Orange Elephant Thai Restaurant (啟德道)

Open Now

Now Closed

在九龍城想吃泰國菜除咗比較地道但舖位較細嘅泰國餐廳，如果想坐得舒適，除咗黃XX都有選擇兩個人叫左3個餸，抱住大肚腩走🥘咖喱海鮮脆包盅 會encore嘅item擺盤：有別於出邊嘅一大個包裝晒所有咖喱，將多咗嘅咖喱另外裝起，想食先自行添加唔會一次過將個脆包浸淋晒🥺味道：椰汁味好香，真係有如其名嗰包係好脆基本上用匙羹輕輕力一別開就分開到個包餡料亦都好多！有魷魚、蝦、青口、魚塊咖喱都佈滿蛋花🍳熱辣辣食就冇咁快滯🥥椰子海鮮焗飯 上枱時見到焗飯面有焦焦既已經好吸引份量多，四人分都可以每人分到一碗仔椰汁係甜又有海鮮，所以有鹹甜嘅感覺❤️餡料有魷魚，青口，蝦，魚粒，冬菇，腰果，椰子肉，提子乾，啖啖都有料配小食拼盤 可以一次試哂幾款🔍又抵啲我都推薦次序係：魚餅》蝦餅〉春卷》荷葉包雞中意泰式調味就推薦魚餅蝦餅春卷係正常好食荷葉雞比較乾就唔岩我口味正中間有酸瓜，食食下可以解膩

好想食泰國菜，二話不說首選一定係九龍城!係芸芸咁多泰國餐廳之中，今次選擇左orange elephant...除左因為非常近巴士站之外，莫過於因為見到門口既$1菜式~價錢相宜，即管一試!是日星期四，只要叫個main course...就可以加$1換個飛天通菜! 睇定邊日菜式岩，可以搵晚返黎再encoure~由於得2個人食，試唔到太多，因為份量都幾大!泰式拼盤~（春卷，蝦餅，魚餅，香葉包雞各2件），食泰菜點可以無炸物?每一款都炸得香口，最欣賞炸魚餅，香茅味夠突出原個菠蘿海鮮焗飯~用菠蘿盛載左滿滿既炒飯，海鮮份量亦都幾足夠，青口、海蝦、魷魚都有，再係飯面舖上腰果+豬肉鬆+提子乾，鮮味再加上甜味，更加出色!飛天通菜~是晚1蚊菜式係飛天通菜，眼見每一枱客都有叫，雖然係1蚊，但絕對唔馬虎，通菜炒完仍然爽脆同惹味，又抵食又好味!椰汁珍多冰+芒果冰~我選擇左肥仔之選既椰汁珍多冰，椰奶夠晒香! 同行叫左芒果冰，試過一啖都夠冰夠甜!兩杯除左可以當飲品，仲可以當埋飯後甜品

星期一去九龍城食泰國菜，最好就係去橙象，因為佢有每日$1菜色，而星期一有明爐烏頭揀，正價$162架，今日非常抵食！所以一坐底即刻叫條烏頭先。上菜時好大條魚，張枱都無咩位啦，睇住啲水慢慢滾起，忍唔住夾下佢面頭既配菜，其中佢既肉碎我最鍾意食，酸酸香香入曬味。等佢滾起時終於有得食，烏頭夠曬肥美，食落啖啖肉仲好入味，烏頭同呢種泰式青檸味真係好夾，唔會淨係得啲汁有味，而係滲曬入啲魚肉入面。除左魚肉，仲有大量配菜，肉碎份量都幾多食極都仲有，食到咁上下會飄曬去魚尾位置就夾到好多黎食，仲有啲煮到淋曬又索曬味既椰菜，夾夾下應該有一碗既份量，又有冬菇，仲見成條香茅成塊檸檬葉⋯⋯睇到真係落足料架！燒左一陣開始乾，唔緊要因為佢仲配一碗湯汁可以繼續淋上去享用，好細心。每次食泰菜都唔少得串燒，今次都叫左半打豬牛雞，每舊肉都好大粒唔會有食完未滿足既感覺。上菜時熱辣辣，係串燒既應有元素。當有好多樣野想食時最好就係叫個併盤，佢既小食併盤有蝦餅，炸得夠脆之餘唔會太乾，仲保持蝦肉彈牙，點埋泰式辣醬就最夾、春卷係咖哩粉絲味，上菜時太熱食唔到，要放一陣先食到但仍然好香脆、魚餅我覺得最好食，好足料有口感，應該加左啲馬蹄，佢既味道

食泰國野大部分人都會諗到九龍城，9條街都有泰菜食，仲有好多泰國特色店賣下乾貨。今日見到一間唔係又係「泰」字開頭嘅泰國菜，裝修有幾骨子，於是就入咗去先啦。原來呢度星期一至六都有唔同嘅一蚊優惠，只要喺度食嘢就可以加一蚊換購當日嘅菜式，而我呢日就係加一蚊換飛天通菜，因為我哋得兩個人又想食多啲野，所以叫咗一個小食拼盤，朋友想食烏頭，所以叫咗個新煮法冬陰公湯煮烏頭，再加多兩個椰青。首先黎個椰青🥥，好清甜，不過啲棷肉就好難不出來食。估唔到個飛天通菜係最快到，我估因為係加一蚊嘅菜式，所以應該煮好咗好多，所以咁快😳。不過賣相都唔錯熱辣辣，味道有少少偏鹹，唔算太辣，好適合香港人口味。之後就係小食拼盤，分別有炸雞翼、魚餅、蝦餅、泰式春卷。二人份量其實啱啱好，先食個炸雞翼，炸得比較乾，冇咩肉汁，味道小小偏淡，唔係好夠味。魚餅點埋個醬汁非常好味，味道都比較濃，係一般泰式口味嘅魚餅。炸蝦餅新鮮，不過蝦味不足，略嫌粉頭比較厚。泰式春卷炸得啱啱好，入面嘅粉絲配搭埋肉碎非常惹味，再加埋咖喱粉配搭，食完好想再食多舊。冬陰公湯煮烏頭🐟，另外仲有一碗冬陰公湯跟，俾你煲到咁上下嘅時候可以再加番啲冬陰公湯落去調味唔會太乾。烏頭

今個紀念日同老公想食泰國菜，於是佢就帶咗我去九龍城食一間之前同朋友食過幾好食嘅泰國菜橙象。未去到之前，佢已經話一定要叫飛天通菜，因為佢上次食過之後覺得好好食。餐牌都幾多野食選擇，於是我地就點左三個菜式餐廳係每日都有一款一蚊嘅嘢食，今日就係咁啱係飛天通菜，真係好好彩！用一蚊就可以食到咁大碟飛天通菜，差唔多每一枱都有叫，好抵！另外就叫咗個小食拼盤，一次過可以食晒好多唔同款嘅小食，而我最鍾意食就係當中嘅魚餅之後想飽肚啲叫咗個原個菠蘿焗海鮮飯，海鮮焗飯配上成個菠蘿，每一粒飯粒都真係充滿菠蘿汁，食落好jucy好好味！兩個人叫咗三個餸，份量剛剛好，再飲埋一杯龍眼茶，甜甜地，一個完美的晚餐依間餐廳喺九龍城來講，算係一間裝修唔錯，地方舒適，嘢又好食，而且價錢都好抵既泰國菜，值得來一試

這年的聖誕大餐要來一些特別的, 不一樣的, 選擇吃泰菜真是不錯的。 剛好又約齊一班飯腳, 之前一直都是吃小x 谷, 今次朋友推介說, 富豪東方酒店附近開了一間新泰菜, 大家都很有興趣試試呢! 店內的環境有別一般的泰國餐館, 有點行西式的風格, 但又不失泰國風情由於人多, 可以叫好多不同野食飲品, 大部份朋友都飲椰青, size 夠大, 多水,  另侍應姐姐告知芒果特飲是用新鮮芒果打的, 但朋友試左覺得吾夠味, 可能真係冇加糖水吧。食物請去相, 我們一致覺得個肉蟹最好味, 咖哩煮得好香,配蒜蓉包最正, 再加上價錢只係$2xx , 必食之選, 小食的話就是泰式蝦餅最好味, 好彈牙。 但要留意, 這裡的食物都好辣, 特別是泰式鳳爪, 小妹吃一隻已經飲了一杯水, 如果吃不了太辣, 可以要求小辣。