雞翼山 (T.O.P This is Our Place)

Open Now

Now Closed

好既美食真係需要時間等待，落完單預返10-15分鐘左右就有得拎🕒，雞翼迷唔好錯過呢個品牌😋。✨黑松露蒜香武士（$38）黑松露味道香而濃，配上紫菜，口味上多咗一種層次。✨港式避風塘蒜香（$38）表面滿佈炸蒜和辣椒，咬落去肉汁鮮嫩，鐘意食辣既人唔好錯過。✨鼠尾草鹹蛋黃哥（$38）超級邪惡！雞翼外皮融合咗厚厚既鹹蛋黃醬，鹹香得嚟會食到少許鼠尾草既香味。✨我係鹹檸七（$38）開胃之選！鹹檸味道幾重，檸檬既酸味提神，相當有特色。

去咗旅行個幾星期，日日都係食薯條同漢堡，而家見到呢2樣野都怕怕🙈反而喺外國一隻雞翼都冇食，返到香港一次過食返補數🤤一共有9款雞翼可以揀，我地揀咗4款，分別係文青風玫瑰、我係鹹檸七、黑松露蒜香武士同埋鼠尾草鹹蛋黃哥。個人覺得文青風玫瑰最吸引，雞翼比蜜糖包住，上面仲有乾玫瑰花瓣，睇落靚食落又好味~朋友係鹹蛋控，鍾情鼠尾草鹹蛋黃哥。雞翼上面既鹹蛋黃漿有唔少鹹蛋黃碎，裏面既雞翼皮脆肉嫩。食我係鹹檸七之前有d擔心味道會怪怪地，但冇諗過雞翼同鹹檸七係可以咁夾，d雞肉鹹鹹地幾特別。黑松露蒜香武士既松露香好突出，但食落就重蒜香味，感覺有趣😃最後飲埋水蜜桃粒粒甜果茶

旺角TOP商場地下開嘅呢間雞翼山，近排超hit，想試好耐了，今日有幸得到美女嘅陪伴，同我一齊去叫雞食🤤呢到嘅雞翼口味各有特色，心大心細之下，我哋決定叫其中4款嚟試吓，所以我哋叫咗12件+1杯飲品 $118 再加多4件 $38。01 文青風玫瑰 我嘛嘛哋玫瑰味，但係都好鍾意食呢一款，雞翼面頭鋪滿糖漿，加上玫瑰花嘅清香，出奇地夾，甜甜的💕02 我係鹹檸七 好地道嘅一款口味，鹹鹹哋，加埋少少檸檬嘅酸，夠開胃！04 港式避風塘蒜香 一睇賣相唔嘢少，勁多蒜啊！雞翼外皮脆脆哋，加埋啲蒜，有咬口之餘，又夠惹味，超推！06 檸香山葵蟹籽 呢款好特別，淡淡嘅山葵味，再加上帶有鮮味嘅蟹籽，口感亦夠哂豐富。水蜜桃粒粒甜果茶 有粒粒果肉喺底，真材實料，飲落亦唔會過甜，食完熱辣辣嘅雞翼，飲返杯清甜果茶作結，超正！唔駛加一，埋單2人約$160。如果你鍾意睇我嘅食評，不妨關注我，支持吓我，謝謝你☺️💕

雞翼，你同我都食得多🤭但係你又未必估到有咁多唔同嘅味😆今日和朋友飯後有點心癢癢，想吃一點點小吃，到旺角見到一間店名十分可愛嘅小店—雞翼山。決定一試🤪我們點了4款不同的雞翼，全部口味都十分特別，肉質可以保持到滑而外皮十分香脆！確是他們掌握到雞翼的烹調時間。四款本人最欣賞鼠尾草鹹蛋黃哥及港呢D友情萬歲檸茶。鹹蛋黃味道十足，好香，而且有起沙口感，加上外皮酥脆口感。令人一試難忘👍🏼而檸檬茶口味，一聽名稱已經覺創意。一試果然沒令我失望！一入口先有一點點檸檬清香及微酸令人胃口大開。再吃竟有淡淡的茶香味滲出！十分有層次👍🏼推薦！

之前知道佢喺紅磡已經想食㗎啦！但係因為懶嘅關係所以冇食到。今次終於開到嚟旺角啦！鋪頭裝修以簡約嘅粉紅色同白色為主～係少女嘅感覺呀💗雞翼嘅味道有辣有唔辣，任君選擇！🤭🤭🤭我係雞翼狂迷，今次特登lunch都唔食同男主角走來試下😬😬一共order左四款～因為全部都係即叫即整，可能等嘅時間會有啲長！一個店員負責炸雞翼，另一個店員就負責將調味料同雞翼mixmix😊《文青風玫瑰🌹》店長推介點都要試吓！平時嘅蜜糖燒雞翼都已經好好食今次應該係用咗玫瑰蜜糖去整～成個感覺會比較sweet🌹《我係鹹檸七》鹹檸感覺做得幾好，入口先帶酸，食食下甜味會開始浮現出來～《港式避風塘蒜香》雞翼本身炸過，而且加埋炸蒜去炒會令到成件事好香！好似食緊大排檔嘅避風塘炒野咁🤤🤤《火辣辣仔仔冬陰》味道真係超泰式，好酸而且有少少辣！醬汁入面仲有啲香茅味道！重口味者must try🤭整體感覺：佢哋嘅雞翼味道全部都做得好到位！而且雞肉外脆內滑 又多汁👍🏻👍🏻👍🏻