Kowloon East Kitchen (Closed)

去工廠大廈搵食已經唔喺咩新鮮事，不過，所認識嘅親友中都仲有唔少人喺未去過依一類帶少少神秘感嘅餐廳，所以，兩年前曾到訪過Kowloon East，記得環境唔錯，食物做得有水準，故一行3人到訪，再次睇睇佢哋嘅水準有無跌。事隔兩年，環境無咩點變，一出電梯都喺灰灰黑黑嘅大鋼閘，然而Kowloon East嘅紅黑白門面，非常搶眼，推門而入，則別有一番景象。一室都以白與黑，配少少紅，鋪上水泥地，少少掛畫，再以燈光營造氣氛，簡約舒服。餐牌設計簡單，白底黑字，紅星標誌就喺廚師推介，前菜、湯、沙律、意大利粉、肉類及魚類、伴菜、甜品及飲品，4頁紙睇晒，選擇唔算好多，不過，睇菜式就幾精，稱得上貴精不貴多。另外，牆上仲有一個是日精選嘅餐牌，有齊前菜、主菜、甜品，不過，其實睇落又唔喺好特別，所以，就晌番主餐牌度揀菜。意大利香草包等上菜，先嚟一小籃意大利香草包配黑醋橄欖油，香草包質感軟熟，淡淡香草味。炸魚柳甜蕃薯條配檸檬乳酪醬 $98先嚟一客炸魚薯條，不過就喺炸蕃薯條，魚柳或蕃薯條都炸得金黃，兩者入口都唔覺油膩，証明炸功了得。不過，無問到喺採用咩魚種，但幾可肯定唔喺龍脷或青衣，因為肉質較為挺實，唔喺細嫩嗰類口感，

觀塘工廠區開左好多唔同嘅餐廳，今日就黎到尼間叫Kowloon East Kitchen嘅餐廳，它的地理位置不算偏僻，距離地鐵站也不算遠。上到去，因為事前訂左位所以餐廳那邊很快安排左個靠窗的位置俾我地，座位尚算濶絡，坐得挺舒適。且可以望到平時少見的觀塘街景。我地很快點左菜，因為那天不算十分肚餓，所以2人主菜只點了一份肉眼扒和意粉。飲品則叫了pineapple mint soda。冇幾耐就上了餐前麵包，包軟綿綿的不錯。飲品也挺好喝，菠蘿加梳打配合薄荷葉的清新，很適合夏天飲用。之後肉眼扒都黎啦，賣相不錯，睇起黎幾好味。由於叫左5成熟，所以肉質食落好嫩，肉汁豐富，叫5成熟果然正確。配菜吸收左肉汁的味道都好好食，尤其係煎香左的蕃茄。配菜我地額外點左忌廉菠菜，一來可減10蚊，二來可以平衡下唔好淨係食肉。雖然菠菜賣相麻麻，但人不可貌相，忌廉同菠菜好配合，而且唔覺得膩，是個不錯的嘗試。食食下其實有D飽飽地，仲有一碟薰煙肉，蛋黃芝士汁意粉。汁好夠味而且煙肉好香。可能我對意粉比較挑，如果意粉能夠換成幼身爽口的相信會更加好味。不過對鍾意蛋黃芝士汁的朋友，這也是個不錯的選擇。餐廳職員服務態度也不錯，不時過黎斟

繼早前同舊同事嚟過觀塘漢和食韓燒，因為朋友喜歡四處尋幽覓食，今次就跟朋友再嚟到觀塘，一試廠廈裡Café小店嘅歐陸美饌。每次再走進工廠區，已然睇到好大嘅變化。就好似今晚所到嘅Kowloon East Kitchen，位處一幢舊廠廈，仲喺拉閘式升降機，而該廠廈對面就已經有幢新簇得緊要嘅新商廈，雙映成趣，見證工廠區嘅轉變。成層樓都喺灰灰黑黑嘅大鋼閘，餐廳門面以白紅黑對襯，簡潔、醒目、搶眼。而走進室內，環境、氣氛完全睇唔出佢喺身處廠廈之內，同樣，一室都以白紅黑為配襯色調，鋪水泥地，少少掛畫，簡約不造作。對街一邊都安裝大扇玻璃窗，相信日間嚟都會採光十足，雖話小店，其實地方很大呢！除咗室內，更設有戶外區，就喺廠廈一個小平台，闊落通爽。不過，始終位處工廠區，景觀自然欠奉，此外，戶外區只喺簡單得擺幾張木枱木櫈，暫時未見有花太多心思，否則，晌秋涼時節，戶外用餐感覺會好不一樣。除咗一紙餐牌，印備餐湯、沙律、自家製意粉、頭盤、主菜、配菜之外，近門口更有個是日精選，羅列當日時令或優質食材，做法可問問店員，好值得留意一下。此外，餐廳唔收加一，而服務夠專業到位，上菜速度啱啱好，唔會一次過堆晒晌枱度，每道菜上枱時有

閒時都很喜歡四處尋覓樓上食店, 因上樓小店多數菜式上會帶來驚喜之餘, 服務亦細心體貼, 最令我滿足是可有較多機會與店員閒聊幾句, 說說食材的特色、烹調技巧, 甚至經營的背後故事。之前勇衝過工廠、閣樓, 今次相約幾位好友走進一個廚房...... 廚房? 是! 究竟是好或是壞, 會否弄到一頭煙? 一於勇衝九龍廚房, 食完再講。一出升降機就看見一塊以紅色背底襯托黑色菱形及白色店名字的招牌, 設計型格, 搶眼奪目。果然是勇衝廚房, 只站在店舖門口已見一個開放式的廚房, 廚師們正投入地準備。店子以白色和黑色為主調, 設計平實簡約, 牆上掛了數個大相片框, 相片以觀塘角落為主題, 有觀塘碼頭、觀塘街巿、貼滿招紙的閘門等, 自從觀塘重建, 部份街頭角落已不再, 這些相片可讓食客回味一番, 特別對觀塘居民來說, 相信看見這些相片會分外感觸。這裏地方寬敞, 有多張二人和四人枱, 亦有高枱高櫈、吧枱位, 還有兩張沙發讓食客舒舒服服坐在閒聊。最討我喜歡是露台雅座, 設有七八張木枱連木椅, 一邊看着遼闊的天空, 一邊吹着微風進餐, 多享受啊! 但現在還未完全入秋, 還是留待稍遲一點再來感受一下!安坐後便馬上細