Coti the Bistro (企業廣場)

Open Now

Now Closed

煎慢煮西冷配薯條沙律 $188我揀咗五成嘅西冷，肉質呈粉紅色，因為慢煮嘅關係所以呢切落去啱啱好，入口香濃牛肉味。仲有我最愛既粗薯條，炸得脆卜卜而且有薯味，整體唔錯慢煮64度溫泉蛋卡邦尼意粉 $88有菇、煙肉作為配料，香滑嘅忌廉汁再配上主角溫泉蛋，令口感更加滑溜，而濃郁嘅蛋汁提升咗意粉香味。提拉米蘇咖啡 $48香滑嘅芝士忌廉再配上谷古粉，將提拉米蘇作為咖啡嘅上半層，而下半層嘅咖啡係齋啡。整體唔會太甜，而且充滿着香濃嘅咖啡味，咖啡控一定會鍾意咖啡果皮茶配蜜糖 $52呢度嘅嘢飲都幾靚，靚靚既玻璃樽然後俾蜜糖你自己加落隻杯到。除咗充滿儀式感，仲可以自己調較返合適既甜度🥰入口充滿着果皮香味，再加上蜜糖嘅甜味，最後帶出淡淡的咖啡香。酸酸甜甜口味幾特別，值得推介手工巴斯克芝士蛋糕 $32芝士味香濃，質感柔滑，配埋旁邊淡忌廉平衡返個口感，身為一個芝士控表示呢個蛋糕好滿意🥰

約朋友到九龍灣食飯， 揀左企業廣場的Coti, 勝在唔使等位， 坐得舒適， 價錢又唔貴， 無人催我地走， 毫無壓力，夠曬chill。臨近萬聖節， 有新Menu, 我就揀左青檸芫荽蝦忌廉意粉（$78）夠曬熱，芫荽味唔重， 但都夠夠香味， 食落面條軟硬適中，好幼滑，個忌廉醬汁有少少鹹，蝦球開邊，乾淨鮮甜。日式紅酒燉牛肉飯（$98）牛肉帶少少甜味，不失口感。我鐘意個醬汁調味，白飯粒粒分明。棉花糖熱朱古力奶（$42）特別的日子加上天氣開始轉涼，揀左熱飲，造型超級可愛，係隻小熊，爆發少女心，極具心思技巧。焦糖布甸熱咖啡（$42）焦糖脆口， 甜而不膩。最正當然係手工巴斯克芝士蛋糕（$32）依舊香滑， 唔太甜， 賣相精緻。價錢合理， 服務好， 最緊要坐得舒適，食物味道好。

朋友想食得舒適啲，之前好似嚟過一次覺得呢度環境幾好幾寧靜，所以就推介朋友黎晚餐是日餐湯幾濃郁入味，配料足，仲食到舊牛肉香辣白酒蜆肉蒜片意粉 $88意粉比較乾身爽口，口感偏硬少少不過都幾岩我，辣味都比較重帶少許白酒味道，蜆肉都幾入味，如果可以完全無沙就更好蒲燒鰻魚飯 $88肉質嫩，骨刺基本上唔多覺，腥味都唔覺，甜鹹適中，唔會搶過左鰻魚既味，仲有冬菇同蛋做配菜，感覺豐富手工巴斯克芝士蛋糕 $32手工精細，口感細滑柔軟，芝士味適中，唔會食到好漏鮮忌廉朱古力 $42好creamy朱古力味非常香濃幼滑鮮奶咖啡 $38如果鮮奶比重可以多啲就更好，感覺比重係咖啡大於鮮奶

覓食行動要重啟了終於終於出山啦我過咗嚟九龍灣搵食就揀咗呢間餐廳，主食揀咗兩款啖啖肉，有烤慢煮BBQ豬肋排，法式燉煮羊膝。豬肋排用慢煮嘅方法令到肉質更加軟腍，汁醬空間多咗就入哂味第二款係法式燉煮羊膝，長時間燉過嘅羊膝口感軟糯多汁，但係我揀錯咗呀🥲我應該配飯，啲汁應該要配飯先正㗎嘛…好彩個甜品同咖啡真係填補翻我嘅空虛，呢個tiramisu coffee夠邪惡夠正啦，佢面頭3分1層係tiramisu 底層係咖啡，頭一吓梗係用匙羹食一啖先再飲，先試到真正嘅層次…順帶一提，甜品tiramisu 窩夫係用酥皮做窩夫底，入口特別鬆軟，比起普通粉醬係輕盈好多，呢個好驚喜！

朋友之前係呢度食過晚餐覺得環境舒適寧靜，食物都唔錯，所以今日就同佢黎聚一聚食個晚餐蒜蓉包蒜蓉味香濃外脆內軟餐湯 羅宋湯味道合適唔會太重味，最重要係竟然有牛腩，我諗極少有餐廳嘅羅宋湯會有煎慢煮安格斯西冷配薯菜 $158醬汁有啲甜甜地，調味適中，同埋可能慢煮嘅關係，既能保持西冷肉質亦不失肉汁，薯條有說不出的好食蒲燒鰻魚飯 $98白飯用咗珍珠米幾合我心意，鰻魚都算大條配上鮮甜嘅鰻魚汁正正常常，骨剌好似都唔多覺提拉米蘇咖啡 $48只有凍飲，上層感覺好似食緊Tirmasiu甜品，下層有好香濃嘅咖啡味偏苦鮮忌廉朱古力 (凍) $42好多時太濃郁的朱古力會令口感變粗糙，但係加左忌廉令到口感幼滑手工巴斯克芝士蛋糕 $28平平無奇既外表但又充滿濃烈的芝士味，口感輕巧軟綿而濕潤，食得出微微既奶油與滑順的鮮奶油味道服務態度好好講野好nice，環境舒適

隱世九龍灣咖啡室☕️有多款新穎咖啡選擇🤎今日介紹呢一間餐廳位於企業廣場，喺正MegaBox /零碳天地對面🌱地點都幾方便，不過就比較少人流，係一間隱世高質嘅Cafe🤎Dinner set Menu慢煮烤雞配霹靂葡汁配雜錦沙律 $108烤雞有半隻🐣，外皮燒得香脆，食落有肉汁，而且調味適中。霹靂葡萄汁帶少少酸辣味， 十分開胃🥰份量夠女仔食，如果男仔食嘅話就要加多少少嘢啦🤣燉煮牛肋骨飯$108 （小編推薦）牛肋骨炆得非常軟䭃入味，入口即化，有非常濃嘅牛味，係一個幾高質嘅牛肋骨😘而配菜冬菇亦都非常厚肉，人稱冬菇精嘅我感到十分滿意🧡🧡整體調味偏鹹，送飯就剛剛好😁是日餐湯晚餐會配上是日餐湯，羅宋湯質素正常，幾多菜🥬🥕手工巴斯克芝士蛋糕🍰 $28CP值幾高幾一個蛋糕，食落芝士味香濃，而且非常軟滑，唔會太甜，不過幾有飽腹感😊天然蜂巢咖啡🍯 $48造型非常壯觀，玩味十足嘅一個咖啡🤎會有打咗奶泡嘅鮮奶，濃縮咖啡☕️，天然蜂巢🍯比你自己倒落去😘 所以你可以根據個人口味調配。小編覺得咖啡比較甘苦，所以到咗¾杯就夠啦💕而蜂蜜可以中和到咖啡嘅苦味🤎玫瑰普洱冷泡茶$38幾特別嘅一個配搭，不過普洱茶比較苦，所以小編留咗少

朋友話呢間餐廳都唔算開左好耐，見佢裝修得幾靚，一直都想試下，今日就同朋友嚟食個晚飯，可能工廠區，夜晚人流唔算多幾舒適。是日餐湯羅宋湯及蒜蓉包口味偏清淡，多菜足料，非常適合餐前開胃。蒜蓉包又脆又香，細細個唔會撐胃，小小烤焦令到蒜蓉味更突出。香脆軟殼蟹漢堡包配牛油果、泡菜、蕃薯條軟殼蟹同薯條即叫即炸, 這都是最基本的. 牛油果加上原隻軟殼蟹, 口感亦非常鬆化. 再配上特色醬汁, 比坊間食到的味道更有小店風格. 蕃薯條加上蜜糖感覺幾清新, 都幾少食到呢個配搭同蕃薯風味。慢煮烤雞配霹靂葡汁、雜錦沙律烤雞雞腿部分嫩滑可口毋庸置疑，雞胸肉就冇咁滑都係正常既，雞皮帶點油香，慢煮既烹調方式令肉汁鎖住，加埋之前未食過呢個霹靂葡汁，是全新的味蕾體驗，嚐起來香辣過癮，並帶著酸甜豐富的滋味，食得出紅辣椒和橄欖油的味道，不過唔食辣既朋友就未必會點。雜錦沙律加左啲醋幾fresh同開胃。手工巴斯克芝士蛋糕雖然他有焦黑表皮,但是卻完成沒有焦味，反而超濃郁的芝士奶香, 芝士入口即熔,口感細膩.再配上焦糖烘燶面, 令人食指大動。抹茶鮮奶(熱)一黎到見到有個心心已經覺得融化左，翻左一日工見到都開心，表面有一層薄薄香濃抹茶既