屋喔 (Closed)

事先聲明，呢篇個定點係以旺角區同類cafe黎作比較，如果你要拎黎同中上環做比較的話，呢個不能作準。點解我要咁比既原因係因為呢區有好多樓上cafe，佢地質素係想像唔到有幾劣。我呢杯藍蝶花隻味並唔重，衰Ｄ咁講唔太飲到Ｄ咩味。反而呢個沙冰有驚喜，起碼飲到有芒果既果肉味，可惜呢杯唔係我飲，唉～～～～～食鹽水雞主要貪佢有生果食，而事實上蘋果同菠蘿呢兩個奇怪組合放落去鹽水雞又有奇效。當然鹽水雞本身醃得夠味好食既。但好奇怪，點解會咁大件既，變相食得唔過癮，幾舊大既就食完。最後上埋甜品，窩夫個樣呃到人，而且都算軟熟，蛋香足夠。但冬甩可能食慣某間專門店既關係，呢個粉紅色donut我就完全接受唔到啦。相反後面個朱古力棉花糖雪糕就幾好食，幾濃朱古力味，而且棉花糖份量算慷慨。

見ig都有吾少人post ，一直都想試試看，小妹日前終於試到！一去到，原來環境好普通 ，失望的🙈因為呢個甜品而黎的😂 屋喔窩夫 $68窩夫形狀好得意！！蛋味香濃 外脆內軟 比想像中好食😋👍🏼 個donut 仔都qq 夠軟身 個雪糕好好食 ，不過我都係影左幾張相就溶到咁🙄 鹽酥起司雞扒 $46 炸得非常香脆！加左芝士既炸雞扒更加好味！如果多d芝士會更好😆鳳梨蘋果鹽水雞 $50雞塊切得好大舊 難進食😂但可以邊食生果邊食雞 味道清甜，有新意👍凍藍蝶花蜜梨茶 $32賣相係幾得既！紫色又吸引，不過飲落就冇咩味🙈 反而百香果菲芒沙冰 $35 好fresh 吾會太甜 有鮮炸果汁既感覺 消暑解渴👍🏼呢間餐廳位置都幾多，仲有室外既部份！室外裝潢更靚，不過就有點焗🙈

好耐無同表哥一家食飯喇，當然，大時大節嘅家族飯都有見面，但人多未必同枱，可以傾偈嘅時間唔多，都喺寒暄兩句。今次，就真喺專登約佢哋出嚟食飯，談談近況，兼傾吓旅行嘢，皆因佢哋首次自由行，份外緊張 。小弟算自由行多年，叫有啲心得，希望我嘅個人意見佢哋用得着。台式Cafe「屋喔」就晌旺角朗豪坊隔離，交通方便，大家都就到 。雖然午飯時間都好旺，不過，我哋嚟到都1:30pm，陸續都有客埋單交枱，所以，好快有位。而已，話就話個半鐘交枱，但食到兩點半左右，都已經未有新客，故坐到過時都唔使話要交枱 。餐廳環境都幾細，主要以卡位為主，四人枱真喺大隻啲都唔夠坐，不過，一大邊玻璃窗，透入燦爛陽光，讓人充滿活力，況且裝修都算幾清雅。其實，餐廳外有個露台位，地方比室內闊落，架起帳篷，配上寫意木枱、木櫈，不過，咁嘅大熱天時，仲要喺正午，開盡風扇都仲喺悶悶熱。如果秋涼嚟，應該會悠閒寫意正好多。雖然餐廳以台式為主打，但加入唔少洋食。分類有佔兩大版嘅台式美食、沙拉、洋風烤排、洋風滋味及甜品類。而飲品方面同樣台式為主打，如花茶、珍珠奶茶……等等，亦加入洋風款式，如沙冰。此外， 有一個特別餐牌，可以睇為當日供應嘅套餐，

上星期去完旺角行街, 本來打算去朗豪坊食飯, 但人比較多, 我地又唔想等位, 去了旁邊的朗晴坊食飯. 最後, 我地選了屋喔食飯.這是一間台式餐廳.這裡有setdinner, 款式也有不少, 友人就點了其中一款, 就是炭烤羊肋排.而我就單點.這裡食台式嘢, 我當然點了台式糖芯蛋肉燥飯.我幾鍾意用來載着肉燥飯的器皿, 幾有特色.糖芯蛋控制的時間剛剛好, 蛋黃微微流心.而肉燥調教的味道不俗, 混在飯一齊食, 特別開胃.鹽酥雞起司焗玉米脆片.估不到份量都幾多.這個菜式加入了墨西哥菜的原素, 玉米脆片幾脆身, 口感十足, 我本身都好鍾意食, 再加上淡淡的芝士, 兩者好夾.而鹽酥雞外層帶有脆脆地, 內裡的雞肉夠嫩滑, 外脆內嫩.同時有三款醬汁在面, 三款醬都好味.食台灣嘢, 當然要飲我最愛的熱珍珠奶茶.我幾鍾意佢地的茶底, 奶味幾香濃. 而珍珠尚算煙韌, 但咬開就無乜味道.友人點的羊架賣相精緻, 仲大讚羊架肉質夠鬆軟, 味道又適中, 而且這裡的的配菜是用上愛食的薯皮和紅蘿蔔.最後, 甜品時間, 我點了屋喔窩夫.上枱時已被佢的賣相所吸引.窩夫的外型好似一隻啤酒杯, 幾特別.旁邊仲有甜甜圈, 還有士多

朗豪坊大家就去得多啦！朗晴坊我就冇去過。原來個到好多野食呀屋喔！唔記得左依間餐廳點解會叫屋喔tim！不過講得多就覺得有D似小精靈既名咁。屋喔。香港地少人多一個地方裝修到方便又實用，餐廳重要客人坐得又舒服又要達到成本效益真係好難呀！聽聞屋喔日日都爆滿，好彩今日係卜左桌姐，雖然今日係星期六又落雨冇咩人出街，不過屋喔都係滿座呀！兩個人食左咁多野，我覺得自己可以做大胃寶寶啦！其實所有野我都覺得好好食呀！不過「屋喔糖芯蛋」可以比兩個LIKE，可能大家會覺得糖芯蛋係屋企做都可以，不過我就係突然想食，不過都估佢唔到，係好入味！連我朋友都話Good Good！「鹽酥雞」宜家香港好多街邊買台灣野食既鋪頭，不過我覺得食得太唔方便啦！今次就可以舒舒服服咁坐底食啦！個鹽酥雞好香口，不過食落口你又唔會覺得 嘩熱氣死啦！不過又唔緊要既因為我地叫左個「凱撒沙津」一個健康既生活食完D熱氣野緊係要食反D蔬菜啦！「卡邦尼培根義大利麵」有D特別！出面食開既卡邦尼意粉都係比較白色D，不過屋喔個卡邦尼培根義大利麵就比較黃色D！因為佢加既蛋蛋汁比較多，咁樣係會令個意粉汁冇咁水既。。我覺得咁就好似冇左個白汁味啦！不過顏色鮮艷D食都

假日做完瑜珈，懶洋洋咁去到旺角同親愛的食個下午茶，特登嚟到屋喔餐廳，因為睇到Instagram上朋友post過餐廳嘅肉燥飯，用鐵鍋上，好吸引相機食先嘅我。大約兩點到餐廳，位置就係朗豪坊商場隔離。餐廳位於4樓，有一排大玻璃窗非常開揚，難得可以喺旺角感受到陽光。另一面牆身有綠葉植物襯托，感覺自然，餐廳仲有一個搭起嘅室內空間，用咗好多木同燈光裝飾，悠閑寫意。門口位置仲見到有餐廳所有員工嘅相，特別warm有一家人嘅感覺。餐廳午餐及下午茶時段，大約有7款套餐價錢約$48-58，有飯麵沙律，仲有兩款唔同特色飲品選擇，各款小食$40起，飲品$28起有30多款俾你揀！係旺角年輕男女特別多，諗返以前中學，放學後會同同學行到旺角，去一啲樓上cafe坐下，溫下書傾下偈，都係一個幾重要嘅聯誼活動嚟嫁。近期特別鐘意用雲石餐枱影相，白色枱同食物，會形成顏色上嘅對比，令食物更突出，背景仲有陽光，影相就更方便！台式肉燥飯配豬軟骨 $48今日係為咗肉燥飯而嚟，造型可愛會令人留下深刻印象，由上面睇落已經見到配料豐富，有半隻糖心滷水蛋，非常入味，每件豬軟骨一層一層清楚可以見到豬肉脂肪軟骨，入口鬆化，脂肪一啲都唔膩，醬油味滲

是日盛夏,和友人行旺角,行得滿頭大汗,想找個舒適地方醫肚,無意中發現呢個地方,加上友人也喜歡台灣的食物~周末緣故食客較多,慶幸只等了15分鐘便可安排入座。我和朋友都點了薄荷玫瑰洋甘菊($36),由此當日茶壺缺乏,只可用杯裝,玫瑰花加菊花味道份外提神。台式糖芯蛋肉燥飯($58),雖然不是非常糖芯,但蛋也香,整道菜用鐵罐裝住,都幾特別；珍珠米粒粒香口。鹽酥花枝丸($42),相信是店內其中一樣推介,花枝味道非常濃郁,大大粒巴花枝丸非常彈牙,友人最後要ENCORE多一客。吃了兩份鹽酥花枝丸後,鹽酥雞($48)就係下一道菜式,又是另一道推介,香脆可口,帶鹹香,邊吃邊吹水的最佳菜式。食完鹹食後,甜品當然唔少得,用屋喔窩夫($68)作結,窩夫餅底用了餐廳的招牌樣貌,食落餅底鬆軟,配士多啤梨雪糕吃簡直一絕。那麼熱的天氣,係呢到HEA幾粒鐘都係一個不錯選擇~

「屋喔」你會諗起咩呢? 對於七八十後黎講，應該會諗起當年好興既ICQ。「屋喔」呢間台風餐廳，位於旺角朗晴坊，係正朗豪坊隔黎，除左台灣菜外，仲有台式西餐，座位方面，有室內同室外，室外地方仲係半露天，但係有冷氣既。是日星期日，同朋友睇完戲之後黎食個late lunch，下午兩點鐘黎到，餐廳都唔算太多人，唔洗等位，真係好。我地2個每人叫左一個餐，再叫多左個甜品share。套餐包一杯飲品，可以揀柳丁綠茶或者蘋果雪梨烏龍茶，如果要配其他飲品就要加錢。蜂蜜桂圓紅棗玫瑰:花茶口味款式多，有透明既茶壺煲住，可以慢慢嘆，蜂蜜桂圓紅棗玫瑰花茶好香玫瑰味，加埋紅棗，味道清新又香甜，開胃醒神！榛子咖啡:榛子咖啡等候需時，上檯時熱辣辣，咖啡味香濃，值得一讚。台式湯麵配豬軟骨:湯麵湯底好濃，豬軟骨食落好咬口，麵係用闊條麵，好彈牙 ，好有口感，好有地道台灣風味。台式肉燥飯(雞排):肉燥飯用一個細鐵桶裝住，好有舊時工廠女工午餐飯盒既feel，飯量都幾多下，配埋味道濃香惹味既肉燥同溏心蛋撈匀一齊食真係🏻非常好食。屋喔窩夫:呢度既窩夫唔係格餅，而下用自家製既模整食既，呈茶壺形狀咁， 好厚食落軟綿綿，切開中間仲有D吉士醬，

今晚又同媽媽撐枱腳 佢話想食台灣野上OP睇下大家有咩好推介搵到呢間屋喔 係朗豪坊隔離岩晒我地睇完戲過黎食 book左位唔洗等✌🏼️坐底媽媽媽又要食佢嘅至愛 — 凱撒沙律叫左烤牛肉口味 啲沙律菜勁爽甜齋點凱撒醬已經好好食 加埋烤牛肉口感一流不過價錢有點貴⋯黑松露野菌大蝦 野菌吸收左醬汁 非常入味大蝦係爽口嘅 不過蝦味不濃⋯呢個西班牙海鮮燉飯 超好食燉飯口感煙煙靱靱 吸收晒海鮮嘅精華非常鮮味 海鮮方面 尤魚圈大大舊 非常彈牙反而呢個海鮮飯裡面嘅蝦更加鮮味好食過之前嘅野菌大蝦😂😂 飯後當然要來一客甜品啦 窩夫係脆嘅中間夾有吉士 甜甜的 重有迷李冬甩配埋有鮮果肉嘅雪糕一齊食 多種口感👍🏼我叫左義大利芝士杯 小盤栽造型幾得意芝士忌廉打得非常香滑 帶上微微嘅咖啡味👍🏼最後來一客花茶清清腸胃 😌