松記糖水店

Open Now

Now Closed

四個人去食糖水，入去之後前前後後半個鐘都冇，已經趕人走。真係冇誇張，係一食完碗糖水，收走咗之後，即刻走埋嚟講「出面好多人等」。我哋都明白嘅，諗住等埋朋友去廁所就走，去個廁所都係2至3分鐘啫，而且都見舖入面多空位，估計都夠即時入10幾個客。點知個短髮戴眼鏡女侍應已經係度嘖嘖聲，黑曬面望住我哋，態度真係好到不得了！埋單之後出去仲搞笑，舖頭出面根本只有零星幾人，總共大約6-7個人度，唔知係等外賣定等入去，但入面本身已經有幾張枱執乾淨，點解又未安排人入去？究竟係咪真係出面多人等先趕人走？同埋個人理解食糖水本身係大家邊食邊傾下偈，而唔係好似食飯咁嗱嗱聲食完就走。如果我已經坐咗1個鐘可能係冇咁好啦，入嚟30分鐘都冇就已經要人閃，而且糖水本身又唔係特別好食(我自己就嗌咗紅豆沙，好唔好食睇下其他comment就知）。我諗入去食糖水嘅人可以比定心理準備唔洗諗住食氣氛或者慢慢嘆，反正我係一定唔會再幫襯！

所有配料限量一折發售，連紅豆數量都可以數到，物以稀為貴或者可能就係店家既營商之道，又或者怕食客太飽，又或者店家預防糧食短缺，總之大家想食個空虛就可以到此一遊冰，用清水雪的冰，怕糖尿既人士非常岩食，仲要佔成份糖水十分之九既比例，加上無乜幾粒既配料，真係愈食愈瘦，愈食愈健康啊～~~~~~大家用雪亮既眼睛望望張相，現實果然係殘酷，店家教埋您做人道理，強烈既對比或者係想大家找不同，食得又玩得，掂！！！！！

提早吃完晚飯，走去糖水店吃甜點。松記有很多甜點可選擇，新式有，舊式也有。今晚叫了傳統款式，鷄蛋腐竹白果加芝麻湯圓。這款糖水内有很多薏米，腐竹已溶化，也吃到腐竹味道，白果稔，鷄蛋大大隻。两粒芝麻湯夠軟糯。上檯夠熱，滿滿一碗，吃得開心。

前後叫左兩款糖水，芒果黑珍珠同番薯糖水，都可以甜到失去味覺，人生第一次覺得甜都想嘔，芒果唔單止無味，成碗糖水好似水喉水咁沖出黎，蕃薯糖水食完之後要係咁飲水先可以沖走個甜味，極度惡劣，如果你們的品質依然維持在這個甜到爆炸的水平，祝你們生意興隆🥰

以往都是外賣，很少堂食，因為太多人，成大半年無食過，今日忽然間諗起就去食，可能平日關係唔使等位，叫了4款不同甜品，除了個楊枝甘露可以接受，其他可以話係難食，芝麻糊溝合桃糊加湯丸，死甜食唔到芝麻香味又無合核味，湯丸二粒仲要超細，利x好食過佢多多聲，個燉椰皇收成50幾蚊，剩係覺得似食緊西米露咁，完全無椰味，最難接受係個黃金蘇，入面係未熟透，同圖片差太遠啦，看圖不多說了，如果去唔返以前嘅品質，真係好難會再幫襯🫣

同朋友食完飯，行咗陣想去食甜品，見到呢間糖水舖，就入去試下。地方寬敞，係一度享受甜品一度吹水嘅好地方。我地叫咗個心太軟一齊食，心太軟外脆內軟，而雪糕款式就可以自由選擇。

不說話 睇圖片，離曬譜同朋友食完飯想食個糖水去荃灣路德圍嘅松記叫咗碗之前好出名嘅SUMMER到咗只有失望同失望第一，份量減半，好似比人食咗一半咁第二，價錢加但質素減雖然叫裝修咗 啲椅好坐咗但啲質素真係奇差睇相就明。

好耐冇食糖水，行過松記就買碗凍嘅椰汁紫米露返屋企食啦。點知係酸嘅😮‍💨老公試咗一啖都同意係酸咗。一向鋼鐵胃嘅我，都唔敢再食落去。就係咁🥲🥲🥲🥲望住碗糖水但唔食得，仲要倒咗佢……有啲傷心，本身內心覺得，呢碗係我嘅母親節慶祝小儀式🥺

This sweet soup shop already stayed for a long time but still attracts numerous people to visit. Maybe the price is acceptable and the location is convenience for ppl to come and buy. I order a mango, taro ball with grass jelly for my late night snack. To be honest the portion is just enough for snack and the taste is normal. Just treat it as a snack, less expectation will be alright!

嚟返松記真係食回憶，想當年嘅SUMMER，幻彩明珠，開心世界...松記都仲係一如以往嘅多選擇（各款口味嘅布甸，西米露，豆腐花等等），當然都係一如以往嘅多人。雖然今日係星期六，但好彩等咗15分鐘左右就入得。今次嚟到食咗個芒果布甸，同summer。你話好好食又唔係，但絕對唔會係難食，係回憶嘅味道。雖然上次已經係好幾年前，但係感覺份量又細咗，但性價比算係咁，不過不失。Summer跟咗兩球平價雪糕，另外有啲珍珠同水果（包括西瓜蜜瓜奇異果），都算幾甜！

松記間間水準不一就好多人都知，但講到最差既松記如果有人搵到間差過依間請留言，我立即去試荃灣依間松記好多年食過一次已經印象深刻，真係可以做到食到唔開心既糖水，佢都真係數一數二，相隔數載，記憶依舊，但突然經過又想食什果杯杯冰，立即望望openrice食評再心想事隔咁耐都未執，睇下有冇驚喜點知一上枱就知出事，什果杯杯冰係松記都食過十間八間，正常D冰係尖，因為係刨冰刨出黎，所以冰粒會滑D細D入口即溶，但唯獨佢係成舊咁既形狀，因為佢係雪完舊冰就成舊放出黎算，一食一啖講野成個口噴冰粒，點食呀大佬，人地間間松記都唔係咁樣出街，你叫得松記可唔可以唔好咁hea呀，最後食哂D水果舊冰依舊係度，真係搞到成兜含冰咁，再次係依間野唔想食哂就走人而且職員又冇禮貌又有D唔清唔楚，另一客甜品價錢$38，點果陣問你要唔要咩底咩水果一大輪要你揀，揀完係單寫$44，問番原因就話你要加野咪加錢，車仔面就用咁既手法姐，糖水都咁都第一次真係勁耐冇寫食評了，但依間真係唔寫既話怕有更多受害者

今日食評✍🏻松記@荃灣西試食指數⭐⭐⭐⭐店舖衛生⭐⭐⭐侍應態度⭐⭐⭐⭐((每項5⭐️為滿分)) ·1️⃣雜果冰賣相唔太吸引唔明點解老公次次都叫水果新鮮2️⃣幻彩明珠曲奇雪糕球好味涼粉爽滑我最鍾意細細粒嘅明珠3️⃣海底椰紫米露加紅豆🫘加紫薯球兩樣加料各$10(加咗價)海底椰好硬我鍾意腍少少咬口的紫米露偏甜紅豆🫘都唔夠腍/ 沙唯獨紫薯球冇令我失望俾老公笑最平凡但最貴嘅甜品·二人三碗118·599.Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

點解到九月天氣仲係咁熱㗎，食完飯總係覺得想食啲嘢消下暑，喺荃灣行過就決定入去食返碗糖水。松記糖水，我諗大家都唔陌生，今次就叫咗佢嘅幻彩明珠加雪糕，同埋綠豆沙拼紅豆沙。幻彩明珠真係一碗滿足晒我三個願望，有非常足料嘅新鮮生果、咬落口煙煙韌韌嘅明珠、黑珍珠，非常之夾嘅涼粉，再加上芒果汁醬同埋花奶，由於天氣太熱，所以我決定叫多一球雲呢拿味雪糕。呢碗甜品真係好好食呀，咁多年都仲keep到個水準。另外佢嘅中式糖水都OK 㗎，紅豆沙有蓮子都好足料而綠豆沙都好清涼，甜味適中。食完碗透心涼嘅糖水，真係成個人舒服晒😇

松記糖水店一直都喺荃灣嘅經典糖水舖之一，次次去都勁多人排隊，價錢亦都唔係算係特別平，應該都係食嗰種熱鬧嘅感覺。今次叫咗個幻彩明珠，啲水果都算新鮮，之所以咁多人應該都係食嗰種氣氛，都可以再嚟幫襯。

松記甜品💚豆腐味綿綿冰 (雜果底) 配Oreo碎+乳酸爆珠+朱古力汁 $4X哈密瓜芋圓仙草凍 $XX榴槤紫米露 $38/48蘆薈豆腐花 $XX人均消費: $unknown (4人)-豆腐味綿綿冰 (雜果底)配Oreo碎+乳酸爆珠+朱古力汁一個綿綿冰 要揀水果底+配料x2+醬汁啲冰真係好綿食落去有啲似椰絲嘅感覺🤤入口即溶豆腐味唔會話特別甜 正常淡淡嘅豆腐味Greattt😋其實每一樣配料都幾正嘅🤤但係match嘅程度爭少少爆珠 爆出嚟真係乳酸 益力多嘅味🤤·哈密瓜芋圓仙草入邊有芋圓 哈密瓜 仙草 珍珠 椰奶啲哈密瓜好大嚿 都幾甜🥰芋圓口感一般 顏色比較淺如果份量再多番啲啲 就好啦😚整體OK啦😝啲水果係幾正嘅不過配料可以再好啲👻·💛👩‍👩‍👧：我覺得個冰好食！然後佢嘅乳酸爆珠都真係有乳酸味 幾驚喜·榴槤紫米露 同 蘆薈豆腐花各食咗一啖 所以評價唔寫啦💁🏽‍♀️-21/6/2022 ate都係咁嘅樣啦唔識寫甜品😝-好味程度：🌕🌕🌕🌑🌑抵食程度：🌕🌕🌑🌑🌑環境靚靚：🌕🌕🌕🌑🌑服務態度：🌕🌕🌕🌑🌑會回頭率：🌕🌕🌕🌑🌑·#od荃灣覓食之旅 #od食甜品·希望疫情快啲完結啦💛大家都要身體健康💛