拉麵小町

Open Now

Now Closed

行去屏山本來想去食肉餅飯，不過見到肉餅飯好多人等緊，所以行下附近睇下有冇其他野食。呢邊真係越開越多野食，除左肉餅飯之外，仲有拉麵，西餐咁。見到呢間拉麵店嘅裝修都幾靚，於是入去睇下有冇好野食！叫左一個鏗魚醬油拉麵、蕃茄拉麵同埋山椒雞翼！先嚟兩碗拉麵先！賣相幾靚，麵質唔會太淋，算彈牙，我覺得唔錯。至於個湯底唔算係太濃，有時好怕拉麵個湯底太濃食完好口渴，叉燒都好嫰唔嚡口！至於個山椒雞翼又有d驚喜，小小辣幾過癮。不過坐位又真係有少少迫，如果可以闊番少少就好喇！

令人一試難忘既湯底。😋😋今次已經係第二次過嚟食喇，話說點解會黎呢度食都係因為有一次秀屏山想食肉餅餅，點知遲左黎，大排長龍就睇下有乜食。來過屏山食嘢嘅朋友都知道屏山一條村，距離市中心有一段路。所以冇得食肉餅，就同家人周圍睇吓有咩食喇。小町拉麵店位於小路，當初經過見到呢間鋪頭，裝修同位於東京既拉麵好似，有柔和既燈光又乾淨，咁就入左去試新野喇。一見餐牌見到有鰹魚湯底就即點黎食。湯底清又香，味道完全唔係味精嗰啲味，拉麵係幼條，但口感彈牙唔會太硬或者太(林)。薄切叉燒肥美，佢地有火香塊叉燒，所以連湯都有少少淡淡既豬油香。蛋就唔太穩定，我第一次去食係流心蛋，但今次去食就比較熟，冇流心喇另外要讚既係，叉燒飯。佢同拉麵一樣都係會少左塊叉燒先上。但要提嘅就係佢嘅燒汁，唔會咸但又釣起叉燒嘅味道。唔錯仲有係多春魚，小妹唔鐘意食魚，但呢個多春魚香脆唔乾身，唔會有魚腥味，唔係出面用鹽去蓋腥味，反而有多春魚本身既香味。呢個真係要試下。相比起頭先介紹嘅嘢食，山椒雞翼就比較遜色喇。但睇得出廚師嘅用心，雞翼開邊食起上嚟好方便。👍🏼但味道唔香，除左山椒，冇乜味，個人覺得一般。最後嘅蕃茄拉麵，麵都係好食，但湯底唔係太吸引。

今日family day ，遊走屏山，無意間發現呢間拉麵小店，一於就試下啦，點左2碗醬油拉麵（有2塊叉燒，1隻糖心旦），拉麵湯底唔算濃郁，味道剛好，店主推介山椒雞翼，味道十分特別先有檸檬味之後先有啲啲辣，雜菜沙律（自家制醬汁）不過不失，晚飯時間都有好多住附近居民外賣，店主都好細心先下單，煮好先致電客人再到店拎。呢啲就係小店人情味

某天路經此處，發現有間拉麵店，拉了半閘，但內裡坐滿人。原來要先電話預約，否則望門興嘆。這天，先預約好，再進攻。拉麵湯底有幾種，但沒有湯的濃度、麵的軟硬度選擇，小食亦有多款。今次點了醬油拉麵 鹽拉麵 及山椒雞翼。拉麵份量不多，比一X還要少。 湯底比較淡口，如果喜歡濃湯的，一定會覺得未能達至期望。鹽湯比醬油湯還要淡。味道上，都屬於比較清淡。雖然未至於無味道，喜歡淡湯底的會比較滿意，但勝在有一系列調品任加，如鹽 椒 醬油 醋 七味粉 辣醬，味道上還可以有得自我選擇。麵質可算是彈牙，因為湯底淡，所以食到尾段，麵質不會沾上湯而變稠。 义燒薄片外表及味道，都似中式元蹄的做法。皮脂肪食落不油膩，似有膠質淰口。驚喜落在山椒雞翼，有點涼又有點檸檬香及相當麻的感覺，一口雞翼炸焗得夠香口，正