倆口小吃 (Closed)

啱啱食完，就見到佢哋話嚟緊門市唔做😱呢間bookmark咗好一段時間，但因為相對輕食之餘，又無得坐低食，所以一直都未試。呢日去開元朗，又想輕食少少終於試咗！！位置喺順豐大廈下面巷仔位置，好彩見到地圖唔似喺大街，所以無行冤枉路😂叫咗兩款試吓，職員話等大約15-20分鐘，因為壓餅會耐少少#傳統刈包加柚子醬 $45有五花滷肉、酸菜、花生碎、莞茜及柚子醬。一打開勁多芫荽😂👍👍 #芫荽關注組 會員表示滿意😂😂個包好鬆軟，食得出有酸菜、蒜蓉、同花生，但柚子醬喺底唔太明顯，味道可以，特別個包好食，但份量有啲細😂#抹茶忌廉芝士壓餅 $37呢個我食完有被驚艷到🙉佢個抹茶cream cheese超～級濃郁，咬落直頭爆漿爆出嚟，好好食👍而且個餅底都做得唔錯，少少脆面，少少煙靭👍其實我見米芝蓮推介係刈包，但我覺得佢個壓餅好食啲😂呢間小店 連續三年 拎咗 #米芝蓮必比登推介，而家門市要結束，難道又敵唔過米豬蓮詛咒？！🥲

好天氣最適合到元朗國旅遊，品嘗倆口小吃的名物 — 刈包和芝士壓餅。傳統刈包使用自家製饅頭般的外皮，夾入滷得入味的豬腩肉，配上清新的柚子醬汁、大量芫荽、酸菜和花生粉，口感豐富且平衡。另一名物抹茶忌廉芝士壓餅，在煙韌的烤餅皮內，夾著濃郁的忌廉芝士，而抹茶則為這份壓餅帶來一股解膩的茶香。Try out Both Street’s signature items, the Traditional Pork Belly Gua Bao with greasy pork belly, citrusy yuzu sauce with lots of coriander and peanut powder. Another pick is their press cake, featuring various flavors from matcha cream cheese to tarp with pork floss.

🙋🏻‍♂️餓底探員今日去咗元朗調查呢間米芝蓮人氣長龍小店，佢主要賣特色刈包同爆餡流心壓餅，一場嚟到當然要試晒兩樣嘢啦🦐🥪蝦餅刈包 $49📸表示個刈包入面包住蒜蓉蝦餅，豆角配蒜蓉醋，油炸鬼脆脆，飯素，檸檬葉鹹蛋黃醬，配料非常豐富🙋🏻‍♂️表示個刈包食落好軟熟，蝦餅好香口，夾雜住豆角同香脆嘅油炸鬼，口感好過癮，檸檬葉嘅香味獨特加上蛋黃醬嘅鹹香，成個刈包好有層次感🍵🧇抹茶忌廉芝士壓餅 $35📸表示個壓餅煎到微微燶，細細件成嚿綠色，好靚好吸引🙋🏻‍♂️表示個壓餅外層軟糯，咬開後入面爆餡，勁流心，食落抺茶味超香濃，個餡入面加咗cream cheese，口感creamy，味道好正📈吃貨指數😋好味度 8/10🔙返啅度 8/10

朋友帶路發現元朗隱世米芝蓮小店如果唔係朋友介紹我都唔識本身對刈包唔係有太多愛收到風 平時都要排隊排隊2粒鐘今次碰吓運氣睇吓咩環境非常幸運地大概等咗30分鐘時間上可以接受！蝦餅刈包嘩！好好好好好食！首先個包非常之香軟彈彈！入口有一浸微微嘅甜味個種係麵粉的甜味。個包本身都好好食蒜蓉炸蝦餅 炸粉非常薄及香脆蝦餅厚身彈牙有口感非常特別用上豆角，豆角口感較硬配上軟綿的包，對比度强，非常爽脆配搭有驚喜！黑蒜菇菇炸刈包落單嘅時候睇漏咗個 《炸》字一出貨又嘩左一聲！個包非常香脆！有少少似炸饅頭！餡料係菇，菇入邊有水份，外皮非常脆！脆得黎同時冇俾菇的水份浸到淋左個包就係《脆》的表表者味道非常好！大大加分！抹茶芝士忌廉壓餅驚喜之作！本身都非常喜愛抹茶製品見到已經好想試下感覺到製作用心壓餅總共有六邊，每一邊都用慢火耐心煎香有少少香脆一咬落去綠茶餡立即爆曬出黎綠茶餡入面有淡淡嘅芝士香味中和得來唔會搶咗綠茶味好平衡！好食！餡料濃稠程度非常好唔會太稀又唔會太濃黏！完全配得上米芝蓮嘅稱號！未食完已經想再買其他味試吓！一定一定一定會再食！OMG !

平日下午一點幾開始排隊，以為前面得幾個人好快排到，點知一等就等咗一個鐘，除咗排隊等落單之外，仲要等食物即叫即整，排到落單嘅時候先知好多款已經停售/售罄，但舖頭告示嘅資訊實在太唔統一，建議牆上嘅menu都貼啲label話俾排緊隊嘅人知仲有咩款可以揀。傳統刈包加柚子醬 $42- 滷肉有少少令人失望，睇圖以為係厚切滷肉，原來係切四、五片上，肥肉多- 花生碎混合咗柚子醬，塗滿成個刈包，配撘滷肉係幾清新嘅，但食到最後就嫌醬料太多- 整體份量中規中矩，如果唔駛等咁耐，會回購抹茶忌廉芝士壓餅 $35- 份量足，皮薄，內餡係滿滿嘅抹茶忌廉芝士- 對於一個抹茶控嚟講，抹茶嘅濃度未係話好滿足，食落好似出面麵包舖嘅抹茶芝士撻內餡一樣，唔太突出，但如果唔係追求抹茶回甘果種，就會覺得幾易入口都係果句，值唔值得排咁耐去試，就真係見仁見智喇。