川婆婆 (寶勒巷) (Closed)

難得呢幾日要去K11番工，同男友番工地點近左，自然lunch同dinner都要痴身痴世啦。上次同家姐食完呢間火鍋佢就哦左勁耐話佢都要食，好啦好啦，見今日集天時地利人和就帶你去食啦！今日人好多，全店得番張6人枱，我地兩丁友，店員都無要我地等，照俾大枱我地牛肉都佔左一頁紙，睇到我頭都痛，都係叫男友發板算啦招牌麻辣火鍋個湯底真係好夠味，滿滿紅油係面，已經完全想像到聽日pat pat一定好痛頂級手切霜降安格斯切得唔薄，但淥幾秒就熟，而且完全唔un，切得厚身的仲令牛肉更有口感，肥瘦分佈均勻，肉味香濃台灣至hit豆卜我去台灣最愛係賣滷味既地方買佢黎食。咁大舊豆卜索哂啲湯汁，所以食時請小心辣親個咀川婆婆招牌紅薯粉一睇佢偏厚，以為要淥好耐，點知10分鐘已經開始一夾就爛，所以第二轉識做只淥左5分鐘因為厚身食落有咬口，配埋佢地醬料盤有既陳醋就馬上變酸辣粉了。墨魚滑拼蝦滑兩個入面都有保留一粒粒既墨魚同蝦，彈牙之餘仲好有口感。蝦味夠重紅棗冰糖杞子茶夠甜，紅棗味唔算太重，不過建議餐廳可以用長啲既飲筒，我呢啲智障成日都sir左支筒落去香蕉牛奶冰男友話蕉味濃，奶香，冰夠碎，解辣一流食左咁多間火鍋，暫時呢間都係我既最

今次同朋友一行三人約咗去尖沙咀食嘢, 我其中一個朋友話自己體質係寒底, 食辣嘢可以令佢個人暖番啲,所以好鍾意食辣, 同親佢出街食嘢會選擇食湘菜或者川菜, 經過另一位朋友介紹知道喺尖沙咀有一間好好食嘅四川麻辣火鍋, 咁就不約而同地揀咗呢一間餐廳去食火鍋. 呢間餐廳地理位置十分之好, 我搭巴士喺尖東麼地道巴士站落車, 行過去唔駛五分鐘就到, 十分之方便同埋好唔易搵到.餐廳門面餐廳內在環境餐廳環境光猛整齊, 夜晚七點幾,食客都十分之多下!餐牌醬汁配料食火鍋梗係有醬汁配料陪伴, 芫茜, 蒜蓉, 豉油, 芝麻醬呢啲嘢實走唔甩!  但喺進食嘅過程之中, 我自己本人無乜用到到啲醬汁, 因為本身個麻辣湯底已經夠曬味!招牌麻辣火鍋湯底 (小辣) $98當服務員將呢個招牌麻辣火鍋湯底送過嚟嘅時候我已經被佢深紅色嘅顏色同埋麻辣嘅氣味吸引住! 呢個湯底十分之正, 我哋係叫咗小辣嘅, 呢個湯底辣同埋麻嘅味道恰到好處! 唔會太辣亦都唔會太麻! 但係如果完全唔食得辣嘅朋友我會建議佢哋選擇其他湯底, 因為雖然話就話係小辣, 始終都係有辣!海鮮大拼盤 $388呢度嘅海鮮大拼盤, 內容十分豐富有四隻海蝦, 兩隻蟶子,

行街行到夜夜地，過晒晚飯時間，經過見到呢度仲好似好多人，店名又幾特別，最重要係似有辣嘢食，應該滿足到嗜辣嘅我，所以同友人一齊上咗嚟試下。已經是晚上九點，都座無虛設，要等左一陣先有位，似乎有唔少捧場客。原來呢度主打係火鍋，首先當然要揀番個湯底先啦，有15個選擇，款款都好有特色，指定鍋底可以雙拼做鴛鴦鍋，以較高價錢嘅鍋底個價錢加＄20就可以雙拼。要鴛鴦鍋可以一次試兩款湯，梗係開心啲啦。我哋揀咗招牌麻辣火鍋小辣同菜干豬骨窩。雖然係小辣，辣椒份量都唔少。半個菜干豬骨窩已經有三大舊豬骨，好足料。豬骨肉仲好嫩滑入味。火鍋採用電磁爐，可自行調教火力。點完鍋底，店員送上調味盤俾我哋自己落鍾意嘅調味料。有成11款咁多。放晒自己鍾意嘅調味料入自己個碗度之後，店員就會收返個調味盤。蘸料 $15 /一位呢度嘅火鍋配料都有好多選擇。鮮滑豆腐 $28係原條百福豆腐。白菜仔 $38有一大籃，好新鮮。川婆婆招牌紅薯粉 $32好特別，扁身，但係好粗。滾耐啲都唔怕變漿糊。稔啲仲好味。雜丸拼盤 $48二人同行，極力推介之選。每款兩粒可以食多好多款式。黑松露鮮蝦雲吞 $68有六大粒。黑松露味好香，鮮蝦爽口彈牙。藍妹 大枝 $

好辣的筆者，間中也會去食一下麻辣火鍋來一點刺激，那股紅油麻香想起都會令人吞口水。最近到了寶勒巷附近，偶遇了一間門口滿多塗 鴉裝飾，還有大大個中式面譜作招徠的麻辣火鍋店，型格得來吸晴度高。沿樓梯拾級而上，先有一個向街露台映入眼簾，上面放有兩大張沙發座位供客人戶外打邊爐，蠻有特色，之後陣陣川椒麻辣香傳來，令人口水都流，引人入店。 入到店內，木系傢俬襯上大大幅的塗鴉牆，店員大都是大媽的級數，親切粗豪（此話並沒有任何貶義，因店員們招待得其實還不錯的，只是想形容出環境氣氛而已），大屏幕上熱播著九十年代的流行歌曲，成件事潮氣得來又撞到澎澎聲，但正是這樣才顯出這店的地道氣味，滿是內地的川麻食店風情。原本這裡有提供兩小時仼食火鍋放題，其實都算幾抵食，但因有些筆者想吃的食品沒有包在任食的餐單上，加上早已不是以量取勝的年紀了，食物還是貴精不貴多為上策，所以決定了自選單點火鍋及配料。看看點餐紙，原來有多達十四款的火鍋湯底選擇，什麼江湖雞煲、藥膳雞鍋、沸騰麻辣魚鍋、酸菜魚鍋和麻辣田雞煲，全部的名字都很吸引，真的讓人選擇困難症發作，花多眼亂樣樣都想食。既然是為辣而來，重慶麻辣火鍋當然是走不了，但朋友不太好辣，所

門口有很多塗鴉裝飾，加上大大個中式面具，很有特色很吸晴，而且傳來陣陣香味，究竟係重慶麻辣鍋的香，還是串燒的香料味，入去食食先。有十四款口味的火鍋選擇，真係選擇困難，最後揀了酸菜魚鍋。而火鍋配料更是多至三頁紙，花光眼亂樣樣都想食。點完菜就自己調醬料，香料有九款，醬油、醋及蜜糖都有。好快上齊菜，的地點了一個鍋，還有兩款丸、菜、紅薯粉及響鈴，滿滿一枱。酸菜鯇魚鍋$158，上菜時鯇魚半熟，要等一陣待熟就食得，好足料好多魚肉。熟哂就食得，煮太耐魚肉老哂就唔好味，所以一熟就食哂魚先。魚肉好嫩滑，雖然有點易散，但完全唔腥，加上酸菜味道豐富，酸味好強勁，微微辣唔會好刺激，但又好惹味，仲有好多香料味，食食下好想叫個飯來食。呢個複雜又層次豐富的味道令人回味。非一般棍打牛丸$68，有12粒，份量又幾多幾抵食，看似跟一般的牛丸一樣。原來非一般真係唔同，比一般的牛丸更彈牙更爽口，加上內有很多牛脂，油香豐腴牛味重。響鈴卷$38，係我必點之一，呢度的響鈴沒什麼特別，但也是份量多，吸哂湯汁的味，好正，而且仲較有豆香。爆醬豬肉丸（$18/3粒），呢度特點係菜可叫半份，連丸類都可以點份量細，食多幾款都得。但爆醬效果未如理