蚊蚊豬老火鍋

Open Now

Now Closed

朋友話佢屋企附近早排開左間火鍋, 個鋪頭名幾得意想去試下, 咁我見打邊爐都無乜所謂, 當試下新野.豉油配料都有齊我要既野, 太好了!!(PS. 中間嗰支係蠔油)每人仲會有樽仔自家麻油同一塊圍巾. (影隔離枱的)事關朋友唔食得辣, 所以揀左個最清既雜菇湯底都幾香菇味.個蝦滑堅有蝦味, 因為入面有仲有唔少細蝦喺入面, 所以煮完都好有咬口.雲吞都有原隻鮮蝦, 味道就同普通平時食開差唔多.響鈴好鬆化, 而且浸完索哂啲湯好好味.牛頸脊夠哂薄, 好快就變色食得, 完全唔韌.最後叫左個稻亭烏冬做總結, 煙煙韌韌幾好味.

今日同老婆喺太子花墟行年宵，行完之後到處搵食，最後嚟咗呢間蚊蚊豬老火鍋店。呢度有兩層，地方舒適。最特別之處，係枱面擺放左每人一條圍裙同埋每人一瓶麻油。麻油啲店員話係麻辣鍋正宗嘅食法，可取代豉油。圍裙可以令到客人安心進食不用怕衣物整污糟，非常細心。湯底我哋叫咗個雙拼既，重慶活雞煲+招牌牛油紅湯鍋。雞煲食落雞肉嫩滑入味，不出幾分鐘我同老婆就食晒了牛油湯鍋牛油幾得意，整到成條魚咁一下子落去湯鍋到，望住佢慢慢溶晒，都幾過癮。食落既麻又夠辣，再配埋呢度每人一樽嘅麻油簡直天衣無縫。鮮蝦雲吞：大大隻蝦肉，蝦肉食落爽口彈牙，很正鴨血：平時食豬紅就食得多，鴨血就真係小食，估唔到原來鴨血個口感同味道都比豬紅好，好食到我哋叫左多一碟黎食。手切牛頸脊： 肥瘦均勻，肉質鮮嫩豬大腸：洗得好乾淨，食落爽口，不過老婆唔食內臟，搞到我一個人清晒總結，呢度嘅環境舒適，服務一流，湯底出色，嘢食新鮮，係一間值得一去再去嘅火鍋店。

凍冰冰最好就係打邊邊！朕就叫啲隨從Check下有邊間好野可以去食個痛快！有個隨從好快就應機，話太子有間四川蚊蚊豬老火煱一定要試下，於是朕就決定食佢隻蚊蚊豬！！！一坐低，店小二就放低左幾樽野同埋啲醬料，呢啲粗活就緊係隨從做啦，於是隨從就不斷溝溝溝，店小二就提示隨從記得加埋嗰樽野 － 麻油，無錯係麻油，仲要係一人一樽！除左麻油朕仲鍾意加啲醋，經過一輪瘋狂混醬之後，就緊係叫野食啦！正所謂貪心的人有褔了^。^叫湯底就緊係要雙拼啦！不過張紙仔既雙拼又唔係咁啱朕既胃口，於是就問下店小二可唔可以自己湯底自己拼，店小二話得，本來朕想試下呢度既牛油紅湯鍋，不過朕既隨從一個爛咀，一個喉嚨痛，一個又話生飛支！！！咁朕唯有叫個酸菜鮮豬什拼雞煲（小辣）啦！雙拼上枱，雞煲麻辣既香味撲住咁黎，而個汁食落夠麻加埋小小香辣，而雞件又夠香滑，而酸菜豬什酸酸地，十分開胃，再加埋碟毛肚同埋鮮雞腸夠哂豐富，又唔辣就最啱隨從們啦！跟住就係朕最鍾意既牛肉，朕就左手切牛頸脊同埋泡椒金菇肥牛卷， 手切牛頸脊肉味濃，而且又夠咬口朕既至愛，而泡椒金菇肥牛卷真係唔講得少，一上枱出哂煙咁（乾冰效果），仲有條泡椒成隻手指咁粗！隨從們大叫呢次飽囉

好耐冇約朋友出街食飯吹水，行經太子見到有間裝修得古式古香既火鍋店即管入去尋食試吓先坐低見d枱凳和餐具好有中國特式，而且每人有一罐麻油用來調味，還好細心每人有一條圍裙，等你唔會俾d湯汁和油彈到衫上首先選左湯底先，原來呢間係四川重慶火鍋本來想試吓招牌牛油紅湯窩，但我哋幾個都唔太食得辣所以選左鴛鴦湯底，火鍋配料就叫左：手切牛頸脊、泡椒金菇肥牛卷、窩筍玻璃腩卷、毛肚、豬大腸、墨魚滑、鮮蝦雲吞、蜂巢豆腐、脆鯇魚片、即炸響鈴、窩筍條、皇帝菜和鮮雞腸。另外，叫左個小食：青芥拍青瓜醫吓肚先青芥拍青瓜，大細適中，入囗清甜爽脆食食吓湯底送上，重慶雞煲，雞肉嫩滑入味，而且辣度適中，野味可囗至於，呢個酸菜豬什窩，味道居然辣過雞煲食得辣既可以叫呢個，都非常野味，裏面都有好多配料，酸菜酸尾尾，紅椒、黃椒、雞肶菇、蒜頭、豬大腸、豬粉腸、豬肚、豬皮和豬血，豬肚好爽、豬皮好淋入晒味、豬血好滑手切牛頸脊，牛肉味濃泡椒金菇肥牛卷，首先講講賣相信，侍應送上時，好似藝術品一樣，好靚食落好好味，金菇好爽、牛肉好鮮甜、泡椒首先食落酸酸哋，然後辣味漫漫滲出，辣度十足真係要食得辣先好叫或者食既時候唔食隻泡椒。窩筍玻璃腩卷，個賣相同泡椒