醉胡爐 (Moved) New Location

而家呢個時代係怪怪地，細個只會冬天先會打邊爐；而家天氣越來越熱，但又打得越來越密，唔熱嗰日都唔（想）打🤣今晚放工去左尖沙咀搵食，行行下去到差唔多尖東時見到有呢間醉胡爐，地方都好大下，而且一search佢都好多元化，集左串燒、火鍋同刺身於一身，咁總有一樣啱食啦掛😂一入到去見到門面都幾靚，而且有奶媽可以借，有D似深圳D中高檔餐廳😯店員帶我地去坐底，有卡位之餘，每枱其實都有partition隔著，私隱度好高啊🤤而且打邊爐別人的煙也不會飄過來，唔錯的設計👏🏼一坐低，店員都好細心介紹佢地唔同既menu，亦有推介如果刺身可以兩食，生食又得放鍋也可，不過我地兩丁人，都係等下次大party 再試啦🤷🏼‍♀️咁我地就睇火鍋。雖然兩個人，但我朋友又發瘟想食椰子雞鍋👯‍♀️😂咁就試下啦，由於鍋本身一定有雞，所以我地只再叫多兩三個餸就夠了。先來個椰子雞🐥鍋，個鍋身銅色又幾有feel🤗而且雞🐥椰子🥥蘿蔔🥕都好多料，店員會在你面前先煮起材料，原來之後會點火加酒! 難怪會有「醉」一字!😯🤓應該他們都是sell 醉鍋! 加了酒煮的雞好香，然後會再右整個椰青的汁🥥🥥下去做湯底!😄店員建議我們先飲了椰青湯，然後才開始食火鍋。

嘩！你睇下係閔大人謝東閔！嘩！係蘇民峰呀！唔知佢哋喺間房講咩呢？大家唔好以為我哋去咗TVB電視城，我哋只係去咗尖沙咀醉胡爐！明星都嚟嘅星級火鍋店！鮮椰青雞鍋店員先將鮮雞件、椰子肉、甘筍同杞子輕輕炒香，即刻聞到陣陣雞香味。之後，再加入Sake快煮半分鐘，火焰真係好吸睛，仲聞到淡淡嘅清酒味。之後再將原個新鮮椰青水同雞湯加入銅鍋，煮五分鐘。急不及待即刻飲一啖湯， 雞味香濃，仲有淡淡椰子味，非常清甜！雞肉厚肉彈牙，嫩滑多汁。飲咗湯，食咗雞，再加上上湯就可以打邊爐啦！醉爐豚拼盤醉爐豚拼盤有秘製蝴蝶腩、豬頸肉同西班牙黑毛豬豚肉。蝴蝶腩肉質軟腍；豬頸肉嫩滑彈牙；西班牙黑毛豬豚肉豬味最濃，正！手唧鮮魚蓉麵手唧鮮魚麵，有得食，又有得玩！魚肉味重，食得也出好足料！鮮淮山M佬至愛嘅鮮淮山，煮兩三分鐘就食得，健康之選！雜菌拼盤雜菌放落雞湯吸晒湯底嘅精華，無得彈！

男朋友想食火鍋？女朋友想食日本野？點解唔可以兩樣都食呢？今次去的呢間餐位於尖沙咀，如果係紅磡理工大學行10分鐘到就到架啦。今次除左叫左個龍蝦湯底去打邊爐外，更叫左少量日式料理。當中就會以做緊特價的法國時令生蠔作呢餐飯開始，生蠔鮮甜又厚肉，size仲要唔細tim！ 心底裏好想叫半打(笑)，不過都係留肚食火鍋為上策。另外，我們都叫了一些串燒，當中包括和牛舌心、黑豚肋肉及鹿兒島黑豚腩肉。三串串燒都燒得好香，當中我最推介的是黑豚肋肉。豚肉燒得非常香口，但入面唔會乾。到了火焰龍蝦海鮮湯出場了！職員先炒香龍蝦及蕃茄洋蔥等配料，然後加入少量的酒，令到配料直接用火炒熟。之後職員就加入超級超級超級濃郁的龍蝦湯，等個湯滾了後，大家就可以先飲碗湯，感受龍蝦的精華。特別一提，當火鍋湯底煲到就來無水時，職員係會再添龍蝦湯，讓龍蝦的精華不會流失。火鍋配料方面，我們叫了一份炸魚皮。魚皮炸得又鬆又脆，佢表面仲加了少許調味，令魚皮單食一樣掂。另外見到我OpenRice的師兄師姐推介芝心手打丸，所以我都叫咗一份芝心墨魚丸試下。果然墨魚滑夠彈牙，芝士又拉到絲，整體來講都唔錯。唯一要挑剔的係，粒丸再大粒d就好了。手工雲呑及水

女友喺佐敦放跳舞，諗住行下睇下有咩食。行到近尖東呢間鋪有得食日本野，再睇睇下又有埋火鍋，仲要做緊優惠。入到去，我地最後剩係揀左打邊爐，諗住食食下再睇下食啲咩串燒或者壽司，但最後已經好飽了。叫完野食，職員就會放醬油調味料上黎，款式都係大路野，所以都幾岩口味。同一時間會放埋個龍蝦海鮮鍋上黎，等我地整完兜豉油之後，職員會幫我地炒香啲海鮮，再落酒點火炒，香味撲鼻！然後會倒龍蝦湯一齊再滾下，龍蝦鮮味出哂黎。啖湯超好飲，同出面西餐廳飲既湯無分別，可以話更加好飲。有4隻大花蛤，好鮮甜。龍蝦已預先整過下啲殼，所以好易拆肉，當然隻蝦都好有肉食！魚皮即炸，非常鬆化。佢有黃金魚皮，不過唔想食太喊。水餃同雲吞（好似差唔多樣），皮夠哂薄，亦好足料。魚蓉麵，好少地方有得食，所以女友指明要食。始終係新鮮做，所以好難唔斷，不過味道搭救。牛肉拼盤有5款牛，剩係知牛舌同牛粒，其他牛剩係知好淋好軟，牛味好重，值得叫黎食！