甜牙牙

Open Now

Now Closed

飯後甜品🍮當然唔少得啦！ 早有聽聞「甜牙牙」，地點十分方便，係甜品林立既旺角廣華街，無論揸車/步行都好近。 拿拿，女生論甜品都係賣相行先，為食貓就必試窩夫咁話。蜂蜜玉桂窩夫配雪糕🍦原來係香蕉🍌，好和諧，宵夜談心最佳。若晚飯🥣意猶未盡，宵夜更添滿足。抹茶窩夫🍵配雪糕窩夫餅底都加入抹茶，紅豆絕配，甜度balance剛好，賣相夠吸引✨ 環境舒服乾淨😌，適合情侶💑 同一家大細，淺色糖果系🍬裝修，啱我心水。

之前同朋友於旺角食晚飯，曾經過這間甜品店幾次，每次都會被門外的餐牌吸引視線。今天剛巧又不太肚餓，所以決定和老公一人一份甜品當作晚餐。8點前光顧依然是午餐價，好抵食，而且其他人未有那麼早吃甜品，不用等位。店內環境有點像台灣咖啡店，裝修的風格亦令人感覺很舒服。今晚點了2款都很甜蜜蜜的美食。抹茶窩夫配雪糕：我是一個抹茶控，這款最合我心意，格仔窩夫厚厚的，外面脆脆，連同紅豆蓉一起吃，份外滋味；抹茶雪糕口感黏黏地滑滑地的很特別。棉花糖朱古力鬆餅層層：老公點的厚厚鬆餅也不錯，他很喜歡中間隔層的一粒粒棉花糖，多重口感，朱古力雪糕很濃郁，我也忍不住偷吃了一口。

由於食完水煮魚唔夠滿足，就決定馬上去食甜品補數。抹茶窩夫配雪糕($48)抹茶窩夫即叫即做，夠鬆化，紅豆都幾大粒。抹茶窩夫+紅豆+抹茶雪糕三樣一次過食，非常滿足！！(個人口味: 3.7/5)芒果綿綿冰配椰果($55)芒果綿綿冰夠冰，芒果夠甜，配埋椰果同芒果爆珠一齊食，滿滿既芒果味，好食。(個人口味: 3.6/5)見到餐廳仲有意粉，價錢都好抵，有機會試下。

同朋友食完飯，又想繼續傾計，就係附近找個地方吃點甜。其實旺角好多甜品店，但係比呢間裝修吸引左，最後揀了這間位於百利達廣場地下 4 號舖嘅「甜牙牙」。佢環境真係好寬敞舒適，仲有個Private Corner，一大堆人來食，兩口子拍住拖來吃甜品也絕對適合。.佢個甜品選項非常豐富，主打心太軟系列、鬆餅系列、窩夫系列、火焰雪山系列、綿綿冰系列、雪糕船系列、西米露系列、芒果系列、紅豆沙系列、沙冰等，另外仲有一系列供應至晚上八點嘅全日午餐。我同我朋友都揀左成10分鐘先落到單😂因為實在太多選擇。抹茶窩夫配雪糕 ($48)窩夫即叫即製，外層香脆，內裡鬆軟，窩夫用料十足。抹茶架紅豆真係永遠的。我perfect match !窩夫擺得好似心型，擺得好靚。兩極香蕉船 ($52) 我朋友指定要叫，話係童年回憶。一上台，賣相亦非常吸引，用料極之豐富。有焦糖香蕉、脆卜卜的朱古力波波、兩片脆餅同船底嘅檸檬味啫喱外，還伴有一球雲呢嗱雪糕和一球朱古力雪糕，分量十足之餘亦落足心思。好岩想食多元化的為食朋友。總括來講，價錢公道，份量亦都好多，每份甜品都擺得好靚，見到會有好開心感覺。最重要，裝修真係好靚，坐得好舒服。

某日心血來潮想食心太軟就去咗甜牙牙，仲記得以前夜晚成日都要排隊，不過而家人流好似冇咁多，直接可以入座。入面座位稍為擠迫，但甜品舖格局都大同小異。1. 宇治抹茶心太軟配綠茶雪糕 賣相吸引，心太軟要等大約15分鐘，佢唔會太細，都有咁上吓嘅高度，一啖熱辣辣嘅心太軟，一啖凍冰冰嘅雪糕，冰火交融真係滿足抹茶流心不斷湧出，食完全個心太軟會有少少膩，不過有雪糕中和返都OK😛綠茶同紅豆嘅配搭天衣無縫！成個甜品冇乜缺點，我驚太膩，所以問職員攞左杯水☺️如果食心太軟，一定要黎依家試吓，應該唔會失望！2. 抹茶窩夫配雪糕 窩夫嘅配料其實同上面心太軟一樣，不過窩夫比較鬆脆，冇心太軟咁滯，但相對上無心太軟一冷一熱嘅感覺咁滿足。如果想試吓鬆脆嘅甜品，不妨一試窩夫😉