Video
3-min walk from Exit P2, Tsim Sha Tsui / East Tsim Sha Tsui MTR Station
continue reading
Telephone
56652211
Opening Hours
Today
11:00 - 21:00
Mon - Sun
11:00 - 21:00
*last order: 20:30
Above information is for reference only. Please check details with the restaurant.
RELATED ARTICLES
由於今天中午比較忙，因此都係決定唔食午餐住，做完晒手頭上業務下午茶時間才落去食野算，一方面又可以避開尖東最迫時間，可以慢慢享受。咁下午茶時間就落左樓下京城鴨子，見佢好抵52蚊，有麵有小食同飲品非常抵。我選擇左一個麻辣牛展麵，炸春卷同埋凍豆漿。首先到號係凍豆漿，唔係太甜，夠健康的，但係唔係好夠豆味道。之後係麻辣牛展麵，牛肉份量足夠的，但係感覺不夠辣，麵質還可以。而最後就是春卷了，感覺有些失望，因為個心係凍的，炸的時間還爭一點，快快手食完繼續工作了。
continue reading
呢度主打性價比高，份量大，價錢唔貴，但味道的話係唔係好好食呢。。。就真係好普通叫咗一份細嘅片皮鴨，就係佢幫你切好曬，一共有八片，可以過下口癮，但係而佢自己打片皮鴨嚟講，質素就真係唔係好突出，皮唔會好脆，不過好嘅地方係佢嘅脂肪亦唔算好多，所以食落去唔會覺得好油，鴨餅亦都算好薄醉雞就普普通通，雞肉係比較梅嘅，但係份量好多鍋貼係即叫即整，上到枱係熱辣辣嘅，但係個底唔係好金黃鬆脆，而且皮比較厚仲叫咗一個烚菜人均150蚊價錢唔算貴，但係食完就係覺得好一般
continue reading
最近與片皮鴨有緣，繼在中環「木子園」與朋友吃過片皮鴨後，第二日又與太太在這間「京城鴨子」吃片皮鴨。「木子園」的片皮鴨是任點任吃的，而這裡名為「京式甘香烤鴨卷」的招牌推介片皮鴨除了一隻和半隻兩種選擇外，還有只得八件的選擇，價錢只是 $108，最適合只得二人的顧客，每人四件「甘香烤鴨」，份量不多不少，剛好。這裡的「京式甘香烤鴨卷」的配料除了必備的京蔥絲和青瓜絲外，還可在三款醬料：傳統京醬、蒜泥醬和橙皮果醬中任選兩種蘸伴鴨吃，而我就揀了傳統京醬和較特別的橙皮醬。這裡的「京式甘香烤鴨卷」雖然不算特別出色，可都有板有眼，水準不差，才一百元多些的價錢，絕對抵食。單吃片皮鴨當然不飽，這天兩夫妻除了片皮鴨外，還點了「招牌小籠包」（$38）、「肘子砂鍋雲吞雞湯」（$108/例）、「蒜蓉拌脆瓜」（$38）和「手抓蔥油餅」（$38），都幾豐富呢！一籠三個的「招牌小籠包」大大一個，肉餡和湯汁都幾好味。「肘子砂鍋雲吞雞湯」的雞件比想像中多，加上數隻雲吞，少許肘子和青菜，材料十足，再配以味道不錯的湯，怪不得會成為店舖特別推介的菜式之一。「蒜蓉拌脆瓜」蒜味夠濃，份量又多，青瓜又夠爽口，是值得一試的涼菜小食。「手抓蔥油餅」雖不算怎麼特別，對已很久沒吃過蔥油餅的我來說，仍是吸引的點心。其實這店子在平日有兩款每位價錢分別為 $70和 $88的午市套餐可供顧客選擇，價錢比散叫更加經濟，下次平日放假，也可以試試它的午市套餐呢！
continue reading
今次要同大家講嘅，係一間裝潢簡約、唔使空等嘅餐廳，食物質素同服務都唔錯㗎！一坐低就嚟咗千呼萬喚始出嚟嘅烤鴨卷 🥢。啱啱好，肌理精細嘅鴨皮包得滋味夠晒款。其實橙皮果醬小小苦澀，但帶點清新，配鴨絶配！擔擔麵口感夠勁，香濃花生醬打造出佛跳牆味道，即使唔係最出色，都算好食。而鴨絲蒽油麵，味道清香，唔油膩，佢那份清新感幾適合夏天嚟嘆。至於蒸籠裡頭嘅小籠包，真係將熱氣同鮮味完美封存，一咬落去，湯汁四溢，醬油稍薄但唔影響整體滋味。無錯，驚喜部分就係嗰個脆脆蒽餅同肉汁豐潤嘅生煎包。蒽餅啲皮薄得嚟香口，一啖咬落去酥脆可口，而生煎包嘅肉汁真係勁得嚟，好似爆花生咁啵啵聲。總括嚟講，呢間餐廳嘅食物真係幾正，對於食肉愛好者嚟講，支撐住一個下午嘅能量都綽綽有餘。下次再嚟尖沙咀，我又會諗住返嚟，食返嗰啲我錫嘅港式「美食」！🥟🍜
continue reading
做完嘢俾個朋友捉咗去食個早啲嘅晚餐，諗住去邊度食嘢都會比較少人，本來話去食厚福街嘅嫲嫲辣辣，但係我同佢講上次去食已經轉咗唔係用個熱嘅鍋，而係轉咗煤氣爐熱住佢慢慢食。所以就決定改咗去第二度食，跟住就去咗呢度啦。去到勝在冇乜嘢人，環境亦都舒服，唯一好笑嘅係佢啲木枱唔係平嘅，可能重得滯將張枱都係兩邊微微向下彎嘅。食物方面就帶咗個基本填鴨，跟住仲有砂鍋雲吞雞，四川口水雞，同埋蒜蓉伴脆瓜。其實都冇乜嘢可以詳細講，總之就係一樣嘢都係幾穩陣幾好味，絕對係可以再同朋友返轉頭再食嘅地方。
continue reading