倆口小吃 (Closed)

平日下午一點幾開始排隊，以為前面得幾個人好快排到，點知一等就等咗一個鐘，除咗排隊等落單之外，仲要等食物即叫即整，排到落單嘅時候先知好多款已經停售/售罄，但舖頭告示嘅資訊實在太唔統一，建議牆上嘅menu都貼啲label話俾排緊隊嘅人知仲有咩款可以揀。傳統刈包加柚子醬 $42- 滷肉有少少令人失望，睇圖以為係厚切滷肉，原來係切四、五片上，肥肉多- 花生碎混合咗柚子醬，塗滿成個刈包，配撘滷肉係幾清新嘅，但食到最後就嫌醬料太多- 整體份量中規中矩，如果唔駛等咁耐，會回購抹茶忌廉芝士壓餅 $35- 份量足，皮薄，內餡係滿滿嘅抹茶忌廉芝士- 對於一個抹茶控嚟講，抹茶嘅濃度未係話好滿足，食落好似出面麵包舖嘅抹茶芝士撻內餡一樣，唔太突出，但如果唔係追求抹茶回甘果種，就會覺得幾易入口都係果句，值唔值得排咁耐去試，就真係見仁見智喇。