三小漁 (Renamed) View

好耐冇外出晚膳了，這次應友人邀請，到這店晚餐。一出 lift 就係，地方都頗大，座位都夠寬敞、舒適。以為是一間普通的中菜館，沒想到D 菜式咁有特色 見鄰桌大部分都點了「冰鎮咕嚕肉」，店員又推介「口水西瓜」，但因「口水西瓜」有D 辣，所以我們只點了「手作糖山冰鎮咕嚕肉」、「干煎鮮沙薑走地雞」及「黑松露瑤柱蛋白炒飯」。手作糖山冰鎮咕嚕肉，賣相很美！色彩配搭得好好，再望得仔細D，原來隻碟是魚狀 咕嚕肉皮脆肉嫩，再放在冰上，口感層次更豐富！再配上新鮮的菠蘿，酸酸甜甜，非常開胃 難怪差不多枱枱都點！干煎鮮沙薑走地雞，賣相雖然不算特別，但雞肉都肉質嫩滑，夠惹味！黑松露瑤柱蛋白炒飯，飯粒粒分明，黑松露味濃，看上去材料很簡單，卻又十分美味的一個炒飯 

幾個月前食過三小漁，對手作糖山冰鎮咕嚕肉極為深刻印象，好想再encore，所以同家人們再次幫襯！餐廳主打新派創新粤式小炒、多款海鮮、甜品和燉湯。餐廳裝修充滿中式的味道，牆身和掛簾都有三少漁標誌，座位寬敞舒適，服務員招呼有禮。手作糖山冰鎮咕嚕肉 $198冰鎮咕嚕肉係餐廳招牌菜之一，上桌非常吸晴。水晶設計的玻璃器皿乘載著诱明的冰粒、橙色的咕嚕肉和黃色的菠蘿。咕嚕肉入口清涼爽脆，菠蘿酸酸甜甜非常醒胃。椒鹽鮮鱿 $138鮮魷炸漿不厚，食落軟度適中兼彈牙，椒鹽鮮魷再點埋個配汁夠晒入味。蓮藕蜜椒骨 $138廚師薄切蓮藕再炸，食落口感脆卜卜，蜜糖椒骨炸到入口香脆鬆化。艇家醬香炒蜆 $128廚師用艇家醬、紅洋葱、辣椒和香葱炒蜆，香辣肥美的海蜆已用好吐沙處理，好野味。手拍芥末青瓜 $42這個小食青瓜份量都不少，長短厚薄適中，少辣，入口清爽。

收工同朋友食飯，係openrice見到呢間餐廳應該係新開無耐就試試佢😜一入餐廳，職員都有禮貌打招呼，每張枱都有適當既距離，唔會好貼近👍🏻坐底後職員都有介紹近期新菜式，不過唔係太岩食就只係叫左menu上既菜式。是日足料燉湯 $78，真係好足料！有羊肚菌、雞腳、竹絲雞、瘦肉、瑤柱，一飲落口好鮮味，但個湯亦唔油膩👍🏻👍🏻黑磚豆腐 $18/件同朋友見黑磚豆腐個名幾得意就叫左兩件黎試下，佢好好可以單件叫，就算少人去食都唔洗怕叫左一大碟會食唔晒👍🏻一咬落口好熱，都係即叫即炸，豆腐仍然非常滑唔會炸到好乾，不過炸皮就偏厚身，同埋味道上無乜特別。珍菌黃耳炒淮山 $138上菜既職員都有行埋黎介紹菜式，用咗唔同嘅菌類去炒淮山，尤其是相入面夾起個舊黃耳，職員話係非常珍貴而且健康😂而且成道菜用咗好少油炒。黃耳既口感食落去，唔似其他菌類嘅口感，佢反之有少少煙靭，不過我自己本身就偏重口味，覺得除咗羊肚菌本身有味道之外，都覺得淮山或者其他菌都冇乜味道🥲建議可以落返少少鹽去炒。酥炸蜂巢蠔餅 $138一上菜，份量大到嚇親🥲筷子一夾落去非常酥脆，蠔仔大小適中，唔會太細粒。但由於油炸關係，我地人少，食多幾件就覺得膩了，建議大

中環收工，朋友過黎搵我食飯，揀左間中菜食。餐廳唔算好大間，但裝修環境都幾靚個湯好多料，而且味道都好好，兩個人share都好夠飲👍👍👍呢個豆腐外皮脆卜卜，內裡豆腐好滑又軟綿綿，可以一件一件咁叫，$18一件。呢個蠔餅好大碟🤭🤭🤭炸到脆卜卜，唔算好油，蠔仔都幾大粒想揀反樣菜食，叫左珍菌黃耳炒淮山，清清地，店員同我地介紹當中有黃耳，係比較名貴嘅食材呢碟手作糖山冰鎮咕嚕肉，個擺盤打卡一流味道相當好，咕嚕肉仲係脆，凍冰冰咁食好正👍另外個菠蘿相當出色，完全冇渣，酸酸甜甜，超新鮮！店員服務好好，主動問我地d野食岩唔岩食，又同我地介紹菜式。同埋份量都好多，性價比幾高👍

星期天與家人在「三小漁」午飯，在用餐環境清雅悠閒下享用精緻美味佳餚。手作糖山冰鎮咕嚕肉~坊間咕嚕肉吃得多，如此擺設精緻仍首次見識，除了睇得，食味更佳，皮脆肉嫩甘香可口，甜酸味道得宜，配角的鮮菠蘿，鮮果味道使食欲倍增，亮麗的手作糖山非常吸引視覺，觸動我兒時的甜蜜回憶！胡椒湯年糕淮山泡蜆~十分新穎又和諧的配搭，濃香醇厚的胡椒上湯，沒有味精的鮮甜味道，也是家的味道，年糕與淮山吸收胡椒濃湯，平凡中突顯不平凡。金菊桃膠燉手工菊花豆腐~是甜美、滋潤和視覺享受的綜合甜品，廚師的細膩刀功，構成漂亮的活動圖畫，除了是我打卡的焦點，也是味覺、視覺享受！