鮮芋仙 (V Point )

Open Now

Now Closed

好耐無食過鮮芋仙喇 之前次次嚟到佢都截咗人龍無得食🤣最近人龍好似少返啲 等一陣就已經有位✌🏻❣️布丁Q麻薯牛奶冰 ($62)第一次食冰 嚟到嘅時候真係俾佢嘅份量嚇親‼️呢個價錢會否太抵 有種去咗台灣嘅錯覺🥺份量真係多到同朋友share都覺得好飽好滿足 完全足夠2-3人share嚟食😂配料都真係幾多樣 有杏仁布甸、焦糖布甸、黑白麻糬、冬瓜凍、小芋圓同埋雲尼拿雪糕🍧布甸都幾滑 但都真係幾重杏仁味 自己唔太鍾意食杏仁就覺得麻麻地🥺個人最鍾意佢啲麻糬 口感煙韌軟糯 黑色原來係黑糖!! 黑糖味夠香濃 私心最鍾意!! 🥰冬瓜凍口感有啲似啫喱 都唔錯～不過啲冰份量太多 食到中間無咩味 不過連埋啲配料食都唔錯🤣推薦指數：🌟🌟🌟🌟🌟【𝐏𝐫𝐢𝐜𝐞: 4.5/5 𝐅𝐨𝐨𝐝: 4/5 𝐄𝐧𝐯𝐢𝐫𝐨𝐧𝐦𝐞𝐧𝐭: 3.5/5】#siu4mai_私心推薦

今日經過鮮芋仙，見好似冇咁多人排隊，就同朋友排下食下～夏天食翻個牛奶冰真係好爽😋 1️⃣布丁Q麻糬牛奶冰（$58）牛奶冰真係好大份，真係成座山咁，同朋友share食都食到好飽😬配料好多樣，有黑白麻糬、冬瓜凍、小芋圓、焦糖布丁、杏仁布丁同埋雲呢拿雪糕。牛奶冰中間部分牛奶味比較重，食落都幾正～一啖冰一啖配料食都真係好滿足🤤  

鮮芋仙應該冇乜人冇聽過？🤔想食好耐但係次次去親都排曬長龍，今次早左去到，見唔算好多人，就排下佢，好彩都唔係排左好耐。食完之後真係一試愛上🥰好好食，同埋好抵食。大大份可以同朋友share都係五十幾蚊一份。唔怪之得長期都咁多人排隊啦。1️⃣布丁Q麻糬牛奶冰（$58）好大份，真係成座山咁，呢個價錢可以有咁大份真係好抵食。完全夠兩至三個人share😯配料有麻糬、冬瓜凍、小芋圓、布丁同埋面頭有一球雲呢拿雪糕。麻糬有兩款，一白一黑，黑既係黑糖味既，我個人就鍾意普通既白色果款多啲。另外小芋圓煙煙韌韌口感十足🥰而布丁本身應該係有焦糖布丁同埋杏仁布丁兩款，但係果日焦糖布丁賣曬，得番杏仁布丁，所以就兩個都係杏仁布丁🍮杏仁布丁味道係有啲似杏仁茶既淡既版本，都唔錯，幾動L同埋滑🤤  牛奶冰好多，牛奶味好香😍不過食到底部既冰就冇乜牛奶味la，好似食緊冇味既冰咁，不過呢個時候撈埋雪糕同其他配料一齊食，都絕對唔會覺得單調😋  2️⃣招牌仙草冰沙（$45）呢個比我想像中驚喜，作為本身唔鍾意食仙草既人，我都覺得呢個唔錯bor😙仙草既甘苦味唔會太強，食落好滑，配埋花奶更加好味。仙草沙冰係黑糖味既，唔會太甜，同仙草既味道好夾😌另外

冬天先要食凍野😆呢間野長期都勁多人排隊要早少少，大概食飯時間黎先無咁多人排我地3人嗌左個布丁Q麻糬牛奶冰諗住3個人share 1個，之後晚餐食少啲估唔到個冰既份量超大！！三個人食完都飽·布丁Q麻糬牛奶冰份量超大 好足料！啲冰加左奶 唔會好寡，加上有球雪糕啲雪糕溶左加埋啲冰食 好正配料有2大舊布丁，一個係杏仁味 一個係原味鍾意食統一布丁嘅朋友 應該會幾滿意呢個布丁 但係我就嫌佢唔夠奶另外仲有好多小芋圓，雖然細細粒 但都幾有咬口㗎最值得一提就係個麻糬，煙韌得黎非常之軟熟，啡色嗰個係黑糖味，白色嗰個係牛奶味。兩隻味都好好食，唔會得啲糯米粉味，係食到牛奶同黑糖味不過佢啲冰唔係磨得好碎 愈食愈凍，食到啲牙都無晒知覺🤣🤣

每次經過鮮芋仙都人頭湧湧, 要找座位極不容易, 最好是先找到座位再去下單。這次經過鮮芋仙, 大熱天時, 吃一碗冰的爽快難以言喻。<<布丁Q麻糬牛奶冰>>牛奶冰山上鋪上配料(雞蛋布丁、杏仁布丁、小芋圓、Q麻糬、冬瓜凍)配料的選擇已預設好, 如有需要, 可另外再加配料。這次點的布丁Q麻糬牛奶冰跟台灣吃的牛奶冰一樣, 都是一樣的誇張大碗, 獨食吃不完, 要留肚來食。牛奶冰自帶香甜奶味, 配料都十分出色, 布丁滑溜溜, 二色芋圓軟糯煙韌(兩色的味道差不多), 冬瓜凍清甜, Q麻糬有嚼勁, 配合起來消暑解熱。

近排經常睇旅遊節目，越睇越想去旅行...特別想去台灣夜市和食甜品。所以係銅鑼灣食完晚餐，就同朋友過黎食期待已久的鮮芋仙😚——————————🔹 招牌鮮草沙冰 $45這個鮮草沙冰份量比想像中多，有芋圓、仙草和黑糖沙冰。淋上花奶後，賣相和味道更上一層樓！芋圓很煙韌QQ，仙草滑溜清新☺️沙冰打得夠碎，還有很香黑糖味～ 整體甜度剛好，食完不會太滯，花奶亦令所有配料更香滑👍🏼個人認為兩個人share食都夠晒😋-🔸 布丁Q麻糬牛奶冰 $52這個一定要食，但最好兩至三人share🤪 因為是超級大碗，未食先興奮🥰牛奶冰不會太甜，配上杏仁及雞蛋布丁，還有小芋圓、Q麻糬及冬瓜凍，口感各異，非常豐富～最喜歡Q麻糬，共8塊，煙韌不黏牙！黑白二味中更愛黑糖味，夠曬濃香！