慢煮屋 (Moved) New Location

兩三年前住附近都食過幾次覺得幾好味今日嚟開觀塘又再嚟試下個湯係我本身唔鍾意嘅南瓜湯 好有南瓜同蔬菜味加錢加咗舊鵝肝 煎到好好 個面焦香入面夠滑牛肉好juicy 加埋流心蛋同飯食一流不過碗飯好多 我諗有兩碗細飯碗 下次會叫少飯小羊柳係冬季限定 又係好juicy好有羊味我覺得好嘅嘢係佢唔係配孜然粉 因為好多地方食羊肉都係落孜然粉呢個食到羊本肉嘅甜味 怕騷味就應該唔啱食溏心蛋都整得好好 隻蛋好入味 蛋黃好濃厚煙燻雞翼都幾好味但唔係好feel到煙燻 似普通煎雞翼多啲不過都煎得幾好 入面啱啱好熟透呢餐唯一麻麻就係呢個布甸燒蛋糕體唔夠濕同埋太厚 搶咗布甸啲味布甸唔夠奶味同唔夠滑 好似燉蛋咁優點係唔會太甜 $18嚟講都算ok埋單兩個人$344不過我真係唔鐘意嚟觀塘 駱駝漆仲要等lift等到傻 如果唔係開喺呢到 我會成日嚟食😂

係TY 介紹，之前因為疫情關係，所以特登嚟到呢間「慢煮屋」只係得take away ,返到屋企打開食覺得好麻麻，所以當依家有得當食之後就想去多一次，睇下係咪因為外賣返到屋企先唔好食，今次我都係叫返「慢煮火焰牛腹扒丼」、「照燒慢煮鳥肉芝士爆丼」加左$25 加多舊鵝肝，覺得舊鵝肝煎係唔夠香，入面仲係淋淋地，「慢煮火焰牛腹扒丼」$88 d 飯汁比較小，d飯好似一舊舊咁，牛肉都還可以，但d飯就麻麻地，另外「照燒慢煮鳥肉芝士爆丼」$68 ，都算唔錯既。而加左$20 鮮菠蘿乳酸特飲 ，都唔錯既，佢係整定一枝枝。

慢煮屋🏠慢煮火炙牛腹扒丼💲8️⃣8️⃣望個樣食慾已經大增 我哋兩個前世同牛有仇 黎到慢煮屋又點會放過牛牛😈 牛腹扒上面淋上特調嘅醬汁再加埋隻溫泉蛋撈飯一流 但係可能個牛腹比較厚身嘅關係 所以好難咀嚼 咬到肌肉都出埋嚟🤦🏼‍♀️慢煮三文魚配牛油果丼🥑💲8️⃣2️⃣佢有滿滿嘅三文魚同埋牛油果 仲會有塊檸檬俾你 再加埋火龍果一齊食嘅時候一啲都唔奇怪 有一種好清新嘅感覺 🤩隻溫泉蛋係精粹 係靈魂 望住啲蛋汁流落嚟果下真係好治療 個三文魚唔係煮到全熟 係梗梗熟嘅狀態 所以食落好滑 佢個樣雖然睇落好似好清淡 但係因為佢本身有醬油喺面 所以食落去啱啱好👍🏻慢煮火炙牛腹扒蕎麥麵(清湯)💲8️⃣8️⃣個蕎麥麵清清淡淡 有好香嘅醬油同麥味 佢仲有啲冬菇喺面 而隻糖心蛋就唔使多講 好好食😭配合牛腹一齊食 令成個味道都昇華咗 佢呢個牛腹係薄切 同埋比較生 你可以見到仲有血水係個碟到 但係就會比起個牛腹扒丼更腍更容易咬 (個人覺得好食D😂)<><> <><> <><> <><> <><

好少去觀塘食野，朋友仔話想食呢間咁就去試下啦🤤因為一早bk左位，所以唔洗等就入得去lu😙我地4個人都叫左同一樣野食，叫左慢煮火炙牛腹扒丼，本身叫既時候，有兩個揀左多飯，一個多汁，一個走葱，但黎到就全部一樣，應該全部都係最基本咁樣。先講講外表，牛腹扒鋪係飯面，中間再加隻温泉蛋，再有少少黑椒同炸蒜喺面，影相都幾靚既。👍🏼至於味道上，本身其實食野唔算鹹，但呢個飯就真係相當淡，就算加埋牛一齊食啲飯，但會覺得淡味，朋友表示，食到最後好似得白飯，所以可能係醬汁落得太少了🙁而牛腹扒方面，睇落有少少紅，但食落唔算生，還好吧

幫襯勁買💛Homekitchen 慢煮屋🌡@homekitchenkt***「防疫震撼價」同堂食優惠係4月8號完結，但外賣自取優惠會繼續做到恢復晚市堂食🥹 ***工廠大廈臥虎藏龍，有好多性價比高嘅隱世美食🏭 而駱駝漆大廈更係集中之地🐪所以係地下成日都排長龍等𨋢⌚️餐廳顧名思義主打慢煮🔋「慢煮」嘅基本原理係以攝氏50至80度嘅低溫烹煮食物，係維持特定的溫度下、穩定緩慢咁加熱至熟，標榜更完整咁保留食材嘅細胞結構🧬 令肉類保留最多肉汁🚿避免水分蒸發同埋維他命B雜及維他命C等流失💊正正因為個煮法比較複雜，所以通常定價都偏高，但係呢到竟然60蚊左右就有交易，仲要所有丼飯都包一碗麵豉湯🤩外賣有防疫震撼價，九款主食都有$13-$23嘅優惠，仲可以以優惠價加飲品，例如檸檬蜂蜜薏米水🍯 而堂食主食第二份半價，係任何一款都可以！猶豫咗好耐因為外賣同堂食都有優惠🥲店員話建議堂食，因為始終熱辣辣食好啲♨️慢煮火炙牛腹扒丼🥩一塊塊粉嫩嘅牛腹扒鋪滿丼飯，配埋溫泉蛋，燒烤汁同黑椒調味🧂肉嘅份量幾多，肉質滑嫩🥩不過就唔算好重牛味，但以呢個價錢黎講，算係好抵食💲照燒慢煮鳥肉芝士爆丼🧀鳥肉原來係成隻大雞髀，對於懶人黎講如果

🥑 慢煮三文魚配牛油果丼 $82💯 評分：🌕🌕🌕🌕🌕 (5/5)💬 慢煮三文魚外面燒得焦脆，裡面仲係刺身，入口即溶又冇腥味。牛油果都夠軟滑，有車厘茄、火龍果同檸檬，酸酸甜甜幾開胃。溫泉蛋啲蛋汁撈落珍珠米飯度冇得輸，口感濕潤豐富有層次，食完個丼超級滿足！🤤🥣 是日餐湯💯 評分：🌕🌕🌕🌕🌑 (4/5)💬 全部丼飯都跟一碗是日餐湯，入面除咗有豆腐、紅蘿蔔、海帶芽之外仲落咗薏米，足料暖胃又解渴！😌🍝 未來野菜拌麵 $78💯 評分：🌕🌕🌕🌕🌕 (5/5)💬 拌麵賣相好吸引，令人唔捨得撈勻佢，味道當然都唔錯。最特別係未來野菜，紫色嘅係紫薯餅，仲有釀咗芋泥、芝士等嘅冬菇同白蘿蔔，食落香口惹味，驚喜又有心思！😋慢煮火炙牛腹扒丼 $88💯 評分：🌕🌕🌕🌕🌑 (4/5)💬 叫咗呢份外賣返屋企，質素亦都相當有水準。火炙牛腹扒大概5-7成熟，肉質鮮嫩多汁，食到醬之餘牛味依然十分濃郁。飯量本身已經非常充足，仲有得免費加實在好有良心！😍話說有作去食嘅時候太心急PK，店員知道之後好貼心咁幫手落單、斟水同攞牙簽，真係人情味滿分！加上食物落足心機製作好好味，係值得大家支持嘅黃色商家，有機會去觀塘再幫襯～👍🏻

星期日下午2、3點去到直接就有位我地兩個人都叫咗慢煮牛腹扒丼再加一枝檸檬柚子紅茶丼飯上面有一隻熟度剛好嘅溫泉蛋撈埋個飯食就啱啱好牛肉味濃但略嫌少韌和份量較少慢煮火炙牛腹扒丼($88)檸檬柚子紅茶用新鮮檸檬加上柚子甜度剛剛好食完牛肉再飲啱啱好

搵食乜午餐時見到呢間餐廳, 見到d 相太吸引喇, 所以就去試吓。傳統工廈餐廳, 無華麗嘅門面/ 環境。枱比較細張, 而枱與枱之間亦無乜間距, 所以感覺會有少少壓迫。🥢秘製醬汁燒豚肉丼 (配麵豉湯)落單時可以選擇多/走蔥, 多/少汁, 多/少飯, 對呢個窩心自主嘅做法滿心期待, 結果其實同無揀多汁嘅朋友係一樣, 有少少失望… 燒豚肉比想像中肥膩, 而且口感似中式燒豬腩肉, 唔係日式嘅味道… 不過溫泉蛋煮得剛剛好, 加落d 飯度係好食的。🥢慢煮火炙牛腹扒丼 (配麵豉湯)慢煮牛通常都會好軟腍, 不過呢個慢煮牛腹扒就做唔到呢個口感, 有少少乾同鞋, 都係令人有少少失望。食物賣相真係好靚, 不過整體食物質素同性價比唔太高, 所以都未必會再去食。

ғᴏᴏᴅɪᴇ ᴛɪᴍᴇ 今次就食咗慢煮屋💛佢既飯同汁都可以免費加😆大食既朋友都唔驚！蔥都可以揀多啲，但係我揀咗都唔太覺多咗🤣慢煮火炙牛腹扒丼($88)牛既份量都幾多，仲有隻流心蛋可以加埋一齊食😆牛肉大概7-8成熟，唔會好淋但係都唔韌，不過如果可以有多啲牛味就好啦🤪啲醬汁味道一般，唔算好出色🙈鹽麴慢煮雞胸肉蕎麥冷麵($68)有成五塊雞胸肉，之前睇過有人介紹話好嫩，其實都真係幾嫩🤤不過可能有啲期望過高😆再個流心蛋真係好正，蛋味好香濃，有啲涷涷地咁，配埋冷麵好好食🥰冷麵既份量都好足夠！整體黎講都唔錯！環境都幾舒服😌

又一間工廈餐廳仲要係黃店🙈主打慢煮菜式 價錢仲要好親民😛平時d野食一有慢煮呢個term就升價一倍🤯黎過呢度幾次啦~🥩慢煮火炙牛腹扒丼 $88賣相好吸引😂牛肉7成熟仲係紅紅地 不過肉質偏向比較難咬開(可能因為佢仲係生生地)但肉汁好多 個sauce同溫泉蛋撈飯都好正🤪🐔鹽麴慢煮雞胸蕎麥冷麵 $68呢個有驚喜 雞胸完全唔鞋 舊舊都好厚身好彈牙 個汁好清新 冷面仲有wasabi同薑蓉撈埋一齊食 夏天食好涼爽岩晒😛不過我麻麻地溫泉蛋個個醬😖🐟🥑慢煮三文魚配牛油果丼 $82味道較淡既一款 三文魚同牛油果不嬲都好夾😍三文魚入口即溶 好嫩滑~佢仲有火龍果😂覺得有dd奇怪🙈

終於食到觀塘嘅慢煮屋啦 相信附近嘅打工仔都唔會陌生啦位於駱駝漆三期11樓 主打慢煮日式飯麵雖然環境有啲迫 但好多食過嘅朋友都大讚質素好好lunch hour成日都full house 仲可以免費加飯加汁等 非常親民.1️⃣ 慢煮火炙牛腹扒丼（$88）外賣都排得咁靚 好有誠意👍🏻肉量亦好驚喜 相信係比足一塊牛腹扒嘅量大約三至五成熟 肉質軟嫩易咬 亦唔怕太頂胃牛味香濃 邊位火炙嘅煙燻感加埋照燒汁令牛肉惹味度倍增面頭仲鋪左胡椒同炸蒜 味道嘅層次感更加豐富.2️⃣ 慢煮三文魚配牛油果丼（$82）大概有6-7舊三文魚粒 非常足料煮到三成熟 外層微脆內裏柔軟 食落有油脂香檸檬汁中和三文魚嘅腥味同膩感 亦令人更開胃牛油果大約係半個嘅份量 切成塊方便拌飯熟成度啱啱好 唔會太生或者太溶溫泉蛋整得好靚仔 伴有日式醬油加埋蟹籽 食落充滿鹹香另外仲有火龍果同蕃茄做配菜 為個飯增加鮮味

Bookmark 咗依間慢煮屋好耐‼️終於搵到時間試吓🤩🤩坐低見每枱都有搓手液💦紙巾🧻同餐具🥢點餐後就係自助吧斟咗杯熱水🫖仲有檸檬水🍋同紅茶可以揀🤩太貼心啦💛紙巾盒仲特別介紹咗餐品嘅食法🤓同埋可以叫店員加汁🤤🤤好正店員火速送上熱辣辣嘅飯同湯🤩🤩麵豉湯有蘿蔔同油豆腐🥣唔會過鹹而且蘿蔔夠冧🥄主角慢煮火炙牛腹扒丼🤩第一眼睇到就想嘩出聲🤭牛腹肉份量十足🤩完全睇唔到白飯🍚配上煮得啱啱好吧溫泉蛋🥚香蔥🌱炸蒜粒🧄再淋上唔會太鹹嘅醬汁💯簡直係完美🤤🤤蒜粒比蒜片更加唔會搶走主角牛腹肉嘅味道👍🏻蛋黃加上醬汁送飯一流🥢牛肉偏瘦未到入口即溶但冧身帶咬口🥩白飯份量偏多所以店主提供加汁服務實在太好🤓有機會要黎再試其他出品😋😋😋

-今次去觀塘搵到依間人氣黃店，一到Lunch時間就大排長龍～ -慢煮火炙牛腹扒丼❤️（$88）賣相真係好吸引😋牛腹扒鋪滿係飯面😍份量都幾多❤️見到牛腹扒粉嫩的色澤就流曬口水٩(๑❛ᴗ❛๑)۶仲有一隻溫泉蛋係中間～食之前先拮穿溫泉蛋(•̀ᴗ•́)و再將醬汁，烤蒜，蔥，溫泉蛋和牛腹扒撈埋一齊(*´◒`*)牛腹扒口感嫩滑😍配埋醬汁咁食真係好好味，好開胃，個人覺得幾岩的胃口(*'▽'*)-慢煮三文魚配牛油果丼💚（$82）五顏六色的丼飯💓見到都好想食(*^▽^*)材料好豐富，有火龍果，蕃茄仔，三文魚，溫泉蛋，牛油果🥑紫菜，蔥花等等～三文魚好大舊😝口感不算好鞋，不算乾～食落都不錯，幾Fresh😎口感豐富🤩-PS 每個丼飯都會配是日餐湯而且仲可以按照自己喜好選擇💕（走/多蔥，少/多汁，少/多飯）大食的朋友一定會食得飽～-Name🏠: 慢煮屋Home KitchenLocation📌: 觀塘開源道60號駱駝漆大廈3期11樓G室（港鐵觀塘站 B1 出口, 步行約3分鐘）價錢💰: 慢煮火炙牛腹扒丼（$88），慢煮三文魚配牛油果丼（$82）

駱駝漆呢到有好多小店，今次試咗一直都幾多人推既慢煮屋。由於堂食令既關係，上到去都十分冷清，外賣自取會再有9折優惠。照燒慢煮鳥肉芝士爆丼 原價$68呢個性價比幾高，多汁同啲雞肉食落都juicy，加上啲芝士同溫泉蛋撈飯，我覺得唔錯。慢煮火炙牛腹扒丼 原價$88呢個又係汁同溫泉蛋撈飯已經幾好食，不過牛肉就火炙完再淋咗汁，我外賣又焗住咗一陣，所以食唔到火炙過既香。不過以上兩個飯有共同問題就係雞肉同牛肉都係冇乜肉味。牛腹扒其實直係食唔到啲咩牛味，雞肉都係，係靠口感同醬汁。我覺得係呢方面有小小進步空間，總括黎講都幾好味既。

一直bookmark呢間主要食日式丼的餐廳🤩終於有機會食到✌🏼-📌慢煮火炙牛腹扒丼 $88牛肉色澤好靚🤩仲有隻溫泉蛋 整個賣相已經唔錯～試食咗友人一片牛肉 肉味都幾香 不過肉質有少許韌 始終只係食咗一塊 有機會係個別事件 但可以比大家做參考😌📌日式銀雪魚西京燒定食 $88一般喺日本餐廳點西京燒都要$100起跳 但呢到$90有找就一試😋😋 魚柳size比我想像中大份 配飯食係啱啱好 不過定食有個敗筆係個醬汁一早淋咗係飯上面 如果醬汁可以另上 客人可以按自己口味加多加少醬汁 令到味道平衡啲 唔會愈食愈鹹 😎定食所包嘅沙律都幾好味 好refreshing 麵豉湯味道正常😋-整體嚟講餐廳性價比都高 有啲細微位如果可以改善就好🥳