泰嘟嘟

Open Now

Now Closed

大角咀出名多野食，中日韓泰都搵到，而呢間人氣泰式小店泰嘟嘟，鋪仔細細又好有氣氛，佈置都好有特色，就決定嚟試吓二人套餐A+B（$298）超抵食，可以揀三款嘢食！A 我哋揀咗「曼谷火山排骨」， 要啲時間製作，但一拎出嚟真係極度驚艷，排場同份量一流，個盤底有乾冰，有飄煙效果；而且係有四大塊排骨咁多！真係非常足料抵食！食落啖啖肉，豬肉肥瘦有致，而且有豬肉香味更加鍾意佢嘅酸辣汁吊味，食得好過癮！B1我哋就點咗一客「鮮蝦炒金邊粉」配料十分豐富，蝦再加海鮮的數量同種類都比想像中多，就算一款食材都有切成唔同Size，帶出唔同口感，而且都好彈牙，咬落每啖金邊粉都有好爽彈的口感😇金邊粉個底係用咗甜酸嘅醬汁，羅望子醬味道濃郁，再加埋少少嘅青檸酸香，就更加惹味B2「泰式串燒半打」（雞豬各三串）呢款又係超正。雞串燒做到皮脆肉嫩，豬串燒則有好香豬油同香茅醃料味，一啲都唔嚡口，好Juicy醬料嘅香炒花生味好濃郁，係食泰國串燒會想食到的味道👍🏻跟餐配飲品有半價優惠， 我哋叫咗一杯「泰式奶茶」（+$13） 甜度固定，會稍甜，用嚟餸泰菜必嗌「咸檸檬梳打」 （+$13）呢杯可以做到無糖👍🏻係消暑之選計埋加一，二人都只係$3

嚟之前睇左好多食評，知道唔BOOK枱就無位，所以一早whatsapp訂枱😏。當晚星期日，唔少無BOOK枱嘅食客摸門釘。星期一至日都有套餐，不過星期六、日及假日會貴$20。我地一行四人，點左個四人餐$508，注意套餐唔包飲品，但可以半價柯打特飲，不過椰青除外。套餐好豐富，五樣食物，而且每款份量都好足夠。🤓招牌焗黃咖喱麵包軟殼蟹見唔少食評都話正，但我同男友都覺得唔好食。首先個軟殼蟹炸粉好厚，油膩感提升，蟹味又唔香😥；咖哩偏甜，唔係我杯茶。麵包烘過，食到尾D邊位都依然脆。月亮蝦餅份量算大，有成八塊咁多。呢個蝦餅有別於平時食開嘅泰式蝦餅，佢加入左好多香料、蔥頭去整，所以食落香料味好出，蝦味無乜存在感；建議快快脆食，因為放耐左嘅話，外層塊皮會變軟同油。 我都係鍾意食平時嗰款大額蝦餅多啲😅蝦餅配左兩款醬，一款係偏甜嘅泰式雞醬、另一款係更甜嘅醬。招牌去骨豬手煲雖然個煲用蘭芥菜墊底，不過豬手份量唔少，炆到好軟好沐，不過偏甜、無乜藥材香料味。蟹肉炒飯呢個飯望落好淺色、唔似炒，但其實係全餐最好味!! 炒得夠乾身、粒粒分明、少少鑊氣、另外仲有炸蔥頭提味，唔錯。泰式明爐大蜆鍋材料除左大大隻蜆外，仲有肥肉碎、粉

餐廳係以泰國tuk tuk車為概念裝修，餐廳唔係好大但卡位坐得都舒服💁🏻‍♀️🍽️ 泰式生海蝦12隻先黎個頭盤生蝦，賣相好靚，d蝦係浸住係兩款唔同既醬汁，直接攞起就可以食，兩款醬汁都好味，綠色比較清新，紅色比較酸。🍽️肉碎生菜包肥瘦肉既比例適中，調味不錯，好夠味，如果加埋糯米碎仲正🍽️泰式經典明爐烏頭配菜好足料仲有粉絲墊底，平時食明爐烏頭比較少有跟醬汁，但呢個醬汁真係唔錯，同魚好夾，一定要點…🍽️泰式鐵板蠔仔炒蛋蠔仔係幾大隻下，蛋煎得夠香，同烏頭一樣，最大亮點係個汁，個汁既酸味同甜味同香味都好平衡，大推個汁😋🍽️火山排骨成日見火山排骨，但食真係第一次，夠曬視覺效果，味道都好好，肉入味夠淋，骨肉分離，係今日最好既一道菜！🍽️鮮蝦炒金邊粉🍽️泰式檸檬茶+椰汁冰套餐選擇多，性價比高有免運費既到會服務，開party可以試試

之前喺呢間餐廳食過午餐，覺得味道唔錯，所以今日我哋一行三人就嚟呢度試吓佢哋嘅晚餐，最驚喜係佢哋嘅火山排骨，應該係呢度嘅招牌，我見個個都叫，送上我哋枱面嘅時候仲係好多「火山煙」😂我哋叫咗以下菜式： ✨泰式生海蝦食泰國菜點海蝦刺身是常識吧。呢度嘅生蝦新鮮彈牙配咗兩個醬汁，一排就綠色醬汁，而另外一排就係橙色醬汁。蝦肉彈牙且無腥味，所以配咩汁都好食，但係唔食得辣嘅，就記得拎開啲辣椒，唔係就辣親自己。✨肉碎生菜包呢道菜以新鮮的生菜搭配香煎肉碎，口感清爽又不失濃郁。肉碎調味恰到好處，同平時啲肉碎唔同佢加咗青檸，所以感覺更加清新。✨火山排骨呢道菜以其霸氣的外觀吸引目光，排骨堆成「火山」形狀，而且佢放咗乾冰，真係好似火山咁行出嚟。除咗賣相之外，呢碟火山排骨都非常之惹味，湯汁的酸辣平衡得宜，配以香料如香茅、檸檬葉增添泰式風味。排骨軟嫩，肉質入味，帶有微微的辛辣，唔怪得台台都叫呢碟火山排骨啦。✨泰式明爐烏頭魚明爐烤製的烏頭魚，魚肉細嫩多汁，並帶有濃郁的魚香。配以泰式酸辣醬及檸檬，能有效去除油膩感並提升整體味道。入面嘅配菜：蘑菇同粉絲，都吸入魚肉同湯汁嘅鮮味，除咗食魚之外，記住食佢啲配菜啦。✨泰式鐵板蠔煎鐵

是咁的，小弟一個月都會去食一次，但自從換左個經理之後(大機會新移民)，係間餐廳耀武揚威，指指點點，大佬啊，間嘢細到咁，我食餐飯就係咁睇到你訓話員工，同擺款。本身就冇人，我地兩個人食，又要同人搭台，又要90分鐘，又要收勁快d嘢，慌死我地坐太耐。最後搭左台，但走之前所有卡位都冇人坐，成場得3成人，全部逼埋一角。d食物幾好都冇用啦，食到成肚氣。講起食物，第一次食係9分，最後一次食僅僅合格。大家都頂唔緊個經理阿嬸(唔可以用粗魯語言)。。。警世

人氣平民泰式小店🥢店內裝修充滿泰國地道風味🇹🇭泰拳擺設🥊TukTuk車座位🛺感覺尤如置身泰國鬧市😃豬頸肉擁有特別軟滑爽彈的口感🐽跟豬扒、梅頭或排骨肉質不同🥩加入醬汁蜜糖燒更惹味🍯再放上炭爐上熱辣辣燒香🔥外皮香脆，肉嫩爽口多汁💦帶有炭香的獨特風味🤩粉絲蝦煲上枱開蓋熱辣辣火喉十足🍲大蝦用白胡椒炒香🦐粉絲吸盡醬汁精華😍再加入五花肉、香菜根及芹菜葉🥬帶點微辣及胡椒味，十分惹味🌶️菠蘿炒飯是吃泰國菜其中必點之選🏅香脆的菠蘿粒與口感豐富的海鮮炒在一起🍍散發出香甜與鮮味的完美配搭🙌米飯炒得香口，份量好大碟😙

原本book咗7:30pm ， 7pm早到可俾入， 見餐廳得三張枱有人， 但安排一張外賣枱隔離嘅兩人座，唔緊要。 我哋點咗個二人套餐加多咗個海鮮湯，仲有兩杯嘢飲， 一個係椰青，一張細枱係唔夠位擺， 問職員可唔可以比隔離嗰張未有人坐嘅枱俾我哋放住先， 職員回覆一陣會有人唔俾， 將我地另外兩個餸放喺張外賣枱度。 如果真係有好多人我地唔介意咁做，但係當時仲有三張枱都仲係吉嘅。 最後有個男同事忍唔住出聲先俾多張枱放野。 最後到我地埋單都仲有一張梳化位係冇人坐。好失望🌝除咗呢啲負面嘢，嘢食質素係好嘅， 起碼啲嘢食份量真係大到一張枱都放唔落囉⋯二人餐真係抵食： 有一個超大份量嘅火山排骨，金邊粉，馬拉盞肉碎通菜煲，冬陰功湯都有料，清甜椰青。 埋單471 （二人餐298） 。

朋友住喺大角咀 啱啱收樓入伙佢揀咗呢間人氣度好高嘅泰國菜事先book咗位 唔使等咁耐 因為座位都唔算多但係長期爆滿 試吓係咪真係咁好食二人餐價錢都幾抵 298就有三款菜式但係最後我哋都係就咁單點非常值得推薦泰式豬手煲醬汁香濃，好惹味豬手煮得夠腍 份量有好多呢個價錢真係非常抵！個醬汁撈飯一流另外整咗個平平哋嘅60幾蚊嘅泰式辣肉碎飯配荷包蛋肉碎炒得夠香口 隻蛋遮住咗勁多肉碎 唔使就住就住份量比較大方 欣賞！另外仲有海鮮冬陰功金邊粉大大隻虎蝦超正湯唔會太辣 好飲

朋友係大角咀放工，介紹咗呢間泰國餐廳俾我，話夜晚好多人排隊要book位㗎😂，所以今日就黎咗試吓；餐廳位置方便，係奧運站B出口，行過嚟5分鐘左右就到好肚餓，坐低即刻望下餐牌👀，📝餐牌嘅嘢食嘢飲選擇種類有好多，個套餐Set超級抵食，好多嘢都可以揀，我地就order左以下食物:💁‍♀️泰式酸辣鳳爪沙律$78.00朋友一向超鍾意食無骨鳳爪，Staff話個酸辣醬汁係自己調教，唔似出邊嗰啲咁水流流，朋友都話好食過出邊嗰啲好多😌💁‍♀️小食拼盤$138.00好抵食，每款有兩樣，可以試晒咁多樣小食😁💁‍♀️招牌焗黃咖喱麵包軟殼蟹$188.00其實我哋係見到隔籬枱食，已經吸引咗我哋眼球，即刻叫咗🤣，上抬時熱辣辣，急不及待已經即刻切開黎食，厚厚嘅麵包，點滿甜甜地嘅黃咖喱，超正😍💁‍♀️椰汁西米糕（4件）$38.00呢款甜品朋友又係好鍾意食，清清地，亦唔會好甜，做飯後甜品一流🤤❤️溫馨提示: 餐廳另收10%服務費，不過仍然抵食👍食物份量都大份，細食嘅我哋差D食唔曬🙈餐廳坐位坐得舒服，有卡位可以選擇，環境乾淨，光猛；餐廳Staff👬人數唔多，但係全部都好有禮貌、好nice，食物嘅味道👅都好岩我哋，價錢實惠，朋友話可以再

餐廳燈光柔和，座位舒適，加埋大大碟泰式菜。招牌蟹肉炒飯香噴噴蟹肉飯，有好多蟹肉，炒飯底放咗好多香料，有洋蔥、香蔥、蛋絲等等，炒得好香，飯粒粒粒分明。冬陰功海鮮金邊粉冬陰功湯底香濃，微辣，唔會辣到係咁飲水，金邊粉煙煙韌韌，粗又適中，仲有好多配料，有大蝦、青口、魷魚、雜菇等。燒雞半隻份量都幾多，有唔同部位，有雞胸、雞翼、雞唄、雞髀等，雞肉肥瘦均勻，香口嫩滑。芝士奶蓋菠蘿沙冰唔會過甜，有菠蘿味，菠蘿冰打得好蓉，加埋奶蓋味道匹配。

啱啱搬入大角咀,看到這個餐廳很有泰國特色泰國特色,所以進去一試:1. 明爐烏頭: 烏頭是泰國常用的魚類,經過明爐烹煮後口感柔嫩,帶有泰式醬汁的醇香,只是$158價廉物美👍2. 飛天芥蘭: 這種芥蘭是泰國特有的蔬菜品種,葉片肥厚鮮嫩,搭配烏頭形成了恰當的對比。🤗3. 冬陰功海鮮金邊粉:冬陰功是泰國著名的酸辣湯,加入各種海鮮如蝦、魷魚等,酸辣鮮香。作為主食,金邊粉为泰式料理的常用主料,吸附了湯汁的香味。👍這道菜集合了泰國料理的多重特色 - 酸、辣、鮮、香,並巧妙的融合了各種食材。香料和調料的搭配也恰到好處,體現了泰國菜獨特的風味。整體呈現出層次豐富、色香味俱全的特點,整體來說，價廉物美一定會再幫襯!👍這道菜看起來是一份富有泰國特色的創意料理。

📍泰嘟嘟 Thai Tuk Tuk (大角咀)同朋友去奧海城行完，唔想商場搵餐廳，出去搵左間餐廳食，搵左去到都已經full full地的泰國餐廳，入到去係tuk tuk style已經好有泰國feel!!冬蔭公海鮮金邊粉冬蔭公湯底夠濃夠辣夠惹味，海鮮都有唔少，有蠔、大蝦、魷魚等等!串燒沙嗲 (半打)叫了一半豬一半雞，醬汁好惹味，而雞肉串好嫩口，豬肉串好好味!小食拼盤(大)蝦餅有3件，好彈牙啖啖肉，好滿足!春卷都有3件，份量都唔細，香葉雞有特色，有層葉包著雞，雞都好嫩口，魚餅都大塊，配上兩個醬汁好醬汁都好食!馬拉盞炒通菜一上台份量比想像中多，馬拉盞配通菜唔會輸!!!!仲有佢地既套餐都抵食！

泰嘟嘟位於大角咀，是我最近發現的一家正宗泰國餐廳。這裡的裝潢簡潔舒適，讓人感到放鬆。這次來到泰嘟嘟，我點了泰式生蝦12隻、馬拉盞炒椰菜苗和泰式酸辣鳳爪沙律，還有椰青和泰式手打檸檬菜作為飲品。首先說說泰式生蝦，這道菜的生蝦新鮮，質感滑嫩，搭配了香辣的魚醬，吃上一口即刻感受到海鮮的鮮甜與調味的層次感，簡直是味蕾的享受。馬拉盞炒椰菜苗也不容錯過，菜苗的脆甜搭配馬拉盞醬的濃郁風味，讓我一口接一口。再來是泰式酸辣鳳爪沙律，這道沙律酸辣可口，鳳爪的口感彈牙，與香料的搭配十分和諧，讓人欲罷不能。最後，椰青和泰式手打檸檬菜均是消暑的好選擇，椰青清甜爽口，泰式檸檬菜則充滿酸香，為整頓餐加添了清新的感覺。總結來說，泰嘟嘟的每一道菜都讓人驚喜，無論是口味、食材的新鮮度還是擺盤的精緻程度，均值得一試。下次有機會，我定會再來探險更多泰國美味！

呢間泰菜幾有特色，餐廳門口感覺唔錯，裡面兩位姐姐好好招呼，菜式幾特別，亦都好多選擇，擺盤精緻，有些少FUSION感覺，其中嘅特別推介菜式，就係曼谷火山排骨，真係幾吸引，因為放咗乾冰做效果，所以仙氣飄飄咁，幾正，味道酸酸辣辣幾開胃，而且份量好大，三四個人食都得。仲有個冬陰公湯，賣相唔錯，味道香甜濃郁，微辣，配料都幾多。另一個泰式生海蝦，因泰菜館的生蝦好唔好食都幾影響我之後會唔會再嚟食，好彩呢間冇令我失望，D蝦新鮮爽口，最開心係見到佢D擺盤，好靚好有心思，用D SHOT杯盛住每一隻蝦，裏面有醬汁同薄荷葉，我見到時忍唔住問姐姐，我話係唔係要一SHOT過成杯啪咗佢咖 😂，搞到上菜姐姐都笑死，佢話千企唔好啊，好辣咖！🤭仲有佢地嘅蒜蓉包夠香夠熱，外脆內軟，似厚切多士咁，切成方形一條條，而且擺得好靚，顏色金黃，真係有D料到，跟住食咗一半又試吓浸落D冬陰公湯度食，吸晒D湯汁, 另一番風味，好滿足。飲品亦有好多款選擇，我地試咗兩杯都覺得好好飲，真材實料。最後總結吓，間店的裝潢幾得意，睇得出有花心思；菜式有新意，多選擇，味道唔錯；最重要係D招呼真係好好，呢樣嘢比所有食物更吸引。

約左表妹食飯，佢想去大角咀食，難得佢搵左幾間餐廳俾我揀，我見近排無食過泰國嘢，我就揀左呢間泰嘟嘟。去到見到有個2人餐都幾抵$298分，揀嘅食物都幾ok,咁就決揀呢個餐啦。A我哋揀左招牌焗黃咖喱麵包軟殼蟹正常發揮，不過無乜辣味，麵包都有焗到脆口B可以揀2款就揀左串燒同月亮蝦餅月亮餅份量岀乎意料咁大，蝦餅皮用左類似春卷皮去包，十分香脆，好味串燒就分別係3串豬3串雞，豬串燒肥瘦適中，肉軟淋淋，相對雞串燒就偏硬。飲品表妹就叫左芒果沙冰(半價），我就叫左椰青（正價）芒果沙冰，比一般餐廳嘅沙冰細杯，因為叫開沙冰都大大杯，呢方面就遜色左。椰青正常，不過開口，開得唔夠大，食唔到入面啲肉。食物都算中上，不過服務就有啲問題。首先，已經叫2人餐，但不停叫我哋揀食物要叫No.，都唔緊要，但同佢講No.佢又好似唔知個No.代表乜食物，喺到諗個No.代表咩，咁咪講完No.再提下講食物名，但佢又勁強調要講No.！如果你只接收到No.咁一係一講No.你就落到單😑第二我揀椰青原來無半價，可能我睇漏左，但落單嗰陣時提一提客人會好啲。總結呢間都可以一試，月餅餅係推介，不過餐廳都算細，想試就最好先book位。