Sweets House Cha Cha

Open Now

Now Closed

係社交平台見得多車輪餅小姐 就想尋覓下香港邊度仲有好味又多餡選擇嘅車輪餅 今次係尖沙咀citysuper發現左呢間sweethouse chacha！佢係每一間citysuper都應該有分店😛值得一提嘅係佢呢度唔止有常見嘅紅豆吉士味 仲有超出名抹茶系列！連鹹食嘅章魚燒 芝士牛肉漢堡都可以擺得入車輪餅入面😱但係個日就係車輪餅入面見到條頭髮 仲要好大力先扯到出來 拎過去有得換返另一個 但係就覺得比較核突🥵🧇抹茶吉士紅豆大判燒💰18外表都可以見到係綠色的抹茶～但係一搣開就見到有條頭髮🥶食返後尾店員補比我地嘅另一個 入面有好清晰嘅三層 抹茶吉士即係抹茶cream唔苦 紅豆蓉甜度可以接受 最下面仲有一層抹茶醬 不過已經差唔多融合餅身 層次豐富都幾好味！🧇原粒栗子紅豆大判燒💰18搣開發現栗子真係原粒 可惜係去左其中一邊 紅豆蓉冇顆粒感 似豆沙 栗子新鮮清甜 同紅豆幾夾 個人比較想試下栗子蓉！🧇章魚燒大判燒💰20呢隻味真係未見過 竟然塞左章魚燒入去車輪餅🤣佢真係完全係章魚燒 食得出章魚 沙律醬 椰菜質感 但係沙律醬係入面會好膩所以建議pat開 但係冇左醬又偏單調 都係食返正常甜味好😂整體來講呢度價錢

由於早一晚有朋友跟我提起車輪餅，我成晚籮籮亂好想食！雖然講起車輪餅，好多人都會諗起車輪餅小姐，不過我個人黎講唔鐘意，所以黎cha cha~味道方面都有啲大路嘅紅豆、蕃薯、抹茶，仲有比較特別啲嘅磨菇芝士、粟米火腿等等。Sweets House Cha Cha 嘅大判燒強調自家餅皮以日本麵粉、雞蛋製成，所以口感鬆軟。吉士大判燒 $14抹茶吉士紅豆大判燒 $16點左兩款，整體上都係滿意~餅皮口感鬆軟，唔會太硬太實，餡料都給得大方。不過大判燒一早整起，唔係即時做，變相吉士醬雖然細滑，但唔夠香，兼且鯨左~抹茶吉士紅豆聞起上黎有啲奇怪，有陣腥味，不過食落就冇大問題…抹茶味唔會太甜，紅豆並非豆蓉，增加口感~整體而言，吉士口味比抹茶紅豆嘅甜一點，我地更喜歡。十零蚊黎講真係唔錯，如果可以熱辣辣更好，因為客人唔算太多，唔明點解整定一大堆凍哂

晚上九時多來到海港城，很多食肆都關門了，唯獨Sweet House Cha Cha依然人頭湧湧。我只去過青衣城分店，必買又濃又滑的抹茶軟雪糕，想不到這裡選擇更多更豐富！有各種配搭的抹茶大判燒、泡芙、雪糕、沙冰，甚至有套餐，抹茶控看到一定會失控！！抹茶吉士紅豆大判燒 $15一心想吃抹茶吉士大判燒，看到餐牌上那一團鮮綠色的物體就覺得興奮，一定是抹茶味大衝擊！可惜已賣光了，只好退而求其次要抹茶紅豆大判燒。抹茶味很濃，非人工香精味，餅底軟糯，唯紅豆味過份突出，稍為蓋過了抹茶味。抹茶泡芙 $20意猶未盡，馬上再買一件抹茶泡芙。不得了！一咬開冰涼的抺茶忌廉便從泡芙內爆出來，抹茶味相當香濃，奶味同樣突出；忌廉質感幼滑，泡芙依然香脆，抹茶味充斥著口腔的感覺非常良好！很有衝動再買一件，可惜今晚已經吃過晚餐了，只吃得下這兩件甜品。難怪關門前半小時仍然人潮不絕，下次要試它的抹茶套餐！

好耐之前已經聽過人話呢間d抹茶甜品好好食，呢日放工經過海港城又有d肚餓，於是專登去買嚟食。既然抹茶最出名，當然要由抹茶嘅甜點試起。間店分為三部分，一間賣雪糕，一間賣泡芙，一間賣大判燒。落咗單要去收銀台俾錢先。海港城好多遊客，所以可能要排隊等一陣，去雪糕嗰邊俾八達通就快啲。呢日買咗個抹茶吉士紅豆大判燒，拎上手暖但唔熱。入面嘅抹茶吉士好幼滑好有茶味，唔會太甜，不過我覺得唔係好夠紅豆，對嗜甜嘅我嚟講有啲不足。可能因為我嗰日一路食一路喺街上行去搭車，所以有啲食而不知其味。幾日後自己一個放工又肚餓，於是諗住再去買大判燒同泡芙做晚餐。晚餐只食甜品怪怪地，於是買咗個芝士火腿大判燒。拎上手仲係熱辣辣！咬第一啖未啖到入心，再咬就食到好香濃拉到絲嘅芝士！大判燒個皮仲加咗黑椒，食落更加惹味！火腿就食唔出特別，不過成個配搭都好match！食完晚餐再買多個甜品：吉士泡芙！唔同大判燒，泡芙拎上手凍嘅，咬落口個皮幾脆，入面注滿用云尼拿籽做嘅吉士，香甜幼滑，加埋脆脆嘅泡芙皮，口感好match！試咗三個產品，覺得泡芙係最好食嘅，下次要再試抹茶泡芙！