Via Tokyo (Closed)

Via Tokyo 相信無抹茶控係唔識嘅，佢係我心中嘅no.1。比起銅鑼灣店，尖沙咀就更就腳，而且位置較大，坐得更舒服。哩到嘅抹茶味係甘中帶香，令我回味到日本嘅雪糕。今晚食左白玉抹茶焙茶雪糕。好大碗，嘆左好耐先食完，抵食。一次食哂兩款茶味，抹茶較甘香，焙茶就甜一點，淨食一隻味會好悶，mix就至正。雪糕夾埋白玉，煙煙韌韌，口感豐富。Via Tokyo 嘅雪糕好滑，茶味夠濃，又唔會過甜，所以真係好鐘意食。見到店舖入面有好多明治牛奶，唔怪得咁滑啦！另外，叫左抹茶沙冰。雪糕份量俾得多，沙冰抹茶味清一點，同上層濃味雪糕互相彌補味道差異，所以唔會太流。食完覺得全身都散發住茶香，想回味日本嘅味道，哩到真係不二之選。