德國餐廳 (Moved) New Location

今日去開奧海城行街 就黎左吾算太遠外嘅呢間德國餐廳度搵食 就咁睇門面冇乜特別感覺 行到入去反差好大 因為佈置得吾錯 有西式懷舊嘅感覺 牆上面掛左好多舊式車牌 海報咁 幾有感覺因為係tea time 時間 所以2個人吾係食左太多野 叫左一個德國咸豬手配酸菜及薯仔沙律同墨西哥香蔥芝士薄餅 個豬手都幾大隻 多肉 好欣賞佢個皮烤得好夠脆 配左2款汁 一隻酸酸甜甜 好醒胃 另一種係芥末 但偏辣少少 中意刺激嘅會幾中意 至於個芝士薄餅都有驚喜 餅本身就冇乜特別 正常墨西哥薄餅咁嘅質地 個個汁好好好正 咸咸地 好香芝士味 但又吾會太濃味 2個人食晒一個餅都吾覺滯野食之外 都有叫野飲 一杯芒果汁同啤酒 啤酒大大杯 都幾抵飲呢間餐廳幾有特色 坐得舒服 食物質素同服務都吾錯 推介

到奧海城看電影，睇完就在匯豐中心附近的食街見到好多酒吧，剛好見到呢間食德國菜就試下。我地叫左幾樣野食同兩杯酒，價錢都唔會好貴，而且味道都有水準，算係抵食。酒吧環境亦相當適合朋友談心，見好多附近返工的人來這裡聊天吃飯。Hoegaarden Rosse ($58 before 9pm, $70 after 9pm)微微水果酸甜味道，酒精感覺唔重，好易入口，比一段的Hoegaarden 更好飲，女仔應該好鐘意。西班牙風乾火腿拼凱撒沙律（$128)火腿份量很多，爽脆的羅馬生菜上幾乎鋪滿了火腿及芝士粉，味道不錯。德國超級香腸拼盤($158)大概有4-5款香腸配上酸菜及薯角，味道不錯，而且薯角更是新鮮熱辣炸起，香脆好味！德國咸豬手拼酸菜及薯仔沙律($165)這個咸豬手是我吃過咁多間德國餐廳最好吃的，肉質相當嫩滑而且外皮脆而不韌，咸度亦適中。

接近半價的團購現金券真的好優惠，不過book位有Ｄ困難，最大原因是店舖坐位很小，電話預約時店員已經話一定要留番Ｄ位比正價及walk-in客，其實都明嘅，唯有早兩星期前book位啦！雖然是假期前夕，當天6pm到，當然未full。一行四人order了不可不食的德國名菜同啤酒德國咸豬手配酸菜及薯仔沙律－上枱時豬手已經拆好肉。皮燒得香脆，肉仍充滿肉汁及嫩滑，鹹味適中，酸菜可以濃味點及多點就好了德國腸拼盤－有６條不知名的什腸及薯角，兩者都OK好味風乾火腿配凱撒沙律－火腿分量不少，雖然不是高级貨但又幾好味。沙律菜就少左ＤNachos －絕對係極普通的製作，只是將粟米片同蕃茄dipping加熱一下奇異果汁及啤酒－正常飲品。因為用團購券關係，啤酒要以正價計，不可用Happy Hour優惠價