京城鴨子

Open Now

Now Closed

喺尖沙咀東能夠揸住幾拾蚊.可以食到片皮鴨及上海菜式.講都無人信.所以今日轉程到來試探吓.餐廳都唔算好大.啲裝修都幾日式.向街正門入口掛滿左菜式名稱牌仔.座位都有卡座及高枱吧座.我哋兩個人座左係卡座.座位都好舒服.佢哋午餐有A.B.餐兩種.我哋今日點左A餐$68元及B餐$88元.待應遞上餐單及鉛等.在餐單上揀選餐類及揀選所有配搭.交回給待應.等一會.待應好快送上所有食物。🚶🏻‍♂️👉📌京城鴨子 (尖沙咀)尖沙咀麼地道63號好時中心地下19-20號舖

同女朋友最近經過尖沙咀，行完街突然好想食填鴨。忽然醒起朋友推介一間CP值高的北京菜，於上網睇下有冇填鴨食，點知真係有，仲要係跟餐。最近香港消費意慾低迷，去到唔使等位。一埋位店員就幫手斟水，幾好服務。 (檸檬水係強制每位$6)睇一睇張套餐MENU，見到唔使加一，都咁好服務，感覺更好。咁第一次幫襯，當然叫SET穩穩陣陣，而且個SET包幾樣嘢好抵，對我呢啲低消費人士非常之咁吸引。首先嚟咗個烤鴨卷，醬方面我都比較保守，叫返一D花生醬同京醬。而女友就叫咗個橙皮果醬，我食第二舊鴨卷時都落咗，感覺有啲橙皮帶少少苦澀 反而幾夾。之後嚟咗麵食，我又係保守D叫咗擔擔麵，唔錯，但只能說中規中舉同埋口味有少少重。佢就叫咗個鴨絲蒽油麵，都唔錯，如果中意鴨絲可以一試。我同女友都係好中意食小籠包，難得跟餐有，一定要點。個小籠包夠熱，食嘅時候要小心爆汁。我中意食好酸嘅醋，呢碟醋略為淡。但個小籠包因為夠熱所以幾好食。成餐飯有兩樣嘢驚喜，其中一個就係呢個蒽餅，第一次食到外脆內軟成咁，脆得嚟仲要唔會硬，真係值得推介。第二樣驚喜就係呢個包，唔知係咪師傅整包有一手。同樣地，呢個生煎包都係外脆內軟，重要中間啲肉汁勁多!但呢個包唔

片皮鴨人人都愛,但通常店舖至少order半隻,無三,四個人分享根本不成事。但最近比我係公司附近遇上了''京城鴨子'',完全比佢個優惠價吸引咗入黎。午餐$80 片皮鴨兩件+主菜+小食呢個價錢簡直係超值!!!! 真係見住師傅即場燒制,唔會因為價錢便宜偷工減料。 片皮鴨大大件 皮薄,配料可以自己選擇!!小食我揀咗小籠包,本來呢個價錢真係唔會有咩特別期望。但真係好出色三個大大個小籠包,皮薄卻不易穿且湯汁滿滿!!! 絕對比得上任何專門店。最後主菜- 鴨絲菰絲泡飯 又是大大碗,當然唔會超級多鴨肉。但熱熱的湯底充滿濃郁的鴨香,非常治癒。完全是一間可以列入常駐飯堂的餐廳!!性價比超乎想像,連我咁食得到放工都仲有飽肚感

當同女朋友行過尖東想搵野食，咁岩見到好時中心地下新開了一間叫「京城鴨子」的餐廳，試業中。一向為片皮鴨 Fans 既我當然即刻第一時間要試食。誰知竟然不是鴨令我最驚喜。由於是試業中，只有一個套餐選擇，A區烤鴨卷可以選兩款配料同兩款醬料，B區可以選一款麵食，C區可以選一款點心。一落座未落單就已經端上前菜，先來了一個涼菜。有海蜇、青瓜及雞件。海蜇夠惹味，青瓜爽口，三者配合剛好，作為前菜合格有餘。再來是烤鴨捲，我選了花生醬及傳統烤鴨醬，鴨肉肥瘦適中，餅皮做得不錯，夠薄。試完一塊傳統口味後，偷試了旁邊女朋友的果醬配搭，吃下去比傳統的配搭更加清新，剛好中和了鴨的肥膩感，非常推薦大家選果醬。然後是小籠包及窩貼，這兩道是非常驚喜的一道菜，經理端上來的時候還提醒我們要小心「爆湯」，我心諗沒有那麼誇張吧，誰知咬下去的時候真的是充滿湯汁，肉味濃郁。在香港很難找到會「爆醬」的窩貼及小籠包，這個價錢絕對付合大眾，在尖東也非常難找到同等價錢同等質素既上海菜，在尖東算是性價比非常高之選。