February

Open Now

Now Closed

觀塘除咗塞車之外，都有一間人氣嘅德國菜餐廳酒吧🔥餐廳置入咗民族風嘅吊燈，充滿民族氣息，打卡都幾靚。除咗可以係度食嘢之外，仲可以同埋朋友飲下酒，掟飛標放鬆一下心情。✨香煎鵝肝多士 $108鵝肝大大塊好厚身，入口即溶，配搭香脆嘅多士令人一試難忘，夠晒邪恐，食返少少拌碟嘅沙律菜可解膩。✨蟹蟹蟹意大利粉 $158蟹蟹蟹就係蟹柳、蟹肉同蟹籽，蟹肉都幾多，食起嚟鮮味十足，仲有紫菜、磨菇等配料。意粉軟硬度啱啱好，食落仲充滿蒜香味，值得一試。✨德國腸拼盤 $168德國餐廳點都要食德國腸，有3款唔同嘅腸每款腸都各有特色，可依個人喜好加少少黃芥末、蕃茄醬，食落更惹味，必點。✨德國火焰鹹豬手拌酸椰菜 $298餐廳嘅招牌菜，店員會送到你面前點火造成火焰效果，燒一燒外皮可以更香脆，啱晒打卡。手機食完之後，店員會先收走幫忙切件再上，食起嚟更方便夠晒貼心。豬手好大隻份量夠多，外皮咬落脆卜卜，豬手肉質嫩滑仲有肉汁，配酸椰菜絲一齊食可解膩，配菜嘅薯蓉食落香濃綿密，同樣美味。🍹February Smoothies $68餐廳嘅Signature February，有Peach, Orange Juice, Milk, P

今日友人生日，所以要慶祝一下。上網見觀塘好多店舖食評都好多笑哈哈，朋友話要揀間有feel,有氣氛既，所以揀左呢間。原本以為會好華麗，點知門口有隻熊啤啤坐係度，好搞笑。見到威靈頓牛柳好似好正，但原來要預訂呢。。唯有下次先啦。朋友話好想飲湯，原本以為細細碗，所以點左兩碗。點知超大碗，係用裝意粉既碟上。早知點一碗就夠。飲完都半飽了⋯不過都幾足料同好飲，真係見到一大匙黑松露。接住有青口，個汁唔錯，不過如果配活藍青口就會昇華不少。德國腸有5大條，有四種味道，各有特色。兩個人食有啲多，個人認為四個人先好點。因為真係好大條！配酸菜茄汁都幾好食。和牛漢堡好好食，有煙肉、菠蘿、蘑菇同厚厚的漢堡，食落juicy有層次，多汁又好味。不過真係好飽，最後食唔晒薯條⋯一開始就點埋甜品，結果飽到一個點，哈哈。真係估唔到樣樣野食都咁大份。但甜品咁啱細細件，可以用第二個胃食埋佢。

約了舊同學聚舊吃飯，順道更新一下他的近況。由於大家也是在九龍東上班，所以就選了一家在觀塘的德國餐廳，最適合我們這些食肉獸🤤🏣餐廳位於中海日升中心，附近也有好幾家餐廳，於午市時經常爆滿排隊，不過可能和地鐵站相距較其他核心地帶遠，所以晚市客户就未算很多，最熱鬧有近3分2入座。在疫市下仍有這個入場率算不錯，食物質素和服務態度也有保證。 佈置頗有情調，很適合和伴侶朋友來歡聚一番，頭上掛著不少土耳其傳統馬賽克燈，柔和燈光令我回憶起也曾在附近的大廈上過工作坊自製土耳其燈，十分有趣。門口旁邊放著木柵欄，後面就是一排空酒瓶，排列得整齊又有美感🎐 📜餐牌上除了套餐外，單點菜單亦非常豐富，由意粉、漢堡、意大利燉飯到傳統德國菜也一應俱全，令人出現選擇困難症。 🍟芝士黑松露薯條 $78 7/10首先上的是小食薯條，上面鋪好了拉絲芝士和香料，肉眼已可見淡淡的焦脆痕跡。口感很香脆，調味偏鹹，很適合配上啤酒，沾上黑松露醬層次感更豐富，作為下酒小食一流🍻 🍖德國火焰咸豬手配酸椰菜 $298 8.5/10餐廳的招牌菜，味道絕佳又有打卡價值。店員先把原隻豬手奉上，然後就開始表演，澆上酒精覆蓋整隻豬手再點火，整隻豬手陷入了

23/1星期六正值我生日，就去左呢間餐廳食午餐。內裏裝潢很有氣氛，服務態度也不差。前菜：吞拿魚芒果柚子沙律～整體來講唔錯，但係唔知係咪個芒果唔當造定係俾個西柚染咗啲苦味，芒果真係有稍微苦味。德國腸拼盤～有啲鹹，幾種腸，脆卜卜火焰鹹豬手～十分有特色，果然是最出名之作～～！生日甜品～真係唔可以唔讚下個繪師姐姐～～佢將香奈乎畫得超級靚，仲加上自己嘅創意。看着可愛的香奈乎，真的會感覺全個人都被治癒～～個背景都好襯，檸檬撻又好味！十分驚喜！希望再度光臨呢間餐廳，再次拜見繪師姐姐的畫功～！！

Book位果時同店舖講定生日甜品想畫咩公仔或寫咩字，店員會幫你準備，畫功畫得好靚👍🏻😍，會推介比frds.😃店員好有禮貌，多謝你哋比我親友有個難忘嘅生日飯局😜希望你哋係疫情期間都生意興隆😀

德國菜係香港唔算常見，今次去到呢間係觀塘工廈群中嘅德國菜酒吧～餐廳裝潢唔錯，色彩繽紛嘅吊燈更增添一番異國風情，有趣嘅係佢又會播台灣歌來做背景音樂，風格好特別😂😂法式白酒蒸煮藍青口 （$88）醬汁份量好多，味道似忌廉白汁，夠味但唔會覺得過鹹，口感都幾creamy～ 藍青口都偏大隻，同醬汁味道好夾～水牛城雞翼 （$88）雞翼係先炸過再用醬汁煮，蕃茄味超濃好入味，好食😋 雞翼肉質亦算嫩滑，應該有預先醃製過～德國腸拼盤 （$168）一盤有好多唔同款式嘅德國腸，腸味濃郁惹味，亦唔會死鹹，配上茄汁都幾好味，不過略嫌多油左啲😅😂 拼盤上仲有酸菜可以俾我地減低德國腸嘅油膩感～蕃茄羅勒水牛芝士披薩 （$138）水牛芝士味濃，仲有拉絲效果！建議盡量熱食，因為凍左嘅話拉絲效果就會冇咁明顯～ 因為佢個批底偏厚身，所以食兩塊已經好飽😂😂😂Mongo Freeze ($62)呢杯係由芒果和橙汁打成嘅smoothie，即叫即打，好新鮮～ 味道酸酸甜甜咁好清新，口感類似沙冰咁，好飲！😊Love Story ($72)呢杯cocktail由rum, pineapple juice, grapefruit juice,

今日和太太往觀塘February食晚餐, 我們點了諾曼第海鮮天使面, 德國腸拼盤、法式白酒蒸煮藍青口和忌廉龍蝦湯。諾曼第海鮮天使面賣相吸引, 海鮮好足料, 材有蝦, 青口和魚。蝦和青口食落鮮甜彈牙, 而魚則入口即熔,天使面爽口, 最後諾曼第海鮮天使面是配上提子乾, 車厘茄和黑醋汁, 食落開胃無比；德國腸拼盤份量十足, 香腸大大條, 闊度大過一根手指, 拼盤有法蘭克福腸, 芝士腸、香草腸、雞肉腸和芥茉香腸等, 法蘭克福腸, 芝士腸食落彈牙, 其腸衣比較厚, 有嚼勁, 口感十足；香草腸、雞肉腸和芥茉香腸食落好香滑, 肉味比較重, 佐酒一流；另外德國腸拼盤配上酸菜, 酸菜酸酸甜度適中, 食落開胃；法式白酒蒸煮藍青口白酒汁煮得香醇, 白酒汁加上什荳令白酒汁食落口感更有層次, 青口新鮮鮮甜彈牙, 惹味十足；最後忌廉龍蝦湯龍蝦食落鮮甜彈牙, 忌廉香滑, 湯味道香濃, 溫度適中；餐廳座位舒適, 食物美味, 份量十足, 而且餐廳有球賽直播, 適合三五知己睇球賽聚會好去處。

啱啱過左個無慶祝既情人節，今日老公補數，帶我食返餐想近近地，諗下觀塘食咩好，試下間之前無食過，搵到間少少隱閉既西餐原來星期五晚 happy friday，都幾多人，好彩一早book左位有2人或4人套餐, 計落都抵既，不過main course 選擇無咁多， 都係決定散叫，但散叫原來只要加$38轉套餐，有湯有野飲，咁都ok 餐湯係磨菇忌廉湯，無再加錢升級龍蝦忌廉湯或白松露忌廉野菌湯，心諗會唔會俾個頹湯呢？哈哈，諗多左個磨菇忌廉湯一d都唔稀，有少少磨菇粒，菇味幾香，飲落有少少黑松露味，對呢個湯都算滿意一個餐叫左美國安格斯肉眼，$302 有16安士， 份量計返都幾抵，忍唔住要鋸扒，第一次落order 時侍應可能比較新，無問我要幾成熟，佢之後記得黎問返， 我要左7成熟塊扒都幾厚切7成掌握得不錯, 剩少少血水, 裡面帶粉紅, 肉味都濃 ，係我想要既7成有部分有D 肥，不過切走就可以，但少少肥既肉其實幾香旁邊有薯條做配菜，不過炸得比較硬，而且無俾茄汁，要問侍應拎德國腸拼盤，賣相都幾豐富，份量足，外皮煎得唔錯，而且每款腸都唔同，啱哂花心既我不過侍應無介紹到邊款係咩腸其中芝士腸都幾多芝士，不過咸左少少

今日約埋啲朋友去慶祝我辭職，就book左檯去呢間餐廳食。入到去間嘢都幾大間.天花上嘅燈用左馬賽克。感覺好歐陸。餐牌都好簡潔，白底紅字。由落單到上菜算快，先上沙律。初時以為佢會先上酒先。但酒仲遲過沙律上。凱撒沙律，份量都幾大份，食落去索索聲。望落個樣都幾新鮮。但紅洋蔥唔夠洋蔥味。水份唔算太多。德國火焰咸豬手，侍應提我地，會有十秒鐘火燒嘅時間。食落去唔算太咸又唔太老。外皮脆卜卜。芥末醬又唔好辣反而仲甜甜地。我鍾意張咸豬手同酸菜混埋嚟食。食落唔太酸亦唔太溜。其實淨食酸菜都ok.但撈埋嚟食會中和個油膩感覺。德國腸拼盤，：腸有好多種，但質感好唔同似平時我地食果隻顏色嘅，食落去好juicy.比較爽口。另外果無咁爽口，但個味道唔似豬肉味。我地仲叫左hoegarden,個陣仲買二送一，可惜係rose 只得250ml.唯有叫三杯250ml.但都幾好味。

觀塘舊同事約飯聚，出來吹吹水，說是分享公司趣聞，其實是自己八卦。雖然離開這家公司那麼多年，周邊的環境已有很多改變了，就連舊公司附近的餐廳也改變不少，所以今晚由舊同事們選擇飯聚的地點了。她們建議了這家新開張的餐廳，主打德國菜。好明顯她們又是貪新鮮囉！對自己來說，只要能聚一聚，吹吹水，哪家餐廳都没有問題。餐廳位於那几橦以保險公司命名的大廈附近。原來餐廳是剛開業約一個月呢！一行几人就座後，先看看餐牌。没有晚市套餐，於是散點了几款。但這裡主打德國菜，所以選了德國美食之中最有名的香腸及豬手。　德國火焰鹹豬手 　　　 　餐廳門口大大塊餐牌寫著：火焰鹹豬手。應該是這家的招牌菜！這晚大部份客人都選了這道菜呢！　由於剛好離座講了一陣電話，看不見這道菜上枱時的火焰。只見鹹豬手已分件。 先嚐幼細的酸椰菜，較乾身，不太酸，但可以中和豬手的油膩。 　取一份鹹豬手試試。脆脆的皮下，帶著一層脂肪，粉紅色的豬手肉不太硬。與平時鹹豬手對比，這個火焰鹹豬手的肉質不算太鹹。　鹹豬手混著酸椰菜及伴碟略甜的芥末醬一同品嚐也不錯呢。最好趁熱食。　HOEGAARDEN ROSEE　　這是惠顧火焰鹹豬手送的啤酒。　這杯粉紅色啤酒不通