泰嘟嘟

Open Now

Now Closed

重回曼谷夜市之旅天氣熱熱地，約埋朋友一齊去食泰國菜，喺利奧坊嗰邊有間新餐廳，見到都幾多人排隊，所以我地又試埋一份，大約等左15分鐘就有位入到去氣氛一流，好似去左Bangkok night market, 有幾張卡位設計成Tuk Tuk 車，勁想坐，可惜餐廳太多人，我惟有等嗰張枱既人食飽快手影張相食物方面，揀左個四人餐$408，可以揀五款小菜，另外，叫左套餐可以半價加野飲，超值泰式鐵板蠔仔炒蛋蠔仔新鮮嫩滑，唔會煮到過熟，配合甜酸醬，非常醒胃泰式菠蘿海鮮炒飯配料和份量十足，炒飯粒粒分明，醬汁入曬味 招牌焗黄咖喱麵包軟殼蟹必食推介，麵包香脆，軟殼蟹好大份，黄咖喱味道鮮明，唔辣，適合食唔到辣既人小食拼盤(小)泰式明爐花甲鍋超超超有泰式風味，適合食得辣既朋友，佢地話夠曬正宗，上菜時個爐仲係好熱，一邊食一邊keep warm 馬拉盞炒通菜（$58)芒果芝士沙冰

鮮蝦炒金邊粉份量都幾大碟，配料豐富，食到原汁原味嘅泰式Phai Tai 風味小食拼盤（小）小食拼盤有四款：蝦餅，串燒，春卷，雞翼。蝦餅炸到外皮酥脆，內裏彈牙，熱辣辣熱到燙口，必食推介👍🏻；春卷外皮香脆，內裏有粉絲同香菇，香口得來又唔會太油膩😋；雞翼粉漿有啲厚，炸得有啲過火，不過裏面都唔會太乾身；串燒燒得幾香，不過同樣都有啲過火，雞肉有啲乾。🥭芒果糯米飯賣相好吸引😍，椰汁味香濃，甜度適中，糯米飯煙煙韌韌，不過略嫌有少少硬；芒果清甜😍

泰嘟嘟位於大角咀的大街小巷內，路口都有唔同指示餐廳嘅位置。門口有個寫住Tuk Tuk Neon Night牌，室內環境亦以泰國夜市主題，部分座位更以篤篤為設計題材，彷彿身置喺泰國曼谷的夜市般🇹🇭💁🏻‍♀️今次叫咗1️⃣小食2️⃣個主菜1️⃣個主食2️⃣款飲品🍢小食拼盤（小）💰108泰嘟嘟嘅細小食拼盤都好豐富，絕對係一個2-3人嘅份量，包括：蝦餅、春卷、豬雞串燒同埋雞翼😋全部都係新鮮炸製👍🏻因為用咗唔新鮮嘅油好易有陣溢味架～🐔泰式青咖哩雞💰108普遍嘅青咖哩雞大多選用無骨雞件，但今次就採用連骨雞肉，令到雞肉更有口感，仲可以食到青咖哩口味雞翼添呀👍🏻青咖哩汁辣度亦岩岩好，怕辣嘅朋友一樣食到呀🤣🌶泰式飛天炒通菜💰58見到個名寫住泰式飛天好奇係用醬料為主，但原來係使用泰國嘅辣椒仔嚟炒通菜，對比青咖哩雞就會辣一啲，但如果只喺食到BB辣嘅朋友仔就要注意吓啦🙈🦐鮮蝦炒金邊粉💰78一般以鮮蝦為主炒嘅金邊粉都喺會以芽菜，豆腐乾為配料。但佢地係落埋啲蜆肉仔一齊炒，令到個金邊粉更鮮甜，增加整體口感層次😋🍹椰汁冰💰26呢杯喺朋友仔飲完就覺得椰香味唔算十分濃郁，如果想解暑但又唔想太膩，就可以飲呢杯椰汁冰啦😋🍹龍眼冰💰26鍾意清清

今日嚟到有好多美食嘅大角咀，試一間個門口已經充滿泰國氣氛嘅泰菜。座位設計都好有心思，卡位係泰國嘅tuk tuk車咁，俾大家當去左一轉泰國啲2人套餐好抵食，任選3款都係$238，4人餐任選5款都係$398，而絕大部份選擇都係好吸引，一定揀得岩！另外啲粉麵套餐都好吸引好抵食小食拼盤（小）小嘅已經好豐富，有齊蝦餅，春卷，串燒，雞翼，一共4款必食泰國小食。蝦餅好好味，又脆又夠蝦味，配埋泰式辣醬夠哂惹味串燒就豬雞各有一串，啲肉大件得嚟又夠滑。而且一讚啲小食雖然都係炸物，但係食落口都唔會好油，女士們唔需要擔心！泰皇咖哩牛筋腩煲咖哩好香椰香味，牛腩有好多件同算淋，牛筋係超級淋（骨膠原～～～）唔係會一舊野好硬果種叫埋個印度薄餅去配咖哩，一流！芒果椰香糯米飯2大舊糯米飯嚟到枱仲出緊煙，熱辣辣，配埋好邪惡又好香嘅椰漿，正芒果都有成半個芒果，唔酸，$58都算抵食！⚠️平日7點幾開始有人排隊，大家記得早啲嚟！

尼間餐廳除左泰式食物種類多，仲有好靚好似泰國夜市既環境，有嘟嘟車造型既卡位。午市可以叫lunch set，單點亦可以。叫左招牌焗黃咖哩麵包軟殼蟹($168)，小食拼盤(小$108)，泰式青木瓜豬頸肉沙律($58)，椰汁西米糕($52)，椰青($30)。軟殼蟹炸到好脆，放耐左食都冇‘林’。黃咖哩唔算辣帶少少甜，仲有唔少燈籠椒、洋蔥等，麵包配埋咖哩食，冇得輸。小份拼盤可以試到幾款炸物燒物，雞豬串燒肉質嫩唔乾，而且每塊肉都好大件，可以加沙嗲醬。最值得讚既係，炸春卷既餡料好豐富而且飽滿，好大件，非常脆口。蝦餅夠彈牙，蝦肉結實，比平時食到既size大。加埋甜辣醬一流。必叫沙律，青木瓜好爽脆，拌埋花生碎、青檸汁、酸辣汁，好開胃好消暑。豬頸肉有大約6厚片，肉嫩。唔夠辣仲可以加埋伴碟既餐廳製作辣汁。望落好似好細碟，但個碟有深度，所以其實份量好多。西米糕一客6件，精緻。每件既面頭都有粒粟米點綴。上層係濃濃椰子味既糕，而下層就係西米，仲混有粟米粒，飯後甜品一流。一打開個蓋，椰青水滿到去到個邊位。外層仲有保鮮紙包住，夠衛生。椰青水清甜，夏天飲又解渴又解辣。整體，每碟餸既賣相好靚，連隻碟都好有泰國feel。食