金田家 (Closed)

今次係最後一次來，唔係唔好食，只不過我倆不太好拉麵，加上又不是勁好食，所以諗住用埋張印仔咭就算，話晒都夠指一個價值四十二蚊嘅男爵薯餅😁😁拉麵又係叫翻食過個兩個，豚骨MIX拉麵 & 濃豚骨拉麵拉麵到，兩碗味道正常，豚肉係好味嘅，但整碗拉麵就唔係好夠熱，同埋都唔知點解咁多泡feel，今次食就好一般😛除咗送嘅男爵薯餅之外，仲叫咗個餃子。 餃子到先，好味呀，如果個山葵蛋黃醬再重啲味仲好味😋😋薯餅係有兩種味㗎，一個紫薯，另一個就普通甜薯，兩個都好味嘅😊👍🏼

聽朋友介紹話將軍澳開左間新既拉麵店，身為拉麵控既我地當然唔可以放過啦！正所謂踏破鐵鞋咩咩雪，係地鐵站大概行左7-8分鐘終於到達今日既目的地，金田家！同一般拉麵店既感覺有少少唔同，呢間拉麵店既燈光好充足空間感亦都好足夠可以舒舒服服咁坐低等野食坐低無耐侍應姐姐就俾左個Menu我地，主要都係揀湯底同toppings，用支筆係上面直接mark低自己想要既野食，方便又環保近排喉嚨唔太舒服所以叫唔到d特色飲品 不過輕呷一口茶清清喉嚨，反而可以更加品嘗食物既真味叫左個wasabi蛋黃醬餃子黎開胃，果然有效！香香既蛋黃醬加上少少刺激既wasabi令到成件事無咁熱氣，真係食完一粒又一粒拉麵方面，最後揀左黑豚拉麵同埋柚子辛口拉麵，算係又試下d大路既又試下d新口味咁啦柚子味既拉麵真係第一次食，酸酸甜甜既湯底加上少少辛辣既醬料產生意想不到既chemistry 好味道 追加左客豚肉，有驚喜！肥瘦均勻加上煎得香，送麵一流黑豚拉麵，顧名思義梗係要有黑豚啦，不過估唔到既係有咁多同咁大塊！d豚肉食落都幾有味，不過如果再 juicy d就更perfect池！大合照 大滿足(順帶一提) 拉麵既份量剛剛好，大食既朋友記得叫替

將軍澳中心裝修已七七八八，聽聞有不少美食進駐。今次俾我發現了日本九州第一拉麵店「金田家」在香港開業，所以一定要試試。門面好可愛，遠距離已經見到個招牌大叔，好易認。店內裝潢亦不錯，有好多波波燈，我鍾意！餐廳食物款式不是太多，但每款看來都好吸引。這店用marker畫在餐牌上，不用點餐紙，好環保呢。拉麵點了我非常喜愛既黑蒜味「辛子黑蒜拉麵」，另外試試「柚子辛口拉麵」。黑蒜拉麵有濃郁既黑蒜味，食完齒頰留香，刷完牙都還有黑蒜味，哈哈！柚子味有驚喜，估唔到柚子味特出，不油不膩，是健康之選。這店大部分拉麵用上幼而直的拉麵，有些用曲麵，可以迎合不同人士既口味。另外加配了溏心蛋，好好味哦，直得encore!本來食完加底拉麵已經好飽，但見到山葵蛋黃醬餃子賣相吸引，所以點了。這款醬同餃子味道好夾哦！最後試了這裡的梳打飲料，不會太甜呢！

早幾個月來過將軍澳中心，當時還在裝修，原來現在已經裝好修了，更有不少食肆進駐。之前吃過銅鑼灣的金田家，記得他的拉麵味道不俗，他在將中也開了新店，裝潢很舒適，決定進店再吃金田家的拉麵。我點了黑豚拉麵，這裡的拉麵麵條較幼，感覺比天使麵僅粗一點點，喜歡這湯底淡淡的，同時間卻很creamy。有5大塊半肥瘦黑豚叉燒，叉燒份量比一般拉麵店的多。愛蛋人士必定追加的溏心蛋，蛋黃未完全熟透，好像有一層薄薄的蛋黃油在表面，又靚又好味。辛子黑蒜拉麵的湯底很特別，真的有濃濃的黑蒜味道，剛嚐會感覺好像有點辣，但這感覺會漸漸消失，慢慢會愛上這營養豐富的湯底。山葵蛋黃醬餃子，餃子煎到金黃色，很香脆。士多啤梨乳酸梳打，飲料底下有些士多啤梨小顆，吃到酸酸甜甜的士多啤梨好開胃。

夜晚嚟到呢間新開張過江龍食飯，有卡位坐，鋪頭裝修仲幾靚幾光猛乳酸梳打飲品味道幾真，食落仲有果醬果肉每人有一張餐牌自己寫，因為個人口味唔同，有啲人鍾意拉麵硬啲，有啲又鍾意淋啲叫咗一個濃つてり豚骨拉麵，顧名思義即係又濃厚又結實乳白色嘅湯底飲落幾濃稠，豬骨味清甜嚟嚟又帶香，加上極幼細嘅麵條，整個感覺好match，唔怪之得係招牌辛子黑蒜拉麵食落有少少辣，湯底黑蒜油好濃厚，加上隻好靚嘅溏心蛋，蔥，木耳，芽菜黑豚肉叉燒片好大塊，都係薄身，食落有炙熱過嘅焦香，口感結實追加嘅芽菜好好食，煮得爽口清脆，加上味醂同少許胡椒粉，食落味道清新唔膩山葵同蛋黃醬嘅配搭好新鮮，同鋪滿紫菜嘅和風日式餃子，餃子汁都唔需要點，已經夠味因為個湯底幾好食，所以加咗麵兩個人share，啲麵淥起熱到冒煙！而且好大份好滿足

大半年前喺登龍街食過一次金田家覺得唔錯。前兩晚喺將軍澳見到有分店，當然要再encore！將軍澳分店嘅座位好闊落，甚至比銅鑼灣店更闊落，絕對唔會同一般嘅拉麵店咁擠逼！我食嘅係濃豚骨拉麵。呢度嘅湯底係乳白色仲有少少泡，未食已經覺得好香濃，果然飲完一啖湯就知有料到，係香濃豬骨湯！配上比較軟同幼身嘅拉麵都幾夾。豚肉肥瘦比例啱啱好，食得出小小脂肪香味又食到軟腍嘅肉質，真係好唔錯。另外值得一提嘅係追加嘅溏心蛋！醬油入味又食到流心嘅蛋香！大家一定要追加一隻溏心蛋！男朋友叫咗雞白湯豚骨拉麵。佢個湯飲落甜少少，雞味十足，都好唔錯。個麵係曲麵，較為粗身，食落口感又唔一樣。男朋友仲追加咗黑豚叉燒，呢個黑豚肉味都幾重，不過瘦咗少少，係健康啲，不過食落會有少少乾，所以要配埋拉麵一齊食。小食方面，我哋食咗山葵蛋黃醬餃子，餃子煎得香脆，配埋個山葵蛋黃醬好清新。呢個組合估唔到咁夾，四隻完全唔夠我哋兩個分！其實一開始我哋好渴，叫咗兩杯飲品。我杯橙汁正常，雖然唔係鮮榨，不過都見到果肉。男朋友嘅草莓乳酸梳打唔錯，草莓甜甜配上酸酸嘅乳酸，好清新同開胃。以連鎖拉麵店嚟講，金田家係我暫時食過品質最有保證嘅一家！

金田家是日本福岡評分No.1的拉麵店，以濃郁豬骨湯底聞名。其實香港之前已經開咗幾間分店，但見將中都開咗間，經過俾佢一盞盞紅色燈籠、餐牌嗰幾隻字「九州第一拉麵」同埋條人龍吸引左入去食😂👓濃つてり豚骨拉麵 $83面頭放滿黑木耳同蔥，配上半肥瘦的豚肉和大大塊紫菜，賣相滿分揀咗正常硬度，麵質較幼，彈牙唔淋身。肉係豚腩所以偏肥，但好香豬油味，再加上肥肉位都經過炙燒，所以塊半肥瘦嘅肉肉香蕉帶點油脂感。豚骨湯底清得黎好濃郁，不過如果同其他日本拉麵e.g 一蘭比，佢始終差咁啲，可以再濃啲。評分：7/10👓山葵蛋黃醬餃子 $38/4隻椰菜肉嘅餡好多汁，蛋黃醬配上餃子食又幾得意幾夾喎，蛋黃醬冇普通沙律醬咁單調，帶少少山葵味(真係少少唔太明顯）成個配搭無論餃子餡定醬汁都比大將餃特別！評分：8/10👓大將餃子 $35/4隻餃子皮質感較煙韌，但餃子煎得好香脆，菜肉餡料細碎隻隻飽滿，沾上醋食不俗。評分：7/10👓薑汁柚子梳打(左) $24飲得出有幾滴薑汁味，唔會話薑味濃到辣到嗆親果隻濃。但梳打味道偏淡，柚子味同樣唔太出。評分：5/10👓巨峰乳酸梳打(右) $24比較藥水味🤔只能說提子味好淡，似溝左啲藥水落梳打到。