Lava Java 咖啡西餐廳 (Closed)

由於觀塘王子大廈呢間Lava Java 咖啡西餐廳嘅龍貓朱古力同三眼仔抹茶鮮奶造型非常可愛，而且又近我地屋企，所以老婆好多時放工都會同我去食個Set Dinner，仲指定我要陪佢飲其中一款。同事們係我facebook見到龍貓朱古力同三眼仔抹茶鮮奶都非常有興趣，趁老婆今晚約左人，收工我就同三位女同事一齊去Lava Java食返餐。Lava Java 咖啡西餐廳位於的王子大廈好近地鐵站，由B3出口直行2分鐘就到。餐廳都幾大間，裝修簡約，以木製傢俱為主，幾有田園風格。我地到餐廳時大約7點，客人未係好多，餐廳座位都幾寬敞，感覺舒適。除左Dinner Set之外，呢度新推出左芝士火鍋二人餐同朱古力火鍋，三個女士有人想食芝士火鍋，又有人想食朱古力火鍋，所以最後我地兩個都叫哂，因為芝士火鍋二人餐已包括一款Pasta，所以我地只再點了一客小食拼盤同春卷，當然唔少得龍貓朱古力同三眼仔抹茶鮮奶啦。Lava芝士火鍋二人餐份量都唔少，芝士火鍋配料有雞肉、鮮蝦、法包粒、西蘭花、珍珠筍、車厘茄同薯條，另外仲跟一份Pasta，跟餐仲有兩杯餐飲，兩個人食呢個二人餐應該未必食得哂。火鍋用嘅芝士味道濃郁而且唔會太咸太膩，

觀塘工廈一向係美食既集中地，今次同老公黎左朋友介紹既新開小店。座落0係觀塘工業區，入口都幾新淨幾易搵。大堂好企理，唔係舊式嘅工業大廈。上到5樓，見到好靚嘅門口，新裝修，幾有格調。入面地方好闊落、枱同枱之間有好多位置，唔會聽到隔離傾計，好舒適。佢地每一位侍應，基本上都好好笑容，好有禮貌。特別係當日嘅負責人，一入門口就介紹我地食物。Menu好豐富，好多選擇。我地叫左兩個main dish：墨汁大蝦意大利飯同埋烤羊扒。佢地每一個主菜都有得加錢轉做2/3/4-courses set dinner，好有彈性。我地加左兩個前菜，一個湯。同兩杯飲品。《野菌忌廉湯》佢地唔係用罐頭湯，而係自己打碎磨菇，再慢慢煮成，係好有誠意嘅做法。入口好香濃幼滑，野菌味好突出，好creamy既口感，配一個小餐包，為之後既大餐做好準備。如果個湯上碟時，再熱啲就完美喇。《一口法式田螺焗酥盒》一客兩件，配少少沙律。田螺酥一向唔係我杯茶，但老公話幾好食。《墨汁大蝦意大利飯》大蝦好大隻，有預先煎香過，好有誠意，入口好新鮮。意大利飯用咗好多墨汁去煮，好香濃，調味都做得唔錯。但我個人食意大利飯，鍾意有口感多少少。呢樣野每人口味唔同，

今晚同姐妹自私食撐枱腳👭👭搵左觀塘區王子大廈內嘅一間cafe 可能時間尚早嘅關係 好有包場feel😌簡約嘅裝修 令人感覺好舒服👍🏼👍🏼 挑選了set dinner 沙律+主菜 餐飲另計~~~ 先吃沙律清清味蕾 沙律菜十分新鮮爽甜 烤雞沙律 雞肉尚算juicy當中芝士碎功勞不少 加添不少味道😙香草焗三文魚柳 賣相唔錯 好大隻碟😂 魚柳焗得外層十分香脆 入口juicy+鮮味無窮 必須配上醬汁中和一下 薯條勁脆牛扒6成熟 入口牛味香濃 肉汁完全被鎖住 入口咬落才爆發出來 有咬口 配上燒汁 牛扒味道更加出眾 薯蓉十分香滑👍🏼手工水果茶 即場再加熱2分鐘 入口清甜果味濃 暖笠笠 好適合女生們喝👍🏼 總結一下 環境真係好舒適 唔會太嘈 傾計一流👍🏼