Lava Java 咖啡西餐廳 (Closed)

卒之都約到富貴同事佢地食lunch啦揀咗呢間其實係慶祝防腐劑同事嘅生日飯我今日就嗌咗個雞扒不過我哋三個都覺得今日個lunch麻麻哋雞扒同埋豬扒都冇乜肉味又感覺鞋鞋地今日最值得欣賞係杯咖啡我飲呢個玫瑰拿鐡幾好飲唔太甜唔使刻意落糖，味道剛好又有玫瑰香味同味道，正因為我路程比較遙遠，所以我走先同富貴同事share呢一餐富貴同事最後話俾我知餐廳打咗八折俾佢因為今日係最後一日，佢哋做完就要結業不過話會開返，但係未知時間唔知關唔關事，因為呢個原因所以今日啲嘢食咁普通🙈

在觀塘區食午飯都食到悶悶地，又係時候同啲同事們試下新野，今日同事搵到呢間環境不錯嘅cafe，而且地點又方便，在開源道和巧明街交界嘅王子大廈內。這大廈算係工商廈，客電梯同貨電梯大堂係分開入口，所以客大堂都光猛，電梯又整潔，唔會有貨物出出入入。入到餐廳內，初時以為地方就是一眼睇晒，咁細嘅！？但原來係仲有得再入去，內裡地方都算寬敞，環境光猛，餐牌上都有好多款餐供選擇，而且又可以補差價選擇餐牌上其他特色飲品或甜品，因為餐只包普通咖啡/茶。各同事選擇嘅午餐都好好味，午餐C,D,E,F,H中，特別喜歡H炸龍利魚他他汁配薯條，炸魚又脆又大件，薯條熱辣辣脆口。由於太香脆啦，所以忘記拍照就食左。煙鴨胸黑松露忌廉汁炒烏冬都好好味，而且有好多年煙鴨胸架。但C餐豬扒就有點韌，不過就有2件大扒。特色飲品亦都好有驚喜好好味。總體來說都好好味，可以番兜再食。

放假想輕鬆，想去D無咁熱鬧的地方食下野，不如去去觀塘的樓上餐廳，環境舒服。可能我11:30 來不太多人，好似包左成個場咁😘這間餐廳好像有一個家的感覺，都幾舒服早晨全餐買相已經一百分💯，食落味道也不錯👍🏻，他們的雞蛋煮得好滑✌🏻意粉的白汁不會太少，夠味的吾會太淡，我自己比較喜歡食這個。雖然我覺得份量都比較多我點左一壺水果茶，水果茶對我來講太甜啦！我要加水先至可以飲到。不過放假有一壺茶，慢慢飲。其實都幾寫意，我自己好喜歡放假同朋友一齊放鬆。因為好多香港人工作生活實在太忙碌了其實放假係需要輕鬆一下，獎勵一下自己

1) 明太子 蟹籽 小墨魚 意大利飯賣相不太好 好蒼白的感覺小墨魚煮得不夠 有點硬淡口味的我也嫌無味其他味道還好飯量也很足夠.2) 蕃茄豬扒飯友人點的說太鹹飯的份量太少友人的胃口一向小 卻也說不夠.3) 伯爵茶latte其實即是奶茶始終覺得伯爵茶跟奶的味道不是太配熱飲送來時太熱是滾的程度過了5分鐘才能慢慢飲用對趕時間的上班族可能會有點不便了.一個餐要$90多不值

好耐冇去官塘做推拿，其實師傅啲期好full， 我等咗成個月。千里迢迢去到官塘一定要去找間好好食的餐廳細細品嘗。我在openrice預定了這間餐廳，科技很先進，按幾下就book了。其實這間餐廳我由佢開張已幫襯，後來我不在官塘工作已没有再去了。我還惦念它的咖啡及優雅的環境。今天重臨舊地，我選了它的set lunch A。1) 忌廉湯 with bread: 湯濃滑好喝。2) 特式芝士牛肉漢堡 with fries and salad: Signature dish，牛肉又嫩又厚又大份，芝士更提升了整個漢堡包的口感層次。3) Iced house coffee: my favorite，☕。

今朝去本來要去觀塘上堂，點知去到Miss先話佢病左要改期再上，難得專登出黎觀塘，熙係出黎試埋新野先返去~ 時間仲早可以早d食lunch，上網見到介紹去觀塘地鐵站呢間Lava Java開餐，睇到d飲品相 超得意令我好難忘。趁平日lunch 12:45前埋單有88折，緊係趁呢個機會一個人都要去食返餐。今日lunch set有8個款式可以揀，我揀左香煎豬扒配牛肝菌燒汁。豬扒好大件，肉質軟腍，薯條香脆，薯肉飽滿。不過我最滿意嘅係我杯薄荷朱古力，龍貓造型非常神似！同佢影左好多張寫真先捨得飲XD 趕係12:45前埋單有88折，非常抵食。

尼間位於觀塘工業區🏭既CAFE原都幾大間，不過位置真係有d難搵6、7點非常靜，小貓幾個任揀位置坐。望望餐牌發現套餐都吾算話抵食工廠區來講算貴吧同友人又不是太餓同埋主打為左個龍貓拉花來的所以叫左幾款小食。《炸魚柳條薯條》$58有4條魚柳條同薯條🍟份量都幾少魚柳條炸得都幾脆味道都吾錯配埋個沙律醬正另外叫左個蜜糖雞翼又真係幾正，蜜糖都落得幾多同好入味，但份量都好少，十幾蚊一隻都幾貴最後叫左個《焗芝士西蘭花🥦》$46芝士都落係表面都幾多，但食多兩舊就好水無晒芝士，味道吾會太濃都幾健康，牛油都吾夠，依舊細細碟。主打的《龍貓朱古力》$40比想像中畫得無咁靚但都吾差仲叫左杯《單眼仔抹茶latte》$40抹茶粉沉晒係底吾夠滑同樣都畫得一般般啦吾太抵飲整體小食不錯但偏貴，飲品一般。埋單加一收費

在openrice找到這家樓上cafe，食評亦非常正面，決定訂位一試，點了個燒汁雞扒飯，肉質非常嫩滑及juicy，中等價錢，環境幽靜，是三五知己聚腳好地方，非常推薦。

Kiwi我search嘢食時比呢間cafe飲品上嘅公仔吸引咗，預先訂枱晚上放工就同朋友嚟食。餐廳都幾大幾舒服，可以用嚟開party有投影機等提供。兩個人叫咗一個餐同單點一個意粉：頭盤Pan fried crab cake，啖啖蟹肉，食落好香好鮮。特色芝士牛肉漢堡配薯條。長薯條熱辣辣好食，漢堡幾大份下，芝士加漢堡絕配，食落幾juicy，如果個碟大啲方便切就更好。墨汁扁意粉配大蝦。加咗啲蕃茄食落酸酸地幾開胃，不過個人覺得個配搭有啲怪，食唔係好到墨汁味道。蝦就大大隻有開邊方便食用，味道唔錯。打卡飲品焦糖朱古力！係龍貓樣，好得意呀！唔捨得飲。個杯size好似有啲細，不過有香濃嘅朱古力味加上少少焦糖個味道係好飲嘅。總括嚟講都幾好，環境適合傾計，嘢食唔算差，飲品仲可以打卡添，可以一試。

觀塘工廈真係食極都食唔完😍 就趁着lunch同同事黎試吓😚 本來以為細細間，點知入到去原來都幾大，環境都幾舒服乾淨。.Lunch set （包餐湯+餐包+飲品)洋蔥薯仔湯 - 感覺幾特別好開胃，好重薯仔味😍 真係食到有少少薯蓉係入面咁，好滿足😚.南瓜汁蟹肉意大利飯 $92雖然蟹肉係普通嘅蟹柳絲，但係滿滿嘅南瓜汁已經搭夠🤤 一食落口就有好濃郁嘅南瓜味😍 完全唔留手😂 但係因為好滑所以好濟😖.+$20 岩石咖啡佢有好多特別款咖啡可以簡😍 左揀右揀之下揀咗簡佐依隻 原來岩石既意思係有啲咖啡jelly係下面 咖啡味都幾夠 幾特別😚.總結，大致上嘢食嘅份量都好足夠，同埋菜式比較特別，而且環境都好舒服😍 店員仲會見你未食完前菜，會用蓋幫你罩住主菜，費事會着涼👍🏻 好細心～

三五知己聚腳可考慮之選，觀塘交通方便，商業樓上餐廳，好靜方便傾計慢慢嘆。點咗幾樣都好味道，值得推介大家試試啊雖是無肉意粉，菇嘅香味，意粉嘅煙韌度恰到羅宋湯不過不失 ，如果擺盤認真一啲， 先可以達到色香味俱全芝士味濃，扁意粉同 煙肉 好啱我口味餐牌主要係輕食/清新沙律/意粉。 飽肚飯味道唔突出，但可以試吓喜歡fish & chips 嘅，一定要order, 當正餐食好味飽肚，一個女孩子食唔晒我最鍾意食嘅鬆餅~好滿足。都係個句，擺盤應該認真啲。咁樣我至會俾高啲分。最失望~ 唔應該自稱coffee見house coffee由餐廳自選，起碼ok掛，可能我當咗house wine 咁諗錯咗啦。綜合嚟講，好味令人滿意嘅多啲，大家可以試下。環境都攞到分，周六lunch唔full，性價比食&傾計都舒服

午飯前鬼死咁眼訓，我決定今日要飲咖啡提吓神，但是冇訂枱 so sudden ..... 掃左幾間樓上 cafe 都已經 full house, 最後去左王子大廈樓上的一間 ，Lava Java 。見到Java 除左令我諗起個 software 之外，仲聯想到印尼爪哇，果到有火山，火山又有 lava , lava 又令我諗起近排個地震， so sad 。講返間餐廳，食過一兩次都幾舒服架。但係唔明點解lunch time 周圍都爆場，反而佢就冇乜人喎，簡直奇景。今日午餐食呢D，我叫左法式油鴨脾伴薯仔沙律 $90 。 好快就上菜了，羅宋湯配餐包仔，熱辣又酸酸地，冇得輸，係碗湯細左少少囉⋯⋯主菜法式油鴨脾，感覺有點發育不良，瘦左DD喎！但油鴨味道係唔錯架，少少似中式臘鴨，但唔會油淋淋，亦鮮味好多 ！薯仔沙律都好味既。可惜油鴨伴薯仔沙律，食落唔太夾，越食越寡。可能加少少生果會好D。咖啡時間，house coffee 好香，可惜只係落左四份一包糖已經好甜。可能用左有甜味的 cream , 早知試左味先啦，專登來歎啡架麻， 失策 ！😩

平時好多café 都會係工廈或者商場, 但Café 的地方有D意想不到, 就係商業大永廈入面… 今日食同事的生日飯, 我地8個同事叫7個餐, 幾乎叫晒成個餐牌~ 開始食的餐湯已經好OK, 南瓜湯-好cream 好滑滑~ 重點推介: 豬扒 – 可以選飯意粉, 豬扒好多汁個味好好~ 另外是炸魚柳薯條, 炸得好靚, 又係我好鐘意食的粗薯條。仲有的burger & 牛扒都好好味~但係個炒飯就麻麻地~~~飲品我飲左伯爵奶茶, 好好飲~~整體黎講, 我倆我同事都覺得好OK, 可以再黎食~~環境唔太迫, 坐得舒服!

星期六觀塘好多人 ， 一於找間cafe hea 唔係第一次黎啦 勁鐘意食佢既鬆餅！熱熱的 好香提子味 配埋果jam 一流呀！ 但叫左杯雲石奶茶覺得有點普通 唔值$34 不過坐一個下晝 都唔錯既！佢環境好岩傾計 同埋唔多人 d台又唔會好埋！會再黎架

Lava Java係我喺觀塘最愛嘅食堂之一！無論食物、餐廳環境同服務，都非常高質素，令我成日有Encore嘅慾望。筆者特別鍾意食佢嘅輕食下午茶餐 – 黑松露滑蛋多士！蛋炒得好滑，加埋黑松露簡直係絕配，麵包用英式鬆餅，又鬆又軟，配搭得好好，真心大力推介俾滑蛋控！另外，呢度嘅鬆餅亦好出色，焙烘時間啱啱好，又脆又鬆化，而且唔會太甜，配埋咖啡或者紅茶絕對一流。飲品方面，無論你鍾意咖啡、朱古力定係綠茶，呢度嘅飲品喺味道同賣相都具有相當誠意，個人最鍾意叫佢個「玫瑰咖啡」；香而濃郁、少少甜、玫瑰味好香，我覺得特別適合女士飲用。