德國餐廳 (Moved) New Location

和家人食完飯🙃很久冇坐低歎下飲啤酒🍻發現大角咀都有幾多酒吧選了一間同弟弟Relax 一下😉看見店外有Promotion 48 有draft beer。就進去了這間主打德國餐，當然不少得豬手la😙 不過我們打算下次才試，我們今天太飽了。今日我們order了Nachos 同2杯德國🇩🇪draft beer🍻看見Nachos忍不住拿來吃味道很不錯還配了蕃茄碎的醬。好味道德國🇩🇪啤酒🍻大大杯的！就這樣享受了一下Ps。要點一樣食物才可以有這個優惠

德國餐廳 #大角咀大角咀博文街15號地舖嗰日咁啱經過大角咀，用app睇吓有咩好食，見到呢間有50% Off，嗌咗一大碟豬手同埋香腸埋單都只係$2xx。見到你有個特別Menu係將啲菜式分咗去唔同地區，包括香港泰國同埋印度，今次就帶咗香港同埋泰國嘅菜式。鹹蛋黃豬手 (香港) $248 廚師已經預先將啲肉拆晒出嚟，份量頗多，不過肉同皮都係分開咗嘅。肉質來講都算淋，不過外皮就略嫌唔夠脆，比較似中式乳豬嗰隻有少少韌韌地嘅皮。肉嘅味道都非常濃郁，反而鹹蛋黃醬就有啲畫蛇添足，加上佢哋鹹蛋黃有少少腥，建議嗌返原味就可以，仲要平$30 lol 味道:3.7/5性價比:3.6/5 冬陰公青咖喱香腸拼盤 (泰國) $172拼盤一共有一條好長嘅黑椒腸、兩條冬陰公腸、同埋一條青咖喱腸，再配上薯角同埋酸菜。都幾特別第一次食到青咖喱同埋冬陰公腸，而且味道都幾夾，不過如果個味可以再突出啲就更好。味道:3.8/5性價比:3.6/5 另外印度嘅菜式就係黃咖喱香腸拼盤。整體來講半價左之後都幾抵食，餐廳環境唔算大，得壹個廚師同侍應，不過個侍應都會同你吹下水，另外呢一間喺屯門新蒲崗大埔都有分店。

今日去大角咀, 路過一間迷你酒吧, 外面寫著 有脆卜卜的德國咸豬手， 我去過德國，但只吃過普通的德國咸豬手 ,回到香港 也未吃過真係脆卜卜的鹹豬手，既然這間買點是這樣，就 即管叫一份來試試吧， 想不到真是有點 意外驚喜, 這份德國咸豬手，除了份量夠大外， 每一塊皮都是超脆卜卜的， 好像食燒肉皮一樣， 加上配了芥末 和蕃茄醬汁， 令味道提升， 旁邊也配了特製的德國酸菜 和芥末薯仔 , 味道獨特， 可惜我只得一個人嚟食， 沒有太大的胃口，可以再叫其他東西了， 另叫了一杯 新鮮奇異果汁， 味道也很清新， 我吃了半碟豬手，已經飽了，還有剩了一半，就打包帶回家給家人分享吧！這店雖小，但食物質素不錯，如果有多幾位朋友一齊去，就可以分享多些其他食物了。

工作壓力真係好大，日日忙到癲，約咗閨蜜放咗工後一齊嘆下德國菜，再啤一啤佢！🍻我好中意餐廳嘅佈置，好有風格之餘，燈光同氣氛亦令人好放鬆😎我點咗Erdinger Weissbier，味道好refreshing，中意fruity的話好會中意佢❣️<西班牙海鮮飯>侍應一上菜，好大陣蝦味！一食就充滿驚喜！每啖飯都充滿蝦味架🤪🤪而且配料好豐盛，有青口、蜆、蝦、魚、魷魚......好食到我地2個女仔好快清哂！推介！！<墨西哥香葱芝士薄餅>中意個醬，好開胃！淡淡檸檬味，點薄餅黎食味道好夾，而且一d都唔膩👍🏻👍🏻<法式燒春雞>飲啤酒又點少得佢！雞皮非常香脆，咬落雞肉唔會太乾身噃！仲有薯角添💞💞

大角嘴博文街可以話係區內嘅「酒吧街」，皆因呢條街有好幾間酒吧，而且經常座無虛席，相當熱鬧！星期四嘅晚上，街內熱鬧氣氛依舊，去到差不多街頭見到有間德國菜，見到佢嘅餐牌好似幾吸引咁，於是諗都唔諗就衝入去啦！因為內部裝修嘅關係，臨時搬咗去對面舖，不過燈光如果可以光猛啲就更容易發現啦裡面坐位不多、稍微逼夾，不過就顯得幾滿場嘅感覺。話明食德國菜，德國腸又點少得呢！一黎就叫咗個德國香腸拼盤，有四款香腸、薯角、酸菜同埋兩種醬汁，分別係茄醬同芥末。每一款香腸都勁juicy！啖啖爆汁基本上唔使點醬汁已經夠晒味酸菜食完好開胃，薯角都好食，如果份量多少少就正啦！咁啱友人同我發現咗有呢個西班牙海鮮飯，大家二話不說就揀咗呢個飯佢有二人同四人份量，我哋唔係太肚餓，所以就揀左二人份量。二人份量都幾足料，每樣海鮮有兩件，仲有好多紅黃椒洋蔥等配料，令到成個飯增添不少滋味！飯粒好有咬口，仲有香濃蕃茄味，加埋少少檸檬汁就更加惹味！由於要揸車嘅關係所以冇叫到酒精飲品，估唔到佢呢杯凍檸茶都幾好飲不過幾搞笑嘅係杯凍檸茶喺隔離嘅酒吧拎過嚟其實中途都見到有啲食物會拎過去隔離酒吧，睇嚟大家嘅鄰里關係都十分唔錯！個人覺得好多客人哋呢度都

今日比男朋友威下，帶我去食好西！😍我真係好鍾意食德國香腸同豬手，所以佢就帶我嚟試吓間德國餐廳，睇吓係咪真係咁好食先。入到黎位置唔係好多，不過都坐滿晒人，咁啱男朋友book咗位，黎到有張枱留俾我地，雖然枱唔係好多，不過都幾闊落，都坐得幾舒服。因為我哋唔係食得好多所以我哋叫咗個香腸拼盤同埋德國鹹豬手，豬手上枱時熱辣辣，個皮好脆，啲肉好鮮嫩，再加上芥辣去食，味道啱啱好，香腸有幾款唔同嘅味道，配埋酸菜真係一流，我哋兩個人食嘅份量啱啱好。

奧運經常都會黎但大多都係係奧海城活動同食野奧海城以外既餐廳就完全無概念。今日突發想發掘下奧海城以外既餐廳就誤打誤撞入左去呢間德國餐廳。入到去餐廳坐座位唔算太多但就坐滿晒大多係office既人收工黎聚一聚，見到枱枱都點德國咸豬手但因為朋友唔太好所以就點其他。德國超級香腸拼盤共有4款2白2紅最出名當然有紐倫堡腸同白香腸，紐倫堡腸足足有成個盤咁長，相反白香腸較短但腸外既羊腸衣好脆口一咬開卜一聲之餘內裏香腸油份慢慢滲出。另外短少又粗身紅肉腸咬落微辣內裏香腸油份高肉又飽滿，雖然有少少油膩但加上德國菜名物酸椰菜之後幫助解膩。法式燒春雞雖然係燒但仍然做到外皮十分脆，雞肉好多汁又香高温燒熟下仍然鎖住肉汁雞肉下有炸好既連皮薯角入口薯味香又夠粉。棉花糖朱古力上杯面鋪滿左大大粒棉花糖而棉花糖上再加上朱古力醬底下原本平平無奇既朱古力因而增添更多風味朱古力既苦再加上棉花糖既甜變成左一份甜品。

德國餐2大特色當然係德國香腸同豬手,今次當然必點德國香腸但與別不同既係無左豬手相伴換黎藍青口同燒春雞.白酒忌廉煮藍青口,平日就算係西餐廳都好少食到藍青口,相比其他青口藍青口既肉較細但唔代表比其他差相反佢肉質更加鮮甜又滑嫩 海水味又濃,加上淡淡忌廉又唔太膩,食左半斤十分滿足.德國香腸拼盤有分2種,追求極上滋味既我當然會揀豪華版.豪華版果然升級,全部都係重量級,白色既香草豬肉同小牛腸咬落好脆羊腸衣又簿但內汁十分爆滿內裏仲有油份反映既光澤,食食下都已經好飽滿.最後一道燒春雞原隻燒好切件再上枱,經醃好後既春雞外層朱古力色帶微焦但內裏保持鮮嫩又唔太乾法國春雞本身唔會太多脂肪得黎肉質又夠嫩食落又無咩雪味咸咸香香。

呢間餐廳嘅位置就係位於 奧海城出面 裝修同環境都幾有格調 成間鋪頭都充滿著啤酒酒桶 等等嘅裝飾 poster上面亦都寫上 做緊啤酒優惠 40幾蚊就一杯啤酒 平時冇嘢做嘅話都可以入嚟飲番杯chill一下我哋就嗌咗兩份主菜 同埋兩杯飲品 主菜就有 傳統德國咸豬手 同埋西班牙海鮮燴飯 飲品方面我哋就 嗌咗一杯stella 同埋1664傳統德國咸豬手上菜 賣相幾靚 上面仲插住咗一支印有舖頭名字嘅旗仔 好精美嘅感覺豬手嘅味道醃得非常入味 質感都做得非常唔錯 外面嘅豬皮好脆 內裏嘅豬手肉亦都唔會太鹹 點解仲好貼心咁放咗 蜜糖芥末醬比我哋點豬手食 令到我哋唔會食到一半覺得好油膩 反而連埋芥末醬同啤酒食 會有愈食越清新嘅感覺西班牙海鮮燴飯用嘅真材實料炮製而成 每一粒珍珠米入面都有海鮮精華嘅味道 即叫即製 以海鮮配料亦都唔少得魷魚 海蝦 蜆肉 青口等等傳統配料 令到西班牙嘅味道重現於眼前飲品stella同1664大大杯， 我哋可以喺食豬手嘅同時大大啖咁飲酒暢談天下事，夫復何求！

餐廳既氣氛幾好，放咗啲啤酒做擺設！仲有一啲畫作，好有情調！服務方面，待應好熱情！唯獨是上菜時間有啲耐！嘢食方面：1. 芝士薯角個芝士薯角個分量好大，夠三四個人食，個芝士味好重，鐘意芝士嘅就啱哂喇！2.肉丸意大利飯肉丸飯嘅味道好好，好重芝士味，肉丸來幾好食，加埋個牛油果，食落感覺好特別，大家都可以一試！3.朱古力咖啡柚子蛋糕蛋糕嘅朱古力味好重，配上柚子中和返，所以感覺唔會太膩，好適合飯後甜品！呢間餐廳真係值得一試

今日元宵節，約左女朋友過第一個中國情人節食徳國菜。環境氣氛都唔錯，我哋約咗九點鐘但係早到咗，侍應都俾我哋早入唔使等位。嘢食嘅款式都幾多，我哋叫咗一個德國鹹豬手，一個芝士薯條同埋一個腸仔拼盆。佢啲豬手個賣相都唔差，好入味，不過我同女朋友都食得唔多，所以都剩返好多。腸仔拼盤嘅份量唔算太大，不過個份量啱啱好兩個人食，入邊有三款腸仔，個人比較喜歡食芝士腸。最後呢樣最好食，因為我好鍾意食芝士，就係芝士焗薯條。上菜時熱辣辣，啲芝士仲可以拉絲，好好食。最後一人叫咗杯野飲，叫咗杯hoegaarden同橙汁一杯。

食完晚飯後覺得時間尚早，又唔想返屋企住，於是朋友就提議去飲杯野，再食少少野，於是就不經不覺黎到博文街，呢度有好多唔同既野食，算係一條低調既美食街！8點幾既時間，留意到呢間德國餐廳都仲有好多人，決定入去襯下熱鬧！德國餐廳，唔洗講咁多，就係食德國野。咁德國野即係食d咩，更加唔洗講，德國腸，豬手是基本！！由於我地係食完晚飯先黎既關係，呢一餐只係宵夜，就唔咁進取叫太多野食啦，剩係叫一份炸豬手+一份德國腸拼盤就算（最後發現其實咁樣已經好多了。。）哇，估唔到份量都好大下，豬皮炸到脆卜卜，咬得我好爽，又有沙律酸菜食下，你都咪話唔正呀！德國菜拼盤都係大大份，好老實講我就唔識分d腸邊條打邊條，不過我就鐘意食最長果條，下面仲有d薯角，仲要是熱辣辣的！！啤酒+豬手+德國腸= SO CHILL，下次約朋友飲野，其實真係可以考慮下咁樣飲，好鬼滿足！！

德國菜真係食極都唔厭，尤其適合食肉獸，上至德國香腸，下至德國豬手，樣樣都係肉，加上一啖啖啤酒，食德國菜真係人生一大樂事！今日嚟到呢一間大角咀嘅德國餐廳，比入邊嘅裝修吸引着。燈光不算光猛，加上牆身油上黃色，又舖有不同海報，感覺有少少似美國西部牛仔風味！ 入正題，講下食咗啲乜嘢：西班牙風乾火腿配凱撒沙律$128唔算平，但嚟到就知道個size真係好大，配料也好足，除咗沙律菜，仲有少少酸黃瓜，提升成個實力嘅層次。風乾火腿唔算鹹，本人唔係好識分火腿的優劣貨品，但呢個火腿同沙律真的非常夾。奶油青口以前喺歐洲成日都食一窩又一窩青口，呢個令我諗翻起係歐洲嘅感覺！奶油濃郁，青口分量多，很喜歡這個菜！德國香腸拼盤朋友要我係德國香腸同豬手之間揀一款，最後我揀咗德國香腸。香腸有六條，有唔同款式，亦有薯角、酸椰菜伴碟，點上芥辣同茄汁，加上淡啤酒，這樣就愉快渡過了一個晚上！

工作完一整天太勊，放工約左朋友去奧海附近食好西慰勞一下自己，成條街好多餐廳，好想食豬手就揀左呢間德國餐廳做緊promotion, 不過7:30pm 前走先有裝潢好有特色，好特別既燈叫左個德國鹹豬手配酸菜及薯仔沙津，超大份，豬手既皮好脆口，肉質鮮嫩，好好味，仲有芥末醬點，一個甜一個好苦，值得推介因爲朋友太飽，另外就叫左個三文魚凱撒沙津，份量不算太多，剛剛好，三文魚及菜都很新鮮仲叫左個小食-香蔥芝士焗薯條，好特別，平時出面比較少有香蔥配芝士，味道不錯，好有濃濃芝士味及蔥味，鬆脆可口，份量多餐飲就叫左芒果汁，朋友叫左奇異果汁，都是鮮搾的，冇溝冰，濃味最後唔夠喉再加個甜品-店員推介既特濃咖啡柚子蛋糕，質感幾特別，有香濃咖啡味

呢排好想食德國鹹豬手，於是乎嚟到呢間德國餐廳，試吓呢度嘅鹹豬手！仲有德國腸！呢個雖然係平日，但係餐廳都坐滿左人，非常之熱鬧！佢做緊優惠，呢個鹹豬手餐勁抵食！有鹹豬手，腸同粟米片！仲可以有多兩杯啤酒，價錢都只係368$！強烈建議大家叫！餐牌仲有好多唔同既野食！生蠔都有！ 不過呢晚就唔想食海鮮所以冇叫雖然2人餐可以叫72$以下飲品，而呢杯芝士奶蓋只係$36～本身都想試飲，可惜呢段時間冇供應～咁就留番下次飲啦～仲有唔同類型既啤酒～腸終於到啦！唔會太咸～其中一款又有芝士係入面～口感好豐富！咸豬手登場！ 好正呀！外皮好脆，唔會太乾～ 配埋個醬食岩岩好 ～我地仲叫左隻燒春雞食～ 隻雞翼燒得略嫌燶左dd~不過其他部位都ok~而且食落唔乾身仲有肉汁又夠味哈～食豬手冇飲啤酒，叫左可樂同凍檸茶 仲有個粟米片太肚餓食哂先記得要影