반찬앤쿡 Banchan and Cook (太古城中心)

Open Now

Now Closed

在太古shopping後想去間舒適一點的餐廳坐下食飯，就去了這間area幾大的餐廳。8點左右好多人在等位，店員會儘快安排座位。這間是自助形式的，去櫃檯點好餐後就可以回位子等食物。個人幾鍾意他們的韓式炸雞（無骨半份），炸雞好濃香蜜糖味，醬料幾好食，甜甜香香的幾特別。另外薯條都幾脆～想不到餐廳的慢煮羊膝配薯條也幾出色，原個蒜頭整到好香，慢煮羊膝頗大份的，肉質淋香入味。慢煮雞胸蛋包飯的蛋包飯的確幾治癒，蛋滑香濃味，還有軟香的雞肉。此外，海鮮年糕都不錯，最喜歡個海鮮醬料，軟香年糕配上滋味醬料的確不錯。巴斯克芝士蛋糕看起來非常吸引，甜度剛剛好，還有旁邊的滋味紅豆。另外點了2款梳打甜度都適中，而且賣相fancy！特別鍾意盛夏白桃梳打，白桃味香配上cream，幾滋味。

今日同阿仔去太古城約fd Lunch, 特登揀左間比較開揚嘅餐廳, 用消費券黎講梗係要食餐勁gei✌🏻, 所以睇menu主動skip左所有dollar sign.🍽 慢煮雞胸蛋包飯 (HKD105)抵食>> 估唔到個蛋”包”咁漲卜卜, 切開就係好滑嘅炒蛋, 飯底用珍珠米炒到勁均勻, 慢煮嘅雞胸厚切好嫩, 個香菇忌廉汁夠哂creamy, portion認真大份.🍽慢煮羊膝配薯條 (HKD165)超誇張的😮原來咁大舊羊膝, 羊肉切極都仲有gei🤣, OK易切肉味夠香而且1D都唔羶, 慢煮嘅肉質完全唔韌👍🏻. 伴碟個舊原隻蒜頭🧄唔怕口氣真係可以食埋.🐔芝士無骨炸雞 (HKD108/半份)開心share必食, 新鮮炸起十分脆口, 雞肉嫩滑, 除左好多件炸雞仲有好幾條煙韌韓國年糕同脆脆粗薯條, 兩碟醬差d唔夠dip添🤤.🍰手工巴斯克芝士蛋糕 (HKD45)飯後Dessert.🍹一人一杯呃Like Drink之: 盛夏白桃梳打- 正!!!! 好重桃味嘅梳打, 加上真桃肉面頭唧層cream, 又ig able又好飲; 紅豆鮮奶- Li杯紅豆鮮奶同蛋糕隔離個啖紅豆都好靚好好味.

太古城美食眾多，成日都因為食嘢而攪到頭都大埋。今日我就揀咗太古城廣場二期嘅Banchan & Cook。餐廳環境舒適、地方都闊落。落單取餐等需環自行到櫃枱處理。慢煮雞胸蛋包飯，蛋非常有動感，中間𠝹開後，半熟嘅蛋汁從內流出，未食都流哂口水。慢煮雞胸非常嫩滑，再配上忌廉蘑菇汁，即個蛋包飯相當完滿。韓式牛扒三文治，厚一厚嘅牛扒，夾哂脆卜卜嘅包之間，口感一流。牛扒唔韌、而且牛味香濃。配返沙律菜，平均返營養需求。甜辣無骨炸雞，除咗炸雞，仲有薯條同年糕。雖然提供咗兩款醬汁，但炸雞本身已有甜甜辣辣嘅味道，所以唔點醬都好好味。手工巴斯克芝士蛋糕，甜品介嘅新星，近年最熱門嘅甜品。Banchan & Cook 嘅手工巴斯克芝士蛋糕芝士都夠香濃、只係略嫌唔夠實淨。玫瑰紅桑子沙冰，即使打成沙冰，都依然飲到玫瑰花味。紅桑子味都好突出。荔枝檸檬沙冰，唔知點解會係藍綠色。不過好有荔枝同檸檬嘅味道。一酸一甜，但撞得好平衡。

之前都試過時代廣場既分店，今日要ot就試埋太古城分店，太古站E1出口應該最近，7點幾黎到等左幾分鐘就有位。上次叫左泡菜五花肉蛋包飯，今次就試下個慢煮雞胸蛋包飯 ($105)。佢既雞胸肉一啲都唔諧，相信係因為慢煮既關係，雞胸肉都可以變得鮮嫩多汁。呢個飯配上忌廉蘑菇汁，鮮甜但係唔會太油膩，同炒蛋既味道非常match。炒蛋半生熟狀態，滑口而且份量夠大份。炒飯用小小茄汁調味，夠晒開胃。甜辣韓式炸雞(無骨半份) $108甜酸炸雞口感清爽，一點都不油膩，沒有因為太多糖漿而痴口的感覺。附送既薯條薯仔味都好重，炸得夠脆，仲要送埋年糕。韓式牛扒三文治(2件) $188牛扒非常肥美，不過感覺多左小小筋位，但都不失佢既風味，而且非常多配料，似係紅菜頭、南瓜同薯仔粒。烤朱古力棉花糖 $78係溶左嘅棉花糖加上朱古力醬，如果無咁甜就更好，而且個底有好多似係花生糖碎做配搭。焦糖脆脆鮮奶咖啡(凍) $48有鮮奶咖啡嘅味道之餘仲帶出焦糖脆脆既甜味，對於喜歡焦糖脆脆嘅我覺得非常好飲。玫瑰紅桑子沙冰 $48清爽鮮甜，口味清新，唔係用化學果汁溝出黎，用貨真價實既水果鮮榨。呢度係坐低咗之後出去叫嘢食，同埋自己出去攞第一轉食物，

星期五晚同朋友預祝生日飯，佢指定要食呢間餐廳。我地叫左韓式牛肉三文治、慢煮雞胸蛋包飯、甜辣無骨炸雞、烤朱古力棉花糖、荔枝檸檬沙冰、士多啤梨紅桑子梳打。韓式牛肉三文治伴碟有唔少沙律: 南瓜、紅菜頭、薯仔等，三文治烘得剛好，牛肉唔韌。慢煮雞胸蛋包飯蛋包飯一切蛋醬即刻流晒出黎，十分治癒。雞胸唔會鞋口，份量都幾多，唔錯。甜辣無骨炸雞(無骨半份)半份都幾大碟，除左有啖啖肉既雞之外，仲有年糕同薯條，十分邪惡。烤朱古力棉花糖賣相吸睛，上面有烤棉花糖，搭配消化餅碎同朱古力醬，一齊分享最正。飲品叫左荔枝檸檬沙冰($48)、士多啤梨紅桑子梳打($42)，顏色幾靚。