荳子 (海壩街) (Closed)

休閒小店 下午茶首選🍰抹茶流心吐司🍞 $68吐司係竹炭麵包所以黑蚊蚊🖤🖤🖤唔同一般嘅白吐司，但味道我覺得差唔多🥸冇話太大分別，但賣相外型就幾得意特別～抹茶雪糕都好大，抹茶味都幾重，不過偏向奶味，唔係茶味嗰種，但我個人就幾鍾意，相對地甜，唔會好苦～上邊仲有啲生果棉花糖等等嘅小裝飾，賣相更加加分！！個留心效果唔算特別澎湃，只係輕微流心，但係入邊嘅抹茶醬汁都算多，唔會食到個吐司好乾嘅感覺！下午茶去幫襯，相對少人，價錢合理，同三五知己吹水都幾一流！😛不過，見到佢晚市通常都好多人，價錢都偏貴～

扺食有心思趣味甜品🤩呢間Cafe菜式多樣化而且性價比高，特別係佢個tea set ，份量唔少有賣相又有內涵👍🏻🍵抹茶流心吐司Tea Set $58 (7.1/10)竹炭吐司高身唔細份烘得乾身恰當，外脆內軟切開中間有抹茶漿湧出飽身沾上偏重牛奶質感嘅搽茶流心，為抹茶甘甜添上載體對沖抹茶雪糕增添口感層次整體抹茶味唔算好濃亦唔會好澀，屬易入口類型朋友叫咗伯爵茶味，味道相比下冇抹茶味突出😝🍊 GAT Tea Set $58 (6.2/10)呢款甜品幾新穎，淨係睇餐單係睇唔透😂好奇心驅使下就試吓啦原來係炸奶皇味嘅麻糬波，加上乳酪雪糕同柚子醬一上枱見到出晒煙咁好大陣仗🤣個盒好大，攞盤精美，不過只有三粒麻糬波桔型外表趣致麻糬皮少冧亦有啲油膩奶黃custard過甜呢款創意十足不過味道唔太啱個人口味(Tea Set包$40以下飲品) ☕️ 法式焦糖燉蛋拿鐵 (6.8/10)☕️榛子拿鐵 (6.5/10)的確有法式焦糖燉蛋味和棒子味味道算自然咖啡唔苦，加上特別口味，好易入口☕️黑芝麻棉花糖飲品另外之前去Beans有試過呢款黑芝麻飲品，但實體唔係好記得係Latte定其他印象中芝麻味香濃味道新穎但接受度高

驚肺炎搞到好耐冇出街食，終於忍唔住喇！見食評上咁多人讚呢間，就試下你荳子嘅虛實！同女朋友好易就搵到餐廳。入去前有職員量體溫，貼心餐廳唔大，去到剛仲有兩個位叫左幾樣野竟然咁有驚喜1.黑松露軟殼蟹意粉意粉即叫即整熱騰騰軟殼蟹一大隻，炸得趣趣地又唔油膩，味道非常好！黑松露味道好香，汁又唔會太過黏，意粉質感亦軟滑唔硬。2.熱檸密🍋晚餐除左主菜意粉仲送一杯飲品，叫左杯熱檸密試下。就咁睇檸密嘅顏色就知道真係有料到，檸檬清香，飲落口真係好有蜂密香味，又唔會太甜。附送嘅飲品估唔到都咁出色！同出面好多茶記所謂嘅檸密完全唔同級數。3.車打芝士薯條食set dinner加+$25就有薯條。我本身唔係特別鍾意食薯條，女朋友想食就叫啦。薯條賣相好吸引，芝士味都稱得上濃郁。薯條算厚身，真材實料，都唔覺油膩。4.抹茶流心吐司食完正餐當然要食甜品，甜品依然驚喜！一切落去d抹茶湧出黎擋都擋唔住湧出嘅抹茶味道唔算非常濃，我反而更鍾意，因為太濃反而會有苦味。碟上面有少量焦糖同埋杏仁，吐司入面仲有d趣趣地嘅野，味道同質感都非常豐富抹茶雪糕都好好食。食完仲可以俾小費，小費會用於幫助慈善基構。呢間真係良心店。值得再去！

去到荃灣搵嘢食驚好朋友介紹試呢一間連個門口都唔知點入嘅鋪頭（點解我會咁講？試吓你就知）聽講呢間鋪頭平時排隊排得好長龍不過咁啱我哋夜晚9點幾先去所以唔使等位就可以好快入座場內嘅環境都幾舒適柔和嘅燈光賠償歐陸式嘅裝修都好適合三五知己過嚟坐吓傾吓計其實睇完個餐牌有好多野都好想食不過因為胃口有限我哋就叫咗黑松露軟殼蟹意大利粉意粉煮得彈牙唔會太淋再配上黑松露忌廉汁同埋炸得鬆脆嘅軟殼蟹味道就真係唔錯唯一挑剔嘅點就係個汁唔夠鹹⭐️⭐️⭐️⭐️（5⭐️滿分）Caramel  Banana  Waffles 配料非常多口感很豐富重點係全部配料味道都非常好個窩夫亦都做得非常鬆軟亦都非常香整體配搭令我十分驚喜⭐️⭐️⭐️⭐️⭐️抹茶流心吐司上面凍冰冰嘅抹茶雪糕球配上下面烤得香脆熱辣辣嘅吐司再加上吐司入面香龍嘅抹茶流心簡直係抹茶控嘅天堂香濃嘅抹茶再加上豐富嘅口感簡直就好似成個人浸喺抹茶入面一樣⭐️⭐️⭐️⭐️⭐️Chocolate  Paradies非常香濃朱古力尤其係個心太軟都好好味不過比起其他野食就好似無乜特別⭐️⭐️⭐️⭐️熱榛子朱古力非常香濃的榛子味和朱古力味而且口感順滑喜歡朱古力的朋友要飲⭐️⭐️⭐️⭐️奶泡桂花荔枝特飲外型好靚桂花味同荔枝味都

海壩街同大河道交界嘅轉角位，一連兩個鋪位，任何時間經過都有唔少食客。之前tea time食過抹茶流心吐司，嗰陣濃郁嘅抹茶味到而家依然記憶猶新。今次決定約埋朋友試試晚餐水準如何。店員安排入座，過咗半個鐘朋友仲未到，雖然店員沒催我落單，但我自覺唔好意思🙈，叫咗杯熱榛子朱古力。1\榛子朱古力估唔到即使係杯熱朱，店員都有心機做咗杯好靚嘅拉花。飲落有輕輕一陣榛子味，朱古力唔會有種落重糖嘅甜味，非常好。朱古力配合牛奶味道濃厚而細膩，可可嘅味道齒頰留香。2\黑松露軟殼蟹意粉意粉口感軟硬適中，乾身唔creamy所以唔會膩，黑松露味道飄香。軟殻蟹炸得酥香脆口，連殼一啖咬落去，蟹肉和外層軟殼係嘴裡交融，滋味特別濃厚。3\抹茶流心吐司向朋友極力推介咗呢個飯後甜品，佢都食得津津有味。即叫即製大大份吐司，兩個人share都好夠食，性價比超高。抹茶雪糕甘甜，冰涼口感配剛烘好嘅吐司，冰熱交雜，味蕾嘅享受真係冇得頂！紅桑子酸酸瞇瞇，中和抹茶雪糕嘅微微甘甜味，令成個抹茶甜品甜而不膩。切開吐司，暖笠笠嘅抹茶醬一湧而出，甘香濃郁，令人食指大動。每啖吐司都充滿抹茶甘味🍵，感覺好似抹茶醬揸多士咁，幾過癮。由於lava toas

跟朋友相約荃灣區吃晚飯，被餐廳的文青Style吸引了便進餐廳了。一共點了兩客餐點，一杯飲品，除了適合打卡之外，食物質素都有驚喜！
「黃金蟹肉意大利粉」 沒想過會有蟹蓋作伴碟，賣相很不錯，蟹蓋包住蟹肉，而且蟹肉味道很新鮮，意粉口感適中，很怕吃太軟身的意粉，這個剛剛好！甜品是「抹茶流心吐司」，賣相已經好靚，吐司很鬆脆，一切開入面有抹茶漿流出來，配上抹茶雪糕食好夾，又不會太甜。飲品點了一杯「榛子朱古力 」奶味香濃，本身喜歡喝朱古力類飲品了，味道口感都不錯，有濃濃榛子味。整體來說食物質素OK的，適合與女生閨蜜打卡的餐廳，唯一是份量較小，而且晚飯時間排隊時間長。

聽講呢間野七點之後就會好多人於是我地就六點幾已經去等位可能仲好早所以都未有太多人可以就甘入去臨坐低前我地都有同店員講七點半先齊人 但佢地都好好照比我地入去坐 ! 不過就叫我地嗌住野飲先最後我地嗌左幾樣野小食拼盤 等到人齊先食所以凍左如果唔係既話應該會更好味黑松露軟殻蟹意粉好濃黑松露味千島醬蟹棒蟹子帆立貝pizza我覺得一般但啲朋友話正車打芝士薯條呢個因為跟餐所以加25蚊就有係幾好味但就真係要趁熱食如果唔係就會好膩抹茶流心吐司抹茶味雪糕好濃竹炭吐司好香脆配埋d雪糕食真係正點野飲方面我嗌左杯hazelnut chocolate外形係幾吸引不過飲落無乜hazelnut味道另外仲有焦糖香蕉窩夫切片香蕉上面舖左焦糖幾match!

第一次食係荳子岩岩開個陣。話咁快就開左幾間分店。好耐無來食荳子，但想食意粉又想食甜品的話，中價位來講荳子確實係相宜既選擇～1. 黑松露軟殻蟹意粉非常好味，黑松露味道濃郁，軟殻蟹亦能維持脆卜卜既口感。睇落去好細份，其實兩個人食都夠。2. 小食拼盤有肉醬薯條、兩款單骨雞翼、洋蔥圈，味道不俗，特別係兩款雞翼。洋蔥圈就表現不過不失啦，如果鍾意食雞翼既話建議就咁嗌會平啲～3. 飲品諗唔到飲咩好就叫返有3D art既latte~想當年荳子就係靠佢打出名堂不過今次飲係有少少失望既雖然嗌得咖啡，對味道都無咩要求不過一擺低都明顯見到同以往唔同啲奶泡都無咁穩，個公仔好似隨時會消散唔見而奶就過多，應該係打奶打得唔夠耐不過都要讚下個造型係勁得意～仲要有兩隻熊熊非常有心思4. 抹茶流心吐司唔記得全名係咩，大概係咁啦。一見到已經覺得好靚～甜品特別用黑色既麵包，再加一啲綠茶曲奇碎同雪糕，少量莓類，綠茶味十足烤過既麵包配埋綠茶流心同雪糕，口感好好，真係值得一試5. 店員服務態度好又專業，唔洗用筆寫都記得哂點左啲咩食，會主動問洗唔洗上甜品，禮貌又好足希望可以改善既係吧枱位冷氣問題。唔知係咪射燈既關係，熱到不得了

第一次食beans果時佢仲係得荃灣角落嘅一個舖位，時至今日，已經搖身一變成為小型連鎖咖啡店。能夠做到今日咁成功，食物自必然都有返咁上下水準。相約好耐冇見嘅朋友黎食下午茶，平日嘅下晝四點，完全唔使排隊。朋友未食晏，叫咗一碟忌廉汁鮮蟹肉蟹棒件蟹子意粉(Lunch menu $58)。我就要左個抹茶流心吐司(Afternoon tea $58，包一杯野飲) 同Earl grey latte。忌廉汁鮮蟹肉蟹棒件蟹子意粉，只係試少少就成為我嘅推介！ 忌廉汁濃稠，形容佢為忌廉醬也不為過。數量都幾多嘅蘑菇同洋蔥令整個醬汁味道更加豐富，蟹子亦令個意粉更有口感。至於蟹肉同蟹棒，我個人其實唔太中意食，亦都無試到，不過單單係醬汁，已經令中意食creamy野嘅我十分滿意。至於我食嘅呢個green tea lava toast，亦都充滿驚喜。以前光顧beans，印象中甜品或者蛋糕類都唔算特別出色，但呢個流心吐司令我對呢度改觀。一上枱，先係俾佢咁巨型嚇親，下午茶以一個女仔嘅食量就有點多，兩三個人分都可以。竹炭吐司烤得香脆，如果齋食有少許苦味，但同抹茶雪糕又或者𥚃面嘅抹茶醬一齊食，甜度剛剛好。吐司面層裝飾精緻，除左