元素佢都有經過見到人食炸銀絲卷，又有鍊奶，梗係要叫翻條，可惜既係，個卷係散既，張紙痴到個包無左一半，超失望主菜仲叫左沙鍋雲吞雞半份，竟然有10粒雲吞，雲吞內的蝦都彈牙，雞都係嫩滑的，推薦哦超級失望的高力芋頭雪糕，一聽個名，好吸引，點知個皮係好油的，由於隻碟太熱，入面既雪糕係完全溶化。。。仲要係用芋頭雪米滋勁失望豆沙鍋餅，一到，以為俾人偷食左半碟，個鍋餅皮太油又厚，又無咩豆沙，超級失望勁不建議order🙁總括而言，菜式普通，甜品我一定不會再光顧

今日同男朋友一家人去食上海野，由於無訂枱，要等位，我地係第10張枱等左接近一小時先有位，坐低後即刻睇餐牌，決定要食好啲，叫左個侍應阿姐落單，佢原本態度好差，可能因為忙掛，我地好快就點完菜第一道餸係係我地點完菜5分鐘左右就上左，佢啲麻醬又幾好食，好香，份量都ok食左無耐第二道餸就到左，就係蒜泥白肉，幾塊肉下面用粉皮墊住，隔離就係一兜甜豉油，有啲蒜，略嫌豉油太甜之後到個豆，最好食就係個豆全場最難食就係呢個蝦蟹炒飯，118蚊，啲蝦莓嘅，個飯超乾，大碟係大碟，但真係好啃喉搵笨！個上海炒年糕唔錯，幾好食不過不失嘅小籠包無太大驚喜，皮都幾薄最期待係呢個蟹黃湯包用飲管啜，好多湯，啜完食個包，都唔係咁特別，食唔曬一個，超滯個餃子一上枱，我都嚇親因為係巨型餃子，一個有拳頭咁大，一咬，勁多汁，都幾好食4個人食左咁多野，仲食唔曬，好滯，係幾抵食嘅

Yoho Mall開張咁耐一直都唔敢黎呢邊搵食，因為人真係好多，不過最近因為朋友生日，我地一班人見家上海有得book位就諗住試下啦。星期一，好多餐廳都唔滿座，到左家上海人未夠半數都可以照入，餐廳既傢俬以深色為主，裝修摩登，又帶點老上海既味道，再配合懷舊既餐具，感覺特別舒適。前黎我地一共試左十款菜式，其中一款菜飯唔記得影😝，十款菜式各有千秋，最推介一定係鍋塌豆腐，平平無奇既豆腐，沾上面粉同蛋汁煎香，沒有油膩感覺，仲可以保留到香濃既豆味，入口滑流。