醉胡爐 (Moved) New Location

女友喺佐敦放跳舞，諗住行下睇下有咩食。行到近尖東呢間鋪有得食日本野，再睇睇下又有埋火鍋，仲要做緊優惠。入到去，我地最後剩係揀左打邊爐，諗住食食下再睇下食啲咩串燒或者壽司，但最後已經好飽了。叫完野食，職員就會放醬油調味料上黎，款式都係大路野，所以都幾岩口味。同一時間會放埋個龍蝦海鮮鍋上黎，等我地整完兜豉油之後，職員會幫我地炒香啲海鮮，再落酒點火炒，香味撲鼻！然後會倒龍蝦湯一齊再滾下，龍蝦鮮味出哂黎。啖湯超好飲，同出面西餐廳飲既湯無分別，可以話更加好飲。有4隻大花蛤，好鮮甜。龍蝦已預先整過下啲殼，所以好易拆肉，當然隻蝦都好有肉食！魚皮即炸，非常鬆化。佢有黃金魚皮，不過唔想食太喊。水餃同雲吞（好似差唔多樣），皮夠哂薄，亦好足料。魚蓉麵，好少地方有得食，所以女友指明要食。始終係新鮮做，所以好難唔斷，不過味道搭救。牛肉拼盤有5款牛，剩係知牛舌同牛粒，其他牛剩係知好淋好軟，牛味好重，值得叫黎食！