百味川 (Closed)

係葵涌廣場最出名係掃街同好多人，唔想同人逼餐死，就入去餐廳坐係度食飯，咁先係最舒服！今次同朋友去食晚飯，又有新發現！第一次嚟食呢間百味川，價錢親民，而且好多款嘢食揀。最基本都有招牌系列嘅湯面揀，如果想自選，佢哋都有自選米線丶湯底同配料可以選擇！同朋友點咗兩個招牌系列嘅湯面丶一份淨韭菜餃丶鹵水雞翼丶兩杯飲品，最後食到好滿足！招牌系列 - 百味酸菜魚配薯粉呢一份酸菜魚，入口唔太辣，朋友唔食辣都食到！而且魚肉鮮甜，口感嫩滑，湯底酸酸甜甜，好食！招牌系列 - 家鄉紅燒肉配淮山麵值得一提嘅係家鄉紅燒肉！肥而不膩，入口即溶化！而且淮山麵麵條入口，超有口感又彈牙，跟呢個湯底好match！好鐘意呢個配搭！淨韭菜餃韭菜餃皮薄餡靚，好足料，配上嘅湯都好清甜！同出面好唔同，並非味精湯！忍唔住飲多幾啖！鹵水雞翼經典小食，呢間滷水雞翼做得好入味，肉質口感爽滑！必食！恐龍華田呢杯飲品，佢哋落足料，華田粉都鋪滿係飲品上面。呢杯飲品好邪惡，有賣相又超好味！跟麵叫，仲有優惠價，好抵飲！

平時係開葵廣頂樓掃街，想坐低同朋友食下野，可以試下呢間主打平民價川式粉麵嘅小店，提供多款湯底、麵底、配料同小食揀，包保食極都唔會厭✌🏼💗百味酸菜魚紐紋薯粉($58)湯底帶少少魚味同薑味，完全唔腥同油膩，但唔夠酸辣相對好淡🍲魚同酸菜分量十足。酸菜由重慶鄉村嘅農地自家種植，菜葉偏多冇乜莖部，未夠爽脆，而且酸甜欠奉🥬龍脷片唔帶魚皮，嫩滑冇骨啖啖肉，不過夾起有d易爛，冇乜魚味但勝在冇雪味🐟薯粉較幼身，質地煙韌爽口，由於扭紋嘅關係更加掛湯汁。💗沙嗲湯淮山麵+雞腎+魚皮餃+芥末沙律球+豬頸肉($62)沙嗲湯底揀咗微辣，帶少少花生醬同醬油香，好夠惹味，最值得讚係辣得清爽唔肥膩🥜淮山麵原來係由淮山磨粉再加入小麥粉製作而成的麵條。麵質幼細，口感比米線實在，食落爽滑又健康，唔屬於掛湯類🍜配料仲有芽菜、酸菜、花生等等。豬頸肉事先用滷水汁醃過，非常入味，脂肪比例唔多同時肉質唔鞋🐷；雞腎厚切有咬口，不過口感偏硬，食落冇氨味；魚皮餃就正常發揮冇乜特別；芥末沙律球係彈牙嘅炸魚蛋夾住流心嘅脆卜卜蟹籽，芥末味道濃郁但絕唔攻鼻🍢。💗炸白菜雲吞($15/3隻)將手工製雲吞炸到金黃脆口，餡料脹卜卜🥟白菜同豬肉既比例啱啱好，唔

因為肺炎嘅關係，我好耐都冇出街買過衫啦。日日返工都係著得嗰幾件衫，網店啲優惠期又已經過曬咁濟，今日終於約咗朋友黎行吓葵廣同新都城。行咗幾個鐘，大家都又渴又餓，就落返葵廣地下揾吓嘢食。見到呢間百味川門口貼咗醫護人員有八折優惠，就決定入去「懲罰」吓佢～😆麻辣牛魔王 （$58）✨呢度有一啲配好嘅麵同餸，同一啲可以自己配搭嘅餐可以揀。因為我覺得餐廰配好嘅通常都好食啲，就揀咗餐廳配好嘅一個米粉（都可以轉其他麵底咖）——麻辣牛魔牛😈呢個麵入面係有牛腩、牛筯、牛肚，仲有微辣至特辣，五種辣度可以揀，我揀咗最少嘅微辣。落單後唔洗一分鐘就上菜啦，每款餸都最少有三四舊，份量都算多。另仲有啲芽菜、芫茜等等，湯底都好香，下次我要揀辣啲挑戰吓！😤自選米線 （$53）✨朋友揀咗個自選米線，揀咗娃娃菜、芥末沙律球、響鈴，麵底揀咗准山麵，蕃茄湯。上菜見到佢嗰個好清好健康咁，准山線係比米線糼身啲嘅，但好彈牙。響鈴雖然已經係另上，但唔係好脆。朋友仲不停強調芥末沙律球真係好好食，下次我又要試吓先得！🤪口水雞翼 （$18）✨口水雞翼好貼心，每隻都分開咗一半，只有一條骨，好方便食。呢個口水雞翼係冷盤，好開胃。加埋啲辣油、芝麻、芫