Via Tokyo (Closed)

🍵上一次見人食既roll cake好吸引於是有一晚食完飯就去吃了~因為上一餐唔夠滿足甜品就叫多左😆3人食好飽呢💛 抹茶刨冰$75意外的好食! 抹茶味超濃感覺似食緊雪糕👍🏻👍🏻而且又唔會好快溶可以慢慢食~💛 抹茶蛋卷$40都幾貴啊覺得…不過好軟熟入面既忌廉又多味道都算濃💛 沙冰$55有埋抹茶雪糕係上面都算抵食👏🏻一次滿足兩個願望依間既抹茶味道的確做得唔錯再黎的話會encore刨冰☺️味道：★★★★★價錢：$$

食完晚飯就想食甜品，一諗就諗到去呢間食la！以前想食都要去銅鑼灣，尖沙咀開咗之後就方便左好多la...呢個抺茶沙冰真心真係好正$52又有雪糕食，又有沙冰飲...係呢個炎熱嘅夏天係一個好選擇！我食完個雪糕，覺得室內好凍～所以個沙冰拎左出街一路行一路飲!生果雪糕白玉餡蜜$49個人覺得如果想食白玉或者糯米糍兩種先好點呢個，因為個底有D蒟蒻..一般般..每次食完都好開心同滿足，女人的確正餐同甜品係有兩個胃吖！

Via Tokyo 相信無抹茶控係唔識嘅，佢係我心中嘅no.1。比起銅鑼灣店，尖沙咀就更就腳，而且位置較大，坐得更舒服。哩到嘅抹茶味係甘中帶香，令我回味到日本嘅雪糕。今晚食左白玉抹茶焙茶雪糕。好大碗，嘆左好耐先食完，抵食。一次食哂兩款茶味，抹茶較甘香，焙茶就甜一點，淨食一隻味會好悶，mix就至正。雪糕夾埋白玉，煙煙韌韌，口感豐富。Via Tokyo 嘅雪糕好滑，茶味夠濃，又唔會過甜，所以真係好鐘意食。見到店舖入面有好多明治牛奶，唔怪得咁滑啦！另外，叫左抹茶沙冰。雪糕份量俾得多，沙冰抹茶味清一點，同上層濃味雪糕互相彌補味道差異，所以唔會太流。食完覺得全身都散發住茶香，想回味日本嘅味道，哩到真係不二之選。