Video
Read full review
2023-10-08
243 views
南豐集團位於啟德新商場係九月式開幕，有唔少過江龍餐廳進駐，當然要同大家嚟試下D新餐廳啦！咁多間餐廳中，我最想試呢一間日本過江龍茶系Cafe - Nana's Green Tea 。不過同時用餐經歷都幾令人失望😮💨！琴日Lunch再訪Nana’s，叫左呢款「唐揚雞咖哩飯」。日式咖哩🍛食落都有香料味，但味道唔突出，較溫和，而且有點稀。炸雞份量唔多，得4件，味道係帶少少酸味，咬落已經變得腍身，配落漬物一齊食都算開胃。嚟到抹茶甜品店，一定要試吓佢哋嘅抹茶蛋糕。有朋友話開幕果陣，佢地個蛋糕偏硬。今次我都特登叫一份。蛋糕細細件，雖然蛋糕較乾身，但中間有cream 同抹茶醬，口感較為輕盈，所以一齊食果陣唔會太乾身。而且蛋糕都算鬆軟，味道算正常。早前我都試咗「抹茶白玉芭菲」，抹茶雪糕係用左日本配方，所以雪糕都會帶點小冰粒，但抹茶味唔突出，隱約食到少少茶味，甜度適中，雪糕真有點失色。成個芭菲味道最濃反而係底部係抹茶🍵啫喱同抹茶醬。感覺主次倒轉咗。其次，令人失望係呢度嘅服務。第一次到訪係店員安排位置，但後來轉左係自由入座再去落單，令整個餐廳迫滿人，成日有客人係旁邊等位，食得唔舒服。店員又要求客人要搵左位
琴日Lunch再訪Nana’s，叫左呢款「唐揚雞咖哩飯」。日式咖哩🍛食落都有香料味，但味道唔突出，較溫和，而且有點稀。炸雞份量唔多，得4件，味道係帶少少酸味，咬落已經變得腍身，配落漬物一齊食都算開胃。
嚟到抹茶甜品店，一定要試吓佢哋嘅抹茶蛋糕。有朋友話開幕果陣，佢地個蛋糕偏硬。今次我都特登叫一份。蛋糕細細件，雖然蛋糕較乾身，但中間有cream 同抹茶醬，口感較為輕盈，所以一齊食果陣唔會太乾身。而且蛋糕都算鬆軟，味道算正常。
早前我都試咗「抹茶白玉芭菲」，抹茶雪糕係用左日本配方，所以雪糕都會帶點小冰粒，但抹茶味唔突出，隱約食到少少茶味，甜度適中，雪糕真有點失色。成個芭菲味道最濃反而係底部係抹茶🍵啫喱同抹茶醬。感覺主次倒轉咗。
其次，令人失望係呢度嘅服務。第一次到訪係店員安排位置，但後來轉左係自由入座再去落單，令整個餐廳迫滿人，成日有客人係旁邊等位，食得唔舒服。店員又要求客人要搵左位至可以到櫃檯落單，繁忙時間都要等5-10分鐘，對一個人客人唔方便。
落單後，店員會提供號碼牌方便送餐，但店內多人，令到店員送餐時，要邊行邊叫號碼。明明有號碼牌又夾住張單，都仲要叫號碼，之後好快又有其他同事誤以為落錯單，想拎走我個飯，但同搭檯人客order無重複，證明暫時服務安排都唔穩定。
同搭檯既夫婦傾左幾句，佢地叫既丼飯既米飯係偏凍。「豚肉柚子胡椒烏冬」豬肉份量少，食落無胡椒味。主食既表現真係好難令人滿意😐。
整體我覺得食物係令人失望🤦🏻♂️。坦白講，咖哩飯同工廠大廈D小店出品相約，味道仲麻麻，價錢都少貴。甜品食落普通，味道唔算特別。唔試都無所謂🤷🏻。
唐揚雞咖哩飯
$108
40 views
0 likes
0 comments
抹茶忌廉蛋卷
$48
23 views
0 likes
0 comments
抹茶白玉芭菲
$88
15 views
0 likes
0 comments
Post
