洋食商店 (喜遇)

Open Now

Now Closed

經朋友推介之下，特登出到長沙灣黎洋食商店開餐😛佢係一間西日居酒屋，食物種類選擇都幾多，今次我地嗌左招牌鍋物料理二人餐($498)，個SET包括有鍋料理、刺身拼盤、小食兩款、燉飯無論由門外到店內，都睇得出好悉心裝飾嘅日式風格，環境幾有氣氛幾好FEEL🥰刺身拼盤：有甜蝦、三文魚、帶子、油甘魚等數款刺身，食材新鮮鮮甜，唔會有雪藏味😉鍋料理：呢到職員會即場幫手料理，唔使怕煮得過熟浪費左D食材😄我地揀左岩手縣和牛&頂級美國極黑牛頸脊壽喜燒黑松露燉飯(+$50)，可以一次過品嘗晒2款牛肉😎岩手縣和牛同極黑牛頸脊肉質鮮嫩，入口即化，配埋壽喜燒嘅甜美醬汁，再沾上濃郁嘅蛋液黎食，非常滿足🤩日式蔬菜拼盤：煮完牛肉之後，就到蔬菜拼盤，有蟹味菇、冬菇、豆腐、娃娃菜、洋蔥、京蔥等，蔬菜吸左壽喜燒汁嘅味道，滋味無比😋燉飯：接落黎再煮埋黑松露燉飯，將本身碗湯飯煮得陸續收水，變成醬汁狀態之後就食得，聞落去本身已經勁香，入口濃郁嘅松露香同燉飯嘅鮮味真係完美結合，令人回味無窮😋小食可以揀兩款，我地揀左爆谷雞同和牛可樂波配黑松露醬爆谷雞：份量比想像中多，外脆內嫩，鹹香味十足，仲有3種醬可以點配黎食，食落去一啖接一啖，停唔到

📍洋食商店想食高質嘅壽喜燒嘅大家一定要嚟呢間日式居酒屋，試過就知呢間高質😎餐廳位於長沙灣福榮街，裝修以日式復古風格為主題，佈置設計方面亦都好有心思❤️行入少少就見到擺放住遊戲機、扭蛋機及各樣既玩具，充滿童年回憶🥳處處都係打卡位！⭐️招牌鍋料理 （二人餐）$498成個套餐會包壽喜燒+燉飯＋串燒拼盤＋小食（兩款）🐂岩手縣和牛＆頂級美國極黑牛頸脊壽喜燒黑松露燉飯（+$50）食壽喜燒最重要係塊牛😎加少少$就可以一次過試曬兩款牛✌️和牛嘅質素真係冇得輸，肉色帶有明顯既霜降，雪花狀油脂分佈均勻🤩而頂級美國極黑牛頸脊一共有4塊，比較厚身，相對上肉味會比較濃～店員一開始會先簡單介紹食材，比客人影完相之後就會主動幫手烹調，服務好貼心🤣和牛食落真係入口即溶，唔係講笑！油脂偏重，配埋生蛋汁一齊食會更正😏而牛頸脊就相對上肉質比較紮實，肉味明顯更濃；表示各有食法，兩款牛都咁好食🤤🥗蔬菜拼盤會有冬菇、豆腐、娃娃菜同洋蔥，加入壽喜燒汁烹調，啲蔬菜索曬啲燒汁，平時唔鍾意食菜嘅，我今次都食曬🥄黑松露燉飯燉飯會用埋剩低嘅蛋汁去烹調，亦加入咗粟米粒、大量芝士、忌廉同埋黑松露粒去煮，黑松露嘅味道好突出，飯既質地做到濕潤同煙韌嘅口感

環境：7.5/10以日式懷舊昭和風做主題，用懷舊海報，懷舊遊戲機，零食玩具等，玩味十足🤹‍♂️食物：8/10岩手縣和牛&頂級美國極黑牛頸脊壽喜燒黑松露燉飯 $498+$50(燉飯)套餐包燉飯，串燒同小食二款，相當豐富，而且服務💯店員會不斷照顧大家，幫大家烹煮最好食嘅壽喜燒。因為因應供應問題，當日串燒轉左刺身，有4份刺身，新鮮肥美！😍和牛🐮同美國牛🐮各有特色，肉質軟腍，和牛油脂分佈均勻，油香充斥成個口腔🤤美國牛較為有口感，牛味都較為濃一點，整體都十分出色小食揀左甲羅燒多士同明太子玉子燒，玉子燒火喉啱啱好，非常嫩仲有少少蛋汁 ，必點👍🏿中意黑松露嘅你呢個燉飯真心驚豔📣 每一粒飯都比比黑松露奶油同壽喜燒汁包住，店員把握火喉相當出色，口感煙韌好似risotto咁，正😍開心果野苺椰奶冰 $138刨冰配料相當豐富，仲加入懷舊零食點睛🫶🏻開心果漿同椰奶刨冰又幾夾，刨冰中間係日本綠茶🍵雪糕，有驚喜😍份量大絕對夠3-4人開心share🤗💰性價比：8/10 人均$400左右，食物質素高值回票價，燉飯真心令我一試難忘🫢鍾意食壽喜燒嘅朋友絕對要mark低🥰