灑家燒味小廚 (Closed)

灑家真灑家。樣樣野都好高質。上兩個星期特登去屯門探個朋友同佢阿B，跟住就當然係要落去最新最新個廣場行下啦！行行吓又肚餓見到有間餐廳做下午茶好多人排隊喎，多人排隊姐係好食啦！咁我哋當然唔執輸一行六人去食返個早晚餐.呢度係主要買燒味點心同埋粥粉面飯嘅，裝修就好四正新潮，店裏中間嗰張枱係流線型架！同呢個商場嘅style都幾夾喎。行過嘅時候見到佢個燒味部啲燒味幾靚，當然就要叫返碟燒味拼盤，滿足我哋幾個食肉獸啦！除咗叉燒瘦得滯之外，燒肉油雞海蜇都好味。尤其是個燒肉外皮夠脆，裏面嘅脂肪同肉分布均勻， 皮脆, 脂肪細膩,肉層厚嫩，入口不會油膩，比起好多話自己燒味至尊嘅酒樓出色好多！好多時鋪頭做拼盤都會將一啲比較差質素嘅產品放埋一齊，但呢度嘅拼盤都依然十分出色喎！絕對足料，夠大份！因為有兩個朋友都特別鍾意食雞，既然佢果拼盤油雞都咁出色當然要叫翻個知名嘅花雕醉雞啦!放上枱已經聞到淡淡的酒香，雞肉嫩皮薄，大小得宜，唔會係夾中間成寸肥油唔使食果種，雖然個個都話要唔食皮先健康，但係見到一啲嫩薄嘅雞皮，冇理由要浪費嘅！肉厚而且嫩滑，酒香撲鼻，就係一隻好嘅醉雞的重點！燒鵝脾，皮脆可口，大隻又肥美，抵食，極速被KO

平時真係好少入屯門, 襯今日假期要入去會一會住係屯門既好朋友, 就搭西鐵入去啦, 其實都幾方便的! 因為今日唔使返工, 尋晚大吃大喝又夜瞓, 今日個lunch其實想食清D, 於是朋友提議去vcity呢間灑家燒味小廚, 咦, 睇睇下原來係同APM果間同一個集團, 咁都穩陣既, 有食開 3個人其實食唔到好多野, 叫幾款點心兩個粉面應該都夠!叫點心, 當然唔少得蝦餃, 相信大家都食過唔少茶樓既蝦餃, 知道咩為之高質素既蝦餃! 呢度既蝦餃唔算好大粒, 一啖可以食一粒, 不過佢個皮真係好薄, 所以係晶瑩通透, 清楚見到入面既蝦肉, 而且個皮仲好有彈性! 入面既蝦肉好新觧好juicy, 所以呢個點心我會比9分, 如果佢再大粒少少, 就比10分!叉燒包又係一定要食既點心, 呢個流汁叉燒包, 見到個名已經好吸引。首先個皮係做得唔錯, 算係鬆軟, 但又唔會太乾。至於叉燒餡, 份量適中好緊要! 呢個剛剛好, 真係比其他酒樓既叉燒包多汁既!奶黃千層糕, 餐牌話要等15分鐘, 結果係10分鐘就到啦 襯熱快快食一舊, 佢上面係有椰絲, 同蛋黃既味道出奇地配合, 而且個糕好鬆軟, 肉眼睇到個texture已經可

雖然早前入嚟屯門三聖食海鮮喺有老友揸車，不過，有咗西鐵，小弟由美孚往返屯門真喺超方便 ，所以，屯門站上蓋嘅大型商場V City，就成為偶爾路經嘅地方。其實，嚟V City食嘢的確有好多選擇 ！每個人都有其長處，小弟就無乜嘢耍家，「為食」唔知算唔算？灑家，個名改得夠抵死，又睇吓你啲嘢食有幾耍家！除咗一張大餐牌列咗湯麵、撈麵、生滾粥、點心，另外，仲有幾張額外餐牌喺啲小菜及炒粉麵。如果一家人夜晚嚟，小菜套餐就啱晒喇。人少少食餐晏，簡簡單單點啲點心、加個粥粉麵就可以嘞，但店長推介佢哋啲燒味，就改改燒味配粥粉麵啦。 燒味拼盤 $128 有叉燒、燒鵝、燒肉及油雞，燒味果然做得有水準，尤其燒肉，外皮燒得卜卜脆，肉質鬆化，又無醃得過鹹嘅情況；而燒鵝喺我覺得另一好食嘅燒味，皮脆油香。 南乳炆豬手 $48  一客有4大件豬手，炆得好腍，充滿南乳香，就連墊底嘅菜心都吸收點點南乳味，感覺都好食多少少，至於豬手嘅皮下嘅脂肪，入口唔覺肥，外皮好有咬口。 及第粥 $43 粥底睇落都好綿，米花爆開晒，食落真喺綿滑有米香，只喺略嫌配料少咗啲 。 干炒牛河 $60 已有段時間無食乾牛河，友人極之喜歡依