廈門風味阿珠小吃店 (Closed)

大約半年前已曾幫襯過，自此對半煎煮魚念念不忘。今次一如既往，店舖一營業便立即入座，因愈接近中午一點，便要等位。今次繼續要點了半煎煮魚，共有８條約６寸長的魚，先煎再以汁煮，味道剛剛好，非常惹味。再點了扁食湯，扁食，即是小雲吞，一口一啖；廈門肉糭是廈門特色食品，但今次口感有點怪，告之老闆有點酸，他說可能是因為栗子影響了。沙茶麵是必點之選，怕辣的可揀清湯。蝦米仔蒜蓉炒芥菜稍咸，但亦可以接受。順帶一提，可以外賣生料，選擇也頗多。唯一缺點，小店面積不大，地方有點擠，每當有等待的客人，老闆便心急詢問是否食完，有趕客之感。

香港通街都係美食，基本上世界各地既菜式都有機會品嚐到，而我地正正係中國既一部份，當然有更加多唔同地方的特式食品。而有地道福建食物食既地方就一定唔多，土瓜灣正正就有一間，叫廈門風味小食 – 阿珠小店。這裡地方唔大，只有五六張四人枱，食物款式都不是太多選擇，不過就是貴精不貴多，專注做他們福建特式小食，如廈門春卷，五香卷等等。這裡有一些特別食材，要由廈門訂購回來，如土荀凍及廈門章魚等等，實在不時不食，不時令不食。今次叫了多款小食，令我印象最深刻的莫過於土荀凍，聽個名字，大家可能覺得唔太特別，只是一個蔬菜啫喱的食物，但係其實好多人都未必敢食，因為土荀凍是由沙虫做出黎。沙虫清理好後，加湯煮，之後雪成一舊舊。雖然材料嚇人，可是味道卻一流，味道鮮甜，爽口彈牙，加上少少甜辣醬，配上自家醃的酸蘿蔔，回味無窮。而且這道小食對想試食虫的人，更加是入門版。食完嚇人既冷凍小食後，叫了好多炸物，五香卷味道好好，香脆可口，內裡是包有豬肉、馬蹄和冬菇等等，好香五香味，並沾上甜辣醬來提味，更加好食。炸大腸雖然只是普通炸物，可是炸得外層鬆化，內裡軟熟，再配上伴碟既酸蘿蔔，沾上甜辣醬，真係好食得不得了。另外叫了兩個餐，一個