nana's green tea

Open Now

Now Closed

相約跟我生日差一天同樣是獅子女的好友吃生日飯，選了去Airside吃頓甜絲絲的午餐慶祝。為何甜絲絲因為我們選了去nana's green tea，早已聽聞除了甜品外店家的鹹食質素也相當不錯。甫坐下先點餐再嘆著飲品慢慢傾！我選上冷泡宇治煎茶$42，煎茶帶上翠綠色澤入口澀味清雅香氣怡人。好友點的熱焙茶$42以360KYUSU盛載著煎茶奉客，沖入茶後也不會變熱絕不燙手，而且還能夠360°注水實用性高，最重要的是全透明可以清楚看見茶湯的美態，真的又靚又實用有點衝動入手一個呢。前菜我們選了薯仔沙律$68！粉淋有口感的薯仔沙律吃下非常有滿足感，而且還有半邊烚蛋感覺好健康。柚子胡椒豚肉烏冬$98！湯頭帶有點點微辣的柚子香氣，雪白烏冬口感非常順滑兼有嚼勁，就算配襯豚肉也不覺油膩。唐揚雞咖喱飯$108！香甜的咖喱汁碰上軟糯飯粒怎能不好吃，加上炸得香脆又Juicy的雞球就更加惹味，隨飯還附送一碗味噌湯不會過鹹味道不錯啊。最後我們選了這杯焙茶生朱古力芭菲$98作飯後甜品！層次超級豐富內有香滑鮮忌廉、焙茶生朱古力、焙茶雪糕、玄米脆片、北海道十勝紅豆蓉及焙茶啫喱，再襯上香甜的黑蜜醬吃下滿滿豐富口感，肯定肥爆但絕

當日假期，跟好姊妹走到啟德 Airside，食完她推介的露營主題 Cafe <GOOCA> lunch 後，大家依然意猶未盡，便走到我推介的日本過江龍甜品店 <nana's green tea> 嘞！我們都是抹茶迷，相信這裡的抹茶甜品會啱我們口味呢！由於，當時尚算新開又人氣的關係，加上店舖不大，我們在門外排隊等約 10分鐘！Menu 主打抹茶及焙茶系列甜品及飲品 還有，飯、烏冬...比預期多元化啊！茶味下午茶抹茶軟雪糕配抹茶朱古力蛋糕 $45抹茶軟雪糕入口冰涼，甘甜平衡，質感軟滑！加入抹茶朱古力蛋糕，兩者口味甜度不同對比，香脆的雪糕筒令人欲罷不能！焙茶忌廉蛋卷 $48焙茶味道濃郁，蛋卷鬆軟甜美！忌廉幼滑細膩！熱焙茶牛奶 $45混合牛奶的焙茶，口味變得溫和，甜度適中不錯喝！熱焙茶 $42相對，純焙茶熱泡，茶味甘香散發出來， 入口味清帶甘！

今晚同班朋友去咗Nana's Green Tea食嘢，叫到成枱都係嘢食，有我最鍾意食抹茶甜品，好滿足呀嫩雞胸肉野菜沙律,唐揚雞沙律,雞肉半熟玉子丼,柚子胡椒豚肉烏冬,唐揚雞咖喱飯,海老番茄豆乳意大利飯,仲有個烏冬唔記得咗咩名... 飲品: 熱抹茶牛奶, 有杯新嘢飲又唔記得叫咩名 甜品 : 抹茶軟雪糕白玉紅豆, 白玉紅豆湯, 抹茶紅豆忌廉蛋卷, 抹茶芝士蛋糕, 抹茶生朱古力芭菲.好食，下次再會來

無論去到日本定香港，見到有抹茶雪糕就會忍唔住食下，今次泥到Airside最底層發現原來都有唔少野食，啱啱食完lunch，食返杯雪糕做甜品係人生一大樂事😆抹茶軟雪糕加抹茶朱古力蛋糕軟雪糕顏色誘人，食落香滑，亦都有濃濃嘅抹茶味，今次揀咗抹茶朱古力蛋糕做配料，朱古力蛋糕比較硬身，令人有少少失望，而且抹茶味都唔係特別濃，反而見到人哋嘅蕨餅同埋白玉就比較吸引🙃

個雪糕唔夠滑，有少少似冰沙咁硬硬地，如果更滑嘅話會好啲。揤出嚟嘅雪糕好似比薩斜塔咁，歪晒。甜度合適，不太甜，但是綠茶味不足。另外在衛生方面，唔帶手套我其實算可以，因為每個筒都有個紙套，只要不碰到蛋筒我都冇所謂，但偏偏佢就係用手去攞住個蛋筒 。啲培訓同埋安全衛生標準唔夠高，有啲失望 。點咗個朱古力綠茶Brownie，個Brownie超硬 。總括嚟講，如果可以花多啲時間喺培訓，在綠茶粉中捨得放落少少，帶出香味及金味，這樣會好好多。

豆乳/ 抹茶/ 醬汁超濃郁呢間cafe，好似講緊應該要喺香港食到嘅日式好濃味嘅產品佢都有齊晒，仲要煮出嚟係好食-譬如有我呢個海老蝦醬汁烏冬擔擔面嘅烏冬啊，全部嘢夾埋出嚟都好夾-所以如果間唔中經過開Airside都可以試吓

今日lunch同同事坐shuttle去位於airside嘅NANA’s Green tea 食lunch我嗌咗lunch set ， 牛肉壽喜燒丼（附有沙律同湯），仲有黃豆粉蕨餅，同埋玄米茶麵豉湯湯同埋沙律係典型嘅日本餐前菜，兜菜好大兜，啱晒啲鍾意食菜嘅人牛肉壽喜燒丼，啲牛肉撈埋啲汁好惹味，再加隻半熟嘅蛋，我用咗啲蛋汁嚟揀啲牛肉，真係好match。食咗咁多嘢，飲杯玄米茶消滯。最後黃豆粉蕨餅，煙煙韌韌，好好咬口。

Airside 已經係我最鍾意佢嘅商場，而作為一個綠茶控，呢間甜品店我都去過起碼五六次，不過今次係第一次喺呢間甜品店食埋個晚餐。嗰日由於時間比較早，所以就唔使排隊，用膳會有限時，同埋間店舖就有啲淺窄，坐得未必太舒服，同埋環境會有啲嘈吵。我自己就嗌咗一個豆乳擔擔烏冬，再加一份綠茶雪糕，個烏冬味道唔錯，不過由於呢間店舖都係以輕食為主，所以份量對一個成年男人嚟講就應該未必夠，而綠茶雪糕就保持一貫高水準，本人非常推薦。（詳情可參考我附送的圖片)

超人氣日本茶室 nana’s green tea🍵🍵採用宇治抹茶為食材軟雪糕香口滑流，勁重綠茶味道威化雪糕筒脆卜卜👍👍店舖好細心配上雪糕架又方便食😋nana's soft serve🍦🍵抹茶白玉あずき $45🍡抹茶軟雪糕配白玉和紅豆抹茶チョコレートクランチ $45🍫抹茶軟雪糕配朱吉力脆脆📍Shop B128, AIRSIDE, 2 Concorde Rd, Kai Tak#nanasgreentea #greentean #雪糕 #nana #宇治抹茶 #IceCream #抹茶白玉あずき #抹茶チョコレートクランチ #softserve #airside #啟德 #親子好去處 #hongkong #香港好去處 #foodie #foodiehk #Instafood #yummy #ymmyfood #美食推薦 #美食推介 #食べ物 #料理 #美味しい #相機食先

22/9/2024📍Nana’s green tea原來呢間係源自日本嘅人氣茶室🍵 宜家係Airside同Southside呢兩個商場都有分店本來以為得野飲同輕食 原來都有提供唔少主食 餐廳嘅座位唔少 但星期日中午都full晒 雖然唔洗等位 但等出餐等得有啲耐😉⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨嫩雞肉明太子茶漬飯（$88）果幾片雞肉非常鞋口！仲鞋過啲即食雞胸好心咪話自己係嫩雞肉啦😅好在有明太子搭救 同鰹魚湯都幾夾 中和佢嘅鹹味令個湯飯都夠味 仲有一小碟好似梅乾/酸菜嘅物體 加埋落個飯都唔錯嘅😌✨擔擔豆乳烏冬（$108）湯底嘅豆乳味同花生味幾香 聞落好吸引 但食落鹹咗少少只係少少辣 唔食得辣嘅👩🏻‍🦰都食得落烏冬幾有咬口 唔係太掛汁🍜但咁樣反而更加好 唔會吸到太多湯底 冇咁鹹入面有啲肉碎同生菜 呢個價錢嚟講唔係幾抵食🙂‍↔️✨抹茶蕨餅芭菲（$88）芭菲有幾層layer 賣相唔錯👍🏻最頂嘅抹茶雪糕嘅茶味唔算好濃 但夠滑 冇冰感🍦加埋cream食都唔錯黃豆粉蕨餅唔夠煙靭而且得2嚿真係太少啦 有啲可惜🙁中間有啲粟米片增加口感 下面嘅牛奶雪糕&抹茶凍都做得唔錯 overall抹茶味同甜味都b

位於豪華商場airside內的餐廳。雖然是抹茶焙茶的飲品甜品專門店，但主食也十分錯。平日中午lunch hour店內滿人，受歡迎！一個lunch set有沙律主食甜品和飲品一杯，值得推薦！

呢個商場比到我一個好舒適好寬敞嘅感覺，所以近排呢都經常過嚟，而甜品店方面呢其實就唔覺得呢一度有好多，上次其實已經經過呢間食過佢雪糕，而今次呢朋友咁啱係正日生日，就諗住過嚟食件cake有個儀式感，但係提提大家，佢呢一間係冇蠟燭嘅，所以可能要自行攜帶今次叫咗兩個cake一個就係抹茶芝士蛋糕一個係柚子芝士蛋糕，叫完之後呢其實佢好似漏咗單，所以呢等咗成20分鐘都冇Cake上，都少少失望，但係食咗個抹茶芝士蛋糕之後呢覺得都好好食，佢個抹茶味道超濃，但係又未至於好苦嗰種感覺，而柚子味嗰個呢就Normal，係想像中嘅味道

【九龍城區】【nana's green tea】同前電台同事凌霄哥食完飯，行吓啟德 Airside，佢堅持要請我食甜品。我就唔係話好需要，不過佢盛意拳拳咁，我就只能盛情難卻啦。成日行過間日式甜品店，都唔知佢叫咩名，終於今次知佢叫「nana's green tea」，都幾多人食喎，要排隊排幾個人。大家各自各 QR Code 叫嘢食，佢就食 $58 嘅「抹茶牛奶沙冰雲呢拿軟雪糕」，仲有跟「朱古力脆」，佢同我講話佢嗰杯嘢都唔錯。外觀上見佢成杯都抹茶色，個樣都幾好。我就冇食到，因為佢本身都係一個飲食節目嘅主持人，我係非常相信佢嘅口味嘅。我就食 $48 嘅「凍抹茶牛奶白玉紅豆」，我唔中意食紅豆，主要係想食白玉。咁啲白玉係幾好，但係點知原來啲紅豆都唔錯，幾好。加 $18 轉「抹茶軟雪糕」，始終佢呢度最出名係呢樣，果然名不虛傳，好食。兩杯嘢夾埋連加一就 $136 埋單，多謝凌霄哥。。。（地址：九龍城啟德協調道2號AIRSIDE B1樓B128號舖）

之前離開呢一個商場行街，行咗一段時間之後都見有啲攰，於是就搵一間雪糕店去食，又唔想食平時食開嗰間連鎖，見到呢一間都幾吸引，於是就入咗去坐啦，印象中佢係有限時嘅，但係佢都冇特別趕人，因為佢嗰段時間都唔算多見到旁邊嘅人呢係食一啲熱食嘅，下次都可以試吓，因為個樣貌都幾吸引，以自己呢就叫咗兩杯雪糕啦，朋友呢就叫咗有丸子嘅啦，個味道都幾好嘅，而自己呢就叫咗雲呢拿雪糕，個味道呢都不過不失，但係又唔會驚為天人，而我自己嗰個呢就叫咗黃豆蕨餅，個蕨餅就韌幾吸引，都幾好食嘅。

Airside內有好食店,唔想大魚大肉,呢度係唔錯嘅選擇. 出啓德站行幾步就到,都好就腳☺️同一層有citysuper, 食完可以行吓買D水果添👍大約18：00去到,無人排隊☺️侍應好快安排好座位,跟住放低餐牌,叫我用QR code落單. 態度都ok, 有笑容😉咁唔想晚餐食太飽,我點咗雞胸沙律,另一人,點咗胡椒柚子豚肉湯烏冬.雞胸沙律,有青瓜,蕃茄,生菜,粟米,雞胸應該係即食雞胸,比較乾...配日式沙律醋,橄欖油. 正常發揮. 豚肉烏冬,湯夠熱,有胡椒,柚子味,湯有白蘿蔔,葱,豚肉少量,烏冬軟硬適中,不錯.埋單$194. 合理價錢😉