慕茶 (Moved) New Location

這間CAFE 的佈置很美1830 去到唔洗等位店內座位數目不多 若晚一點可能要等位食物選擇不算多但甜品 主食 沙津 小食都有由於晚飯時間 今次就係食左意粉同ALL DAY BREAKFAST無試到甜品抺茶卡邦尼意粉由於被餐牌圖片吸引 又覺得個味應該幾特別而點賣相亦非常吸引可是抹茶味太重 有少許澀如果抺茶味唔太濃會好好多同埋如果卡邦尼個汁再出多D 會好食好多而另一個全日早餐就完全係我口味有薯餅 蕃茄 兩個太陽蛋 菇 牛肉包特別係個窩夫 伯爵茶味 好特別 最愛呢個$86總括黎講 價錢親民  Dinner $80 左右呢間CAFE 應該係雪糕甜品出名下次黎試下佢D甜品

係觀塘出完job, 一個人都唔知食乜好, 又勁肚餓喎, 肚餓既時候個腦真係轉唔到ga~~即時打比係觀塘返工既朋友八下有乜好介紹, 佢問我鍾唔鍾情茶, 嘩, 而家甘肚餓,乜都鍾情啦!! 即叫佢比間餐廳資料我, 原來就係離街甘近0者, 即刻一支箭飛過去啦!! 去到一入門口已經覺得好靚, 好少女風格同有種浪漫既感覺, 原來部雪糕車係店主結婚當日用作提供雪糕給賓客之用, 聽說可出租給客人, 還可訂造不同雪糕口味, 甘又好似幾得意喎~~    Cafe 不是太大, 約可以容納三十人左右, 簡約既枱凳配上不平凡既燈飾, 係呢個環境食野真係唔錯!! 我真的幾喜歡呢度既吊燈,  但又唔好意思問在那裡買... 不能小看呢間舖頭仔, 呢度既選擇分分鐘多過好多大餐廳呀~~花多眼亂又肚餓下, 我選擇係宵夜時段食早餐,哈哈~~  慕茶全日早餐都的確非常豐富, 有兩隻太陽蛋,番茄, 薯餅, 腸仔Waffle, 肥牛炸饅頭同伴菜, 原來Waffle 夾腸仔食都幾好食,  脆脆既Waffle外層, 暖笠笠既香草腸仔,食落都幾特別!! 另外個肥牛炸饅頭都唔錯, 肥牛係用日式醬汁煮的,好多汁不會乾身,

近來都幾鐘意過觀塘揾食，事關發現工廠區呢邊好多好ya食下，於是宅女出街，四處覓食！平時最鐘意食alldaybreakfast，見到呢間餐廳有，咁就梗係趁放假，要第一時間去品嚐下啦！今日呢度係係商廈同工廠既合成體咁，而唔係係咩工廠大廈，樓下環境感覺會舒服啲，點知我心急得濟去覓食，去到發現原來一點鐘先開，於是店員叫我出面等到答正先入！夏天既正午好熱呀！想喊！！好彩就唔係等左好耐姐！終於入得去坐，餐廳剛開門，已經播緊令人覺得好輕鬆愉快既韓歌，店內裝修挺舒適，有冷氣加情調吊燈和舊式典雅的吊扇！餐廳有約二十個位置，有四五名年輕員工在工作，有仲活力的感覺！這邊是有個自助調味及自助倒水區，我建議一定要去拎番杯水飲下，咁先可以嚐試到食物既真正味道！雖然平時返工慣左好晏先食飯，但今日難得咁好放假唔好曬啦，飽住咁都叫下個慕茶all day breakfast同伯爵茶朱古力試下先，唔好晒左一日咁舒服自在既假期嘛！呢度音樂好柔和，俾人感覺好relax，坐得更自在開懷，雖然開門一陣已經坐滿9成客了，估唔到啲人都幾識食喎，咁旺場既？！  也許是因為星期六既關係呱！返工都返到唔知今日原來係星期六tim   伯爵茶凍

其實，除了返工，BeautySearch 甚少踏足觀塘區，不過，早前的周六，因為要出席首映活動，於是，又來到觀塘了！難得到來，當然要吃些平時無機會吃的東西喔！最後，我揀了一間名叫「慕茶」的樓上舖。為何？其實，之前一直聽聞這裡的Gelato好特別，以不同的茶來製作，好吸引，一直都想來這兒試試，可惜返工地點與時間都不能配合，一直苦無機會，這次當然要把握機會啦！聽說「慕茶」是由四位 80 後女生開設，是一間結合 Cafe 和舉辦自製雪糕興趣班的本地雪糕小店，在內地有相熟供應茶商入手靚貨，所以她們想到創作出少糖健康的意式茶味雪糕及雪葩，全部都是本地製作。店子設計，以柔和的綠色為主，搭配了淺色的木桌椅，並以白色及小擺設作點綴，一看便知是女生的心思，滿室充滿少女的感覺，坐在這裡，令人非常舒服！就如回到學生時代，放學後與好友在小店中詳談軼事、喋喋不休，令人不想回家的感覺！由於當日是周末，還未吃早餐 BeautySearch便來到這兒，所以，品嚐我最愛慕的Gelato之前，先來嚐嚐這裡的 ALL DAY BREAKFAST，賣相不錯，而且材料亦相當豐富，兩隻太陽蛋、薯餅、蕃茄、粟米沙律，還有心型腸仔。