松記糖水店

Open Now

Now Closed

點解到九月天氣仲係咁熱㗎，食完飯總係覺得想食啲嘢消下暑，喺荃灣行過就決定入去食返碗糖水。松記糖水，我諗大家都唔陌生，今次就叫咗佢嘅幻彩明珠加雪糕，同埋綠豆沙拼紅豆沙。幻彩明珠真係一碗滿足晒我三個願望，有非常足料嘅新鮮生果、咬落口煙煙韌韌嘅明珠、黑珍珠，非常之夾嘅涼粉，再加上芒果汁醬同埋花奶，由於天氣太熱，所以我決定叫多一球雲呢拿味雪糕。呢碗甜品真係好好食呀，咁多年都仲keep到個水準。另外佢嘅中式糖水都OK 㗎，紅豆沙有蓮子都好足料而綠豆沙都好清涼，甜味適中。食完碗透心涼嘅糖水，真係成個人舒服晒😇

松記糖水我幫襯左十幾年，由初初只有長沙灣同佐敦有分店，幫襯到現在開左咁多間分店就證明係水準有返咁上下同款式嶄新今日同男友在荃灣吃完lunch就黎到呢度食糖水基本上黎松記我一定食幻彩明珠，因為真係平靚正，同埋好多水果又唔會好甜，對甜品一般嘅我就最適合幻彩明珠走涼粉少奶，由十幾年前＄14食到而家＄23一碗，水準依然keep到，但係硬係覺得份量少過以前，以前真係好大碗架！好似食極都仲有，食完勁飽男友就食呢款，有西米水果同曲奇雪糕佢表示美味總結: 因為價錢公道，甜品款式多所以會再幫襯，下次會試吓其他甜品

荃灣路德圍最岩就係飯後宵夜食糖水，整條路都係糖水鋪，當中松記就最爆場，雖然等位都叫快，但人實在太多，連行都行唔郁咁濟，入到去叫左個廿零蚊既幻彩明珠，叫做有少少生果落下肚咁，不過味道真麻麻了，生果唔夠甜，凍得濟好似冰咁，相比起來我還是比較喜歡吃糖不甩！

平日9:00PM左右去到,唔使等位叫左”幻彩明珠”, 可選擇加唔加花奶/涼粉/加芒果汁我無加芒果汁,下次要試!!! 其實入面有唔同生果(奇異果, 芒果, 西瓜, 哈蜜瓜), 黑珍珠, 大明珠食完已經好飽, 不過坐得唔耐, 食完就走~~~20幾蚊都算係咁

每次在荃灣晚飯過後，女友必定黎松記一番我倆最愛幻彩明珠底層有涼粉上面有各種水果，有芒果，奇異果，西瓜同哈蜜瓜加埋大西米, 黑珍珠仲有少少鮮打芒果汁，大大的滿足真心覺得平靚正

the first time i tried this store was at jordoni just knew that they had this new shop at tsuen wan!we came here after dinner for dessertthe shop was fully filled with teenagersi ordered 幻彩明珠the fruits was really freshthe other toppings like the 明珠 was really QQand the portion was very generousand they just charged you $18 for the 幻彩明珠unlike 許留山...where they charged you $30 for a dessert served with a tiny little bowl with the most sour mango on earth my friend ordered mango明珠because he only lik

第一次去呢間松記食...就係有次無意係"開飯喇 open rice"度發現係tw有咁好味,專攻糖水的shop/3\今日我地專登搭車去tw食,諗住晏就3點半食tea,行到去以為會有好多人排隊...誰不知,唔係好多人,最興幸唔需要等位...哈!!坐埋位後,我地即刻叫左個幻彩明珠同綿綿冰首先講個幻彩明珠,好似有5種生果:芒果,西瓜,奇異果,哈密瓜,木瓜芒果同西瓜都好甜個底有涼粉,仲有黑珍珠,大大粒明珠,面頭淋左d芒果汁...明珠好好好好好好好好好好x1000000煙癮,讚!!!!個綿綿冰諗住要個雙色,不過價錢就要$32,有d貴,所以最後選擇了單色,價錢就$28.都係有d貴,(記得有次係葵廣新開間專食綿綿冰的店,只需要$18,19就可以有碟好夠料的綿綿冰,不過而家間野就執左lu~)個綿綿冰好快就黎到,芒果綿綿冰淋上strawberry汁,再另+了3Qx果同oreo碎,個綿綿冰食到芒果味,不過就係太甜,好似食緊d冰咁~好硬!!!硬都好ge,唔會好快溶...d服務就好掂!!見人食完就收碟,而且又知道有兩人堂食,膠匙都有2隻!!!

食完鱻魚(請留意上篇食評)即往格離松記哇t^T人山人海等15min有多先食得-,-綿綿冰(芒果+朱古力醬+花生+雜果);;好有層次,壹片片甘食好得意綿綿冰(朱古力+士多啤梨醬+花生+雜果);;同上,有味過芒果幻彩明珠;;D黑珍珠好彈牙,不過我亷D生果吾夠凍飽哂!_!ps*綿綿冰+雜果,D綿綿冰比正常細个/3\

是日溫度高達三十餘度...同朋友係外邊行左陣開始唔掂決定搵個有冷氣既地方坐坐...過下冷河...唔係真係熱死!!行左入松記...我要食個消暑既甜品!幻彩明珠: order完...勁快有 份量多到瀉...賣相色彩繽紛...材料仲勁豐富呀!!生果新鮮爽甜...明珠煙煙韌韌...仲有涼粉...黑珍珠撈埋芒果汁...好味呀....好滿足搵日再黎試試其他甜品!

十點幾去到, 間鋪入面已經無晒位咁制, 好多人….之前睇左電視介紹”綿綿冰”, 好似幾好食咁, 就諗住走去試下啦, 點知間鋪頭入面都見唔到有人食” 綿綿冰”, 所以我地只係叫左一個黎試下~朱古力綿綿冰 $28, 賣相ok, 不過食落口就同普通朱古力雪糕無咩分別, 只係個樣唔同左, 所以有d失望~芒果世界 $20, 有少少大粒既西米同d白色既涼粉, 味道就似大菜糕, 好爽口, 不過甜左d, 上面再加左d芒果肉同芒果汁, 唔錯!凍燉蛋 $12, 賣相同口感一樣咁滑溜, 正~幻彩明珠 $17, 有好多生果, d涼粉好食過元朗, 因為怕肥所以走芒果汁, 都幾好食~

開張良久既松記，都係今日先第一次堂食媽媽順口問：幾時去松記食呀?我又好順口答：而家lor (事實上兩個都飽到反肚)媽媽要左熱喳渣($11)，我就要左幻彩明珠($16)熱喳渣都好足料，好多豆豆，不過冇西米，媽媽話鐘意福元既多d~幻彩明珠水準依舊，呀姐落單時問我要唔要奶，有得走就走啦..唔想食咁肥~所以其實都係食生果+西米...etc~一入去其實覺得有個小妹妹好熟面口，走既時候佢行埋黎問我係唔係咩咩中學，哈~原來真係我師妹~祝你A Level放榜入大學啦!p.s.成間舖既服務都好好，環境都好舒服，係老細個樣有d面黑lor...如果多返d笑容就好啦^^

四圍既糖水鋪都好多人全部都要等位當然呢間都唔例外不過比呢間既menu吸引所以就決定黎呢間喇等左大約二十分鐘終於有得入一行四人叫左幻彩明珠-幾好味雪糕紫米露-普普通通海底椰紫米露-朋友話d海底椰好好食同埋summer-同個menu個樣差少少,賣相一般不過佢地既服務麻麻我地叫左個幻彩明珠,搭既雪糕係朱古力同紅豆點知黎錯左個曲奇同紅豆話比個侍應聽佢拎錯(個侍應較後生,著住熱褲,同其他侍應既服裝有d格格不入)佢竟然黑面跟住隔離個枱又拎錯個幻彩明珠比人原來係個侍應自己攪亂左但竟然話佢聽係黑面對人認真麻麻同埋個度既冷氣好凍一路食一路震